ചൈനയിലെ ശ്വാസകോശരോഗ വ്യാപനം; 'ഇന്ത്യയ്ക്ക് ഭീഷണിയില്ല'

ചൈനയില്‍ ശ്വാസകോശരോഗം വ്യാപിക്കുന്നതും കുട്ടികള്‍ക്ക് കൂട്ടത്തോടെ ന്യുമോണിയ പിടിക്കുന്നതുമായ സാഹചര്യം സൂക്ഷ്മമായി നിരീക്ഷിച്ചുവരികയാണെന്ന് കേന്ദ്ര ആരോഗ്യമന്ത്രാലയം. ഇന്ത്യയ്ക്ക് ഭീഷണിയാകുന്ന സാഹചര്യം നിലവിലില്ല. അടിയന്തരസാഹചര്യമുണ്ടായാല്‍ നേരിടാന്‍ സജ്ജമാണെന്നും ആരോഗ്യമന്ത്രാലയം വ്യക്തമാക്കി. ഡയറക്ട്രേറ്റ് ജനറല്‍ ഒാഫ് ഹെല്‍ത്ത് സര്‍വീസസ് ചെയര്‍മാന്‍റെ അധ്യക്ഷതയില്‍ മുന്നോരുക്കങ്ങള്‍ ചര്‍ച്ച ചെയ്യാന്‍ യോഗം ചേര്‍ന്നു. ചൈനയിലെ രോഗവ്യാപനത്തില്‍ ലോകാരോഗ്യ സംഘടന കടുത്ത ജാഗ്രതാ നിര്‍ദേശം നല്‍കിയിട്ടുണ്ട്.

(വാർത്ത കടപ്പാട്: മനോരമ ന്യൂസ്)