കൂടൽമാണിക്യ ക്ഷേത്രത്തിലെ ജാതി പ്രശ്നം ഉയർത്തിയ ജോലിത്തർക്കം അവസാനിപ്പിക്കണം : ഡോ .കെ.കെ.എൻ കുറുപ്പ് .

കൂടൽമാണിക്യ ക്ഷേത്രത്തിലെ ജാതി പ്രശ്നം ഉയർത്തിയ ജോലിത്തർക്കം അവസാനിപ്പിക്കണം

: ഡോ .കെ.കെ.എൻ കുറുപ്പ് .

തൃശ്ശൂർ : കൂടൽമാണിക്യ ക്ഷേത്രത്തിൽ നടന്നുവരുന്ന തൊഴിൽ തർക്കം ജാതി കാരണമാണെന്ന് പലരും വിശ്വസിക്കുന്നു.

 ഈ തർക്കം പരിഹരിക്കാതിരുന്നാൽ പൊതുസമൂഹത്തിന് നാണക്കേടാണ് .

1918 ൽ ബ്രിട്ടീഷുകാരും തിരുവിതാംകൂർ രാജാക്കന്മാരും ഒരുമിച്ചെടുത്ത തീരുമാനപ്രകാരം ക്ഷേത്രം മേല ധികാരി തച്ചുടയ കൈമൾ സന്യാസിയെപ്പോലെ വിവാഹം കഴിക്കാൻ പാടില്ലെന്നായിരുന്നു .

അത് നിലവിലിരിക്കെ കൈമൾ വിവാഹിതനാവുകയും ആകാരണത്താൽ അദ്ദേഹത്തെ പുറത്താക്കാൻ ഇടവരികയും തിരുവിതാംകൂർ മഹാരാജാവും ദിവാൻ സർ സി പി യും ബ്രാഹ്മണ മേധാവികളും ചേർന്ന് പ്രശ്നം സമരസപ്പെടുത്തുകയുമാണ്ടായത്. 

പക്ഷേ വിവാഹം ചെയ്ത സ്ത്രീക്ക്ക്ഷേത്രത്തിൽ പ്രവേശനം തുടരുകയാണുണ്ടായത് . 

ഈ വിവാഹത്തെ പരാമർശിച്ചുകൊണ്ട് ഒരു 'സ്ത്രീയെ ഭാര്യയാക്കി' വെച്ചു എന്ന പേരിൽ ഞാൻ എഴുതിയ കുറിപ്പിൻ്റെ പേരിൽ അന്നത്തെ ചില അധികാരികൾ എന്നെ സിവിൽ മാനനഷ്ട കേസുകളിൽ പെടുത്തുകയുമുണ്ടായി.

 അറിയാതെ എഴുതിപ്പോയ ഈ ചരിത്രകാരന് ചോമ്പാലയിൽ നിന്നും നിരവധി തവണ ഇരിങ്ങാലക്കുടയിലെ സിവിൽ ക്രിമിനൽ കോടതികളിൽ കയറിയിറങ്ങേണ്ടതായി വന്നിട്ടുണ്ട്.

 യാത്രചെയ്ത വകയിലും നല്ല സംഖ്യ ചിലവായി.

 ഇതുപോലുള്ള ദുരനുഭവം അഥവാ ഗതികേട് ഈ ജോലിയിൽ നിയുക്തനായവനെ എത്തിക്കരുതെന്ന് പൈതൃക ചരിത്രകാരൻ കൂടിയായ ഞാൻ അപേക്ഷിക്കുന്നു: ഡോ .കെ കെ എൻ കുറുപ്പ്