ലോകത്തെ ഏറ്റവും മലിനനഗരം ലഹോർതന്നെ

ലഹോർ: വായുഗുണനിലവാര സൂചികയിൽ (എക്യുഐ) 274 രേഖപ്പെടുത്തിയതോടെ ലോകത്തിലെ ഏറ്റവുംമലിനമായ നഗരമായി വീണ്ടും പാകിസ്താനിലെ ലഹോർ. പ്രധാന വായുമലിനീകരണഘടകമായ പിഎം 2.5 ലോകാരോഗ്യസംഘടന നിശ്ചയിച്ചിട്ടുള്ള പരിധിയെക്കാൾ 35.6 മടങ്ങ് കൂടുതൽ സാന്ദ്രതയിലെത്തിയിട്ടുണ്ടെന്ന് 'ഡോൺ' റിപ്പോർട്ടുചെയ്‌തു.

എക്യുഐ 100-ന് മുകളിലായാൽ അത് ജനങ്ങൾക്ക് അനാരോഗ്യകരവും 150-ന് മുകളിലായാൽ അപകടകരവുമാണ്. 201-നുമുകളിൽ എത്തുന്നത് ഗുരുതരവും 301-നുമുകളിൽ അതിഗുരുതരവുമായാണ് കണക്കാക്കപ്പെടുന്നത്. 50 വരെയാണ് ഗുണനിലവാരമുള്ള വായു.

ലഹോറിലെ ശരാശരി എക്യുഐ 183 ആയപ്പോൾത്തന്നെ ജനങ്ങൾ അത്യാവശ്യമല്ലാത്ത പുറംമാലികൾ ഒഴിവാക്കണമെന്നും കുട്ടികളും പ്രായമായവരും ശ്വാസകോശസംബന്ധമായ അസുഖങ്ങളുള്ളവരും കൂടുതൽ ശ്രദ്ധിക്കണമെന്നും അധികൃതർ മുന്നറിയിപ്പുനൽകിയിരുന്നു.