കച്ചത്തീവ് സന്ദർശിച്ച് ശ്രീലങ്കൻ പ്രസിഡന്റ്

ന്യൂഡൽഹി: കച്ചത്തീവ് ഇന്ത്യ ഏറ്റെടുക്കണമെന്ന തമിഴക വെട്ടി കഴകം നേതാവും നടനുമായ വിജയ്‌യുടെ പ്രസ്‌താവനയ്ക്കുപിന്നാലെ, ശ്രീലങ്കൻ പ്രസിഡന്റ് അനുരകുമാര ദിസനായകെ കച്ചത്തീവ് സന്ദർശിച്ചു. കച്ചത്തീവിൽ അവകാശവാദമുന്നയിച്ച് തമിഴ്‌നാട്ടിലെ രാഷ്ട്രീയനേതാക്കൾ രംഗത്തെത്തിയതോടെ വിഷയത്തിൽ ശ്രീലങ്കയും നിലപാട് കടുപ്പിച്ചു. കച്ചത്തീവ് ശ്രീലങ്കയുടെ ഭാഗമാണെന്ന് ശ്രീലങ്കൻ വിദേശകാര്യ മന്ത്രി പ്രസ്‌താവിച്ചിരുന്നു.

വളരെക്കാലമായി നിലനിൽക്കുന്ന കച്ചത്തിവ് പ്രശ്‌നം പരിഹരിക്കാൻ കേന്ദ്രസർക്കാർ പരാജയപ്പെട്ടെന്ന് വിജയ്ക്ക് കുറ്റപ്പെടുത്തിയിരുന്നു. ഇന്ത്യൻ മീൻപിടിത്തക്കാരെ ശ്രീലങ്കൻ നാവികസേന ഉപദ്രവിക്കുകയാണെന്നും വിജയ് ആരോപിച്ചിരുന്നു.