ഗുരുരത്നം സ്വാമി സാരഥിയായി; ശാന്തിഗിരി റിസര്‍ച്ച് സോണ്‍ ക്ലീന്‍

ആശ്രമം സ്ഥാപകഗുരു നവജ്യോതി ശ്രീകരുണാകരഗുരുവിന്റെ തൊണ്ണൂറ്റിയെട്ടാമത് ജന്മദിനാഘോഷമായ നവപൂജിതത്തോടനുബന്ധിച്ച് റിസര്‍ച്ച് സോണില്‍ സ്ഥാപിതമാകുന്ന ശാന്തിഗിരി ഹാപ്പിനെസ് ഗാര്‍ഡന് ഇതോടെ ജീവന്‍ വെച്ചു. ആശ്രമത്തിലെ സാംസ്കാരിക വിഭാഗങ്ങളുടെ നേതൃത്വത്തിൽ പ്രവർത്തകർ ഒരുമിച്ച് ശുചീകരണത്തിനിറങ്ങിയപ്പോള്‍ സമാനതകളില്ലാത്ത കര്‍മ്മപങ്കാളിത്തമാണുണ്ടായത്. 

സ്ത്രീകളും പുരുഷൻമാരോടുമൊപ്പം കുട്ടികളും ശുചീകരണത്തിന് മുന്നിട്ടറങ്ങിയത് മാതൃകയായി. ആശ്രമം ജനറല്‍ സെക്രട്ടറി സ്വാമി ഗുരുരത്നം ജ്ഞാന തപസ്വിയുടെ നേതൃത്വത്തില്‍ സന്ന്യാസി സന്ന്യാസിനിമാരും മുന്‍നിരയില്‍ തന്നെ ഉണ്ടായിരുന്നു. 

 ഇടയ്ക്ക് തോരാതെ പെയ്ത മഴയിലും വൃത്തിയാക്കലിന് തടസ്സമുണ്ടായില്ല. അടിക്കാടുകള്‍ വെട്ടിയൊതുക്കിയും, പച്ചപ്പുല്ലുകള്‍ പുഴുതുമാറ്റിയും, പാഴ്വസ്തുക്കള്‍ പെറുക്കിയും ആളുകള്‍ മഴയിലും അത്ഭുതം സൃഷ്ടിച്ചു. നവപൂജിതം ആഘോഷത്തെയും ഓണത്തെയും വരവേൽക്കുന്നതായിരുന്നു ശാന്തിഗിരിയിൽ നടന്ന വൈകുന്നേരം വരെ നീണ്ട ശുചീകരണയജ്ഞം. 

ഫോട്ടോ : ശാന്തിഗിരി നവപൂജിതം ആഘോഷങ്ങളുടെ മുന്നോടിയായി ആശ്രമം റിസർച്ച് സോണിൽ നടന്ന ശുചീകരണ യജ്ഞത്തിൽ ആശ്രമം ജനറൽ സെക്രട്ടറി സ്വാമി ഗുരുരത്നം ജ്ഞാന തപസ്വിയുടെ നേതൃത്വത്തിൽ സന്ന്യാസി സന്ന്യാസിനിമാരും ഗുരുഭക്തരം പങ്കെടുത്തപ്പോൾ