ദുരന്തമുഖത്ത് കാഴ്ചക്കാരുടെ തിരക്ക് രക്ഷാപ്രവർത്തനത്തിന് തടസ്സം: ഡോ. എം. എസ്. സുനിൽ

ദുരന്തമേഖലകളിൽ സഹായഹസ്തവുമായി എത്തുന്നവരെക്കാൾ കാഴ്ചക്കാരുടെയും റീലുകളും സെൽഫികളും പകർത്താ നെത്തുന്ന വരുടെയും എണ്ണം വർധിക്കുന്നത് ആശങ്കാജനകമാണെന്ന് ഡോ. എം. എസ്. സുനിൽ അഭിപ്രായപ്പെട്ടു.

രക്ഷാപ്രവർത്തനം പുരോഗമിക്കുന്ന സ്ഥലങ്ങളിൽ അനാവശ്യമായി ആളുകൾ തിങ്ങിക്കൂടുന്നത് രക്ഷാദൗത്യത്തെ പ്രതികൂലമായി ബാധിക്കുന്നുവെന്നും, രക്ഷാപ്രവർത്തനത്തിനായി വിന്യസിക്കുന്ന ബോട്ടുകളിൽ പോലും ഇത്തരം ആളുകൾ ആദ്യം കയറാൻ ശ്രമിക്കുന്ന സാഹചര്യമുണ്ടാകുന്നതായും അവർ ചൂണ്ടിക്കാട്ടി.

സെൻസേഷണൽ ചിത്രങ്ങളും വീഡിയോകളും പകർത്തുകയെന്ന ലക്ഷ്യത്തോടെ ദുരന്തമേഖലകളിലേക്ക് എത്തുന്ന പ്രവണത അവസാനിപ്പിക്കേണ്ടതുണ്ടെന്ന് അവർ പറഞ്ഞു. ഇത്തരത്തിലുള്ള നടപടികൾ രക്ഷാപ്രവർത്തകരുടെ ജോലിക്ക് തടസ്സം സൃഷ്ടിക്കു ന്നതോടൊപ്പം ദുരന്തബാധിതരുടെ സ്വകാര്യതയെയും മാനവികതയെയും ബാധിക്കുന്നതാണെന്നും അവർ അഭിപ്രായപ്പെട്ടു.