ബേപ്പൂർ ഉരു നിർമ്മാണ മേഖലയെ ശക്തിപ്പെടുത്തണം: ഡോ. കെ.കെ.എൻ. കുറുപ്പ് .

ഒമാനിലെ ഇന്ത്യൻ അംബാസഡർക്ക് നിവേദനം നൽകി

മസ്ക്കറ്റ്: പ്രമുഖ ചരിത്രകാരനും കാലിക്കറ്റ് സർവ്വകലാശാലാ മുൻ വൈസ് ചാൻസലറുമായ ഡോ. കെ.കെ.എൻ. കുറുപ്പ് ഒമാനിലെ ഇന്ത്യൻ അംബാസഡർ ശ്രീ. ജി.വി. ശ്രീനിവാസനെ സന്ദർശിച്ചു. മസ്ക്കറ്റിലെ ഇന്ത്യൻ എംബസിയിൽ വെച്ചു നടന്ന കൂടിക്കാഴ്ചയിൽ, കോഴിക്കോട് ബേപ്പൂരിലെ നൂറ്റാണ്ടുകൾ പഴക്കമുള്ള ഉരു നിർമ്മാണ മേഖലയെ പുനരുജ്ജീവിപ്പിക്കണമെന്നും ശക്തിപ്പെടുത്തണമെന്നും ആവശ്യപ്പെട്ടുകൊണ്ടുള്ള നിവേദനം അദ്ദേഹം സമർപ്പിച്ചു.

കേരള സർക്കാറിൻ്റെ സെൻറർ ഫോർ ഹെറിറ്റേജ് സ്റ്റഡീസ് മുൻ ഡയറക്ടർ കൂടിയായ ഡോ. കുറുപ്പ്, ബേപ്പൂരിലെ ഉരു നിർമ്മാണത്തിൻ്റെ സാദ്ധ്യതകൾ അംബാസഡറുടെ ശ്രദ്ധയിൽപ്പെടുത്തി. നിലവിൽ ആശാരിമൂപ്പൻ ശ്രീ. സത്യൻ്റെ മേൽനോട്ടത്തിൽ ഗൾഫിലേക്ക് അയക്കാനായി മൂന്നു കോടി രൂപ വിലമതിക്കുന്ന ഒരു ഉരുവിൻ്റെ നിർമ്മാണം ബേപ്പൂരിൽ പൂർത്തിയായി വരികയാണ്.