നാടിൻ്റെ ഉത്സവമാകാൻ ശാന്തിഗിരി കലാഞ്ജലി ; നാളെ തുടക്കം

കലാഞ്ജലിക്ക് അരങ്ങൊരുങ്ങുന്നതോടെ ശാന്തിഗിരിയിലെ സായാഹ്നങ്ങള്‍ വീണ്ടും സംഗീതസാന്ദ്രവും കലയുടെയും സംസ്കാരത്തിന്റെയും മേളനവുമാവുകയാണ്. മ്യൂസിക് ഫ്യൂഷനും വാദ്യഘോഷങ്ങളും കലാഞ്ജലിക്ക് മിഴിവേകും. 

 പ്രശസ്ത ഗായകരും സംഗീതജ്ഞരും നാടൻ പാട്ടു കലാകാരൻമാരും കലാസാംസ്കാരിക രംഗത്തെ പ്രമുഖരും വിവിധ പരിപാടികളിൽ സംബന്ധിക്കും. 

പതിവിൽ നിന്ന് വ്യത്യസ്തമായി മരത്തണലില്‍ സന്ദര്‍ശകര്‍ക്ക് ഇരിപ്പിടമൊരുങ്ങും. സന്ദര്‍ശകര്‍ക്കും പരിപാടികൾ അവതരിപ്പിക്കാനുളള വേദി ലഭിക്കും എന്നതാണ് മറ്റൊരു പ്രത്യേകത.  

'നവപൂജിതം' ആഘോഷങ്ങളോടനുബന്ധിച്ചാണ് കലാഞ്ജലി സംഘടിപ്പിക്കുന്നത്. നവപൂജിതദിനമായ സെപ്തംബർ 8 ന് ഞായറാഴ്ച മുഴുവൻ സമയപരിപാടി കളുണ്ടാകും.  വയനാട് ദുരന്തത്തെ തുടർന്ന് ഫെസ്റ്റ് മിതമായ നിലയിലാണ് നടത്തുന്നതെന്ന് ആശ്രമം ജനറൽ സെക്രട്ടറിയുടെ ഓഫീസ് അറിയിച്ചു.

ഫോട്ടോ : പർണ്ണശാലസമർപ്പണത്തോടനുബന്ധിച്ച് ശാന്തിഗിരിയിൽ നടന്ന കലാഞ്ജലിയിൽ നിന്ന് (ഫയൽ ഫോട്ടോ

https://mediafacekerala.com/special/5356