എഴുത്ത്
ഡോ. കെ.കെ.എൻ. കുറുപ്പ് (മുൻ വൈസ് ചാൻസെലർ, കാലിക്കറ്റ് യൂണിവേഴ്സിറ്റി).
ലഹരിക്കെതിരെ ; കതിരിൽ വളം
വെക്കുന്നതിനും മുൻപേ
ഞാറ്റടിയിൽ വളമിടുക :
ഡോ .കെ കെ എൻ കുറുപ്പ്
(കോഴിക്കോട് സർവ്വകലാശാല മുൻ വൈസ് ചാൻസലർ ,
ചരിത്ര ഗവേഷകൻ )
സ്വന്തം മകന് ചോറ് വിളമ്പിക്കൊടുക്കുന്ന അമ്മ മകൻ്റെ കൈയ്യിലെ കഠാരി മുനയെ ഉള്ളുലയുന്ന ഭയത്തോടെ നോക്കിക്കാണേണ്ട അവസ്ഥയിലെത്തിനിൽക്കുന്നു ദൈവത്തിൻ്റെ സ്വന്തം നാട് .
മദ്യം ,കഞ്ചാവ് , എംഡിഎംഎ പോലുള്ളവയുടെ രാസലഹരിക്ക് അടിമപ്പെടുന്ന വിദ്യാർത്ഥികൾ പിന്നീട് വിവിധ സംഘങ്ങളായി തിരിഞ്ഞ് ആയുധങ്ങളുമായെത്തി പരസ്പരം സംഘർഷങ്ങളുണ്ടാക്കുന്നതും പതിവ് വാർത്തകൾ വേറെയും .
ഇളം പ്രായത്തിൽപ്പെട്ട വിദ്യാർത്ഥികൾവരെ കൊടും കുറ്റവാളികളുടെ ലിസ്റ്റിൽ ഇടംപിടിക്കുന്നു. സമൂഹം ഭയപ്പാടോടുകൂടി നോക്കിക്കാണുന്നു .
ജീവിതത്തിൽ വിജയിക്കണമെങ്കിൽ കുട്ടികൾക്ക് ജീവിത നൗപുണ്യത്തോടൊപ്പം അക്കാദമിക കഴിവുകളും ആവശ്യമാണ് .
ഞാൻ ആര് ?
ഞാൻ ആരെന്ന ആത്യന്തിക ചോദ്യത്തിന് ഉത്തരം കണ്ടെത്തേണ്ട വിധത്തിലുള്ള ഭൗതിക -ആത്മീയ വിദ്യാഭ്യാസരീതി പ്രചരിപ്പിക്കാൻ ശ്രമിക്കുന്നവരെ നമുക്ക് സ്വാഗതം ചെയ്യാം .
കാറൽ മാർക്‌സ് അടക്കമുള്ള ലോകത്തിലെ ചിന്തകന്മാർ അവസാനഘട്ടത്തിൽ ആത്മീയതയുടെ ചിന്താതലങ്ങളിൽ വ്യാപരിക്കപ്പെട്ടിരുന്നുവെന്ന് അവരുടെ അവസാനകാലത്തിലെ എഴുത്തുകൾ വ്യക്തമാക്കുന്നു .
യുക്തിവാദിയും ചിന്തകനുമായിരുന്ന പണ്ഡിറ്റ്‌ ജവഹർലാൽ നെഹ്‌റു ത്രിവേണി സംഗമത്തിൽ അസ്ഥമയ സൂര്യൻ്റെ നേരെ ജലതർപ്പണം ചെയ്‌തതായി കെ എം മുൻഷി വ്യക്തമാക്കുമ്പോൾ അത് അനന്തമായ ആത്മീയതയുടെ ബഹിർസ്പുരണമാണെന്നുവേണം കരുതാൻ .
ഇതുപോലൊരു അവസ്ഥയിലേക്കെത്തുമ്പോഴേയ്ക്കും നമ്മുടെ യുവതലമുറ വേണ്ടതെല്ലാം ചെയ്‌തു കഴിഞ്ഞിരിക്കുമെന്നത് ഒരു അദ്ധ്യാപകൻ കൂടിയായ ഞാൻ ഭയപ്പെടുന്നു .
ഏതു സ്ത്രീയെക്കണ്ടാലും 'പോക്സോ 'വിലേയ്ക്ക് സ്വയം നയിക്കപ്പെടുമെന്ന ഭയംപോലുമില്ലാതെ പെരുമാറുന്ന യുവാക്കളും എന്തിന് ചില അധ്യാപകർ വരെ നീതിന്യായ കോടതികൾക്ക് അനന്തമായ അദ്ധ്വാനഭാരം നൽകുന്നു . മാറ്റം അനിവാര്യം .
കുട്ടികളിൽ മനസ്സമാധാനത്തോടെയുള്ള മാനസിക വ്യക്തത ,ശാരീരിക വിശ്രമം ,ശ്രദ്ധ ,വൈകാരിക സ്ഥിരത തുടങ്ങിയ സദ്ഗുണങ്ങൾ പരിപോഷിപ്പിക്കാൻ
ജീവനകലയുടെ ആത്മീയാചാര്യൻ ശ്രീശ്രീരവിശങ്കർജി വിവിധ പ്രായത്തിലുള്ള കുട്ടികൾക്കായി രൂപകൽപ്പന നിർവ്വഹിച്ച 'ഉത്കർഷയോഗ ' ' മേധായോഗ' പോലുള്ള പരിശീലനങ്ങൾക്ക് സാധിക്കുമെന്ന് നിരവധി അനുഭവസ്ഥർ സാക്ഷ്യപ്പെടുത്തുന്നു .
വിവിധതലങ്ങളിലൂടെയുള്ള ശാക്‌തീകരണവും സാങ്കേതിക വിദ്യകൾപഠിപ്പിച്ചും കൊണ്ട് നടത്തുന്ന ഇത്തരം ആർട് ഓഫ് ലിവിംഗ് പരിശീലനം ലഹരിവിമുക്ത കേരളം എന്ന ലക്ഷ്യവുമായി ലാഭേച്ഛയില്ലാതെ കേരളത്തിലെ വിദ്യാർത്ഥികൾക്ക് ലഭ്യമാക്കാൻ ശ്രീശ്രീരവിശങ്കർജിയോട് അഭ്യർത്ഥിക്കുന്നു .
സംസംസ്ഥാന സർക്കാരുമായി കൂടിയാലോചിച്ച് ഈ പരിശീലങ്ങൾ പാഠ്യപദ്ധതിയുടെ ഭാഗമാക്കുമെങ്കിൽ ലഹരിമുക്ത കേരളം പദ്ധതിയ്ക്ക് കൂടുതൽ ഗുണം ചെയ്യും തീർച്ച .
കതിരിൽ വളം വെക്കുന്നതിനും മുൻപേ ഞാറ്റടിയിൽ വളമിടാൻ ഇത്തരം പ്രസ്ഥാനങ്ങളുടെ ഭൗതിക -ആത്മീയ വിദ്യാഭ്യാസരീതിക്കാവുമെങ്കിൽ ആ നന്മയെ നമുക്ക് സ്വാഗതം ചെയ്യാം .ആത്മീയതയിലൂന്നിയ വിദ്യാഭ്യാസം കാലഘട്ടത്തിന് അനിവാര്യം
നാളെയുടെ പ്രതീകങ്ങളായ നമ്മുടെ വരും തലമുറയിലെ കുരുന്നുകളെ നേർവഴി തിരിച്ചുനടത്താൻ നമുക്കണിചേരാം ..കൈകോർക്കാം ലഹരിവിമുക്ത കേരളത്തിനായി .
- ഡോ .കെ കെ എൻ കുറുപ്പ്
(കോഴിക്കോട് സർവ്വകലാശാല മുൻ വൈസ് ചാൻസലർ ,
ചരിത്ര ഗവേഷകൻ
ആത്മീയതയിലൂന്നിയ വിദ്യാഭ്യാസം
കാലഘട്ടത്തിന് അനിവാര്യം
: ദിവാകരൻ ചോമ്പാല
ഏകദേശം 17 വർഷങ്ങൾക്കു മുൻപ് കോഴിക്കോടിനടുത്ത് എലത്തൂരിലെ സി .എം .സി ഹൈസ്കൂൾ ഗ്രൗണ്ടിൽ പ്രത്യേകം സജ്ജമാക്കിയ വിശാലമായ പന്തലിൽ വിദ്യാർത്ഥികൾക്കായി നടന്ന ആർട്ട് ഓഫ് ലിവിങ് ആർട് എക്സൽ പരിശീലനത്തിൻ്റെ ഒരു ഓർമ്മ ചിത്രം.
1350 കുട്ടികൾ പങ്കെടുത്ത ഈ പരിശീലനം എലത്തൂരിലെ പി .ടി .സുരേന്ദ്രനും സുഹൃത്തുക്കളുമായിരുന്നു അന്നു സംഘടിപ്പിച്ചിരുന്നത് .
ശ്രീശ്രീരവിശങ്കർജിയുടെ പ്രമുഖ ശിഷ്യൻ നിശാന്ത് തോപ്പിലിൻറെ നേതൃത്വത്തിൽ നടന്ന ഈ പരിശീലനം ഒരു ചരിത്ര സംഭവമാണെന്ന് പറഞ്ഞാൽ തെറ്റാവില്ല തീർച്ച .
ഒരേ വേദിയിൽ നിരവധി ടീച്ചർമാരുടെ നേതൃത്വത്തിൽ ഇത്രയേറെ കുട്ടികൾ പങ്കെടുത്ത ആർട് എക്സൽ പരിശീലനം ഇന്ത്യയിൽ തന്നെ ആദ്യമായാണ് എലത്തൂരിൽ നടന്നതെന്ന് കാര്യത്തിൽ സംഘാടകർക്ക് അഭിമാനിക്കാം.
ലഹരിയിൽ മയങ്ങുന്ന വിദ്യാർത്ഥി സമൂഹത്തിന് ഇത്തരം പരിശീലനങ്ങൾ അനിവാര്യമാണെന്ന് പ്രമുഖ വിദ്യാഭ്യാസ ചിന്തകനും കോഴിക്കോട് യൂണിവേഴ്സിറ്റി വൈസ് ചാൻസലറുമായ ഡോക്ടർക്ക് കെ കെ എൻ കുറുപ്പ് അടിവരയിട്ട് നിലയിൽ വ്യക്തമാക്കുന്നതായി പ്രമുഖ മാധ്യമങ്ങൾ സാക്ഷ്യപ്പെടുത്തുന്നു. വിദ്യാഭ്യാസ വിദഗ്ദ്ധരുടെ അടിയന്തിര ശ്രദ്ധ ഇക്കാര്യത്തിൽ ഉണ്ടാകുമെങ്കിലും ഏറെ നല്ലത്.
.jpg)
ചിത്രം :ആർട് ഓഫ് ലിവിംഗ് പരിശീലനം
വാർത്തകൾ പ്രസിദ്ധീകരിക്കാൻ
9895745432 8714910399കല ,സാഹിത്യം ,ആത്മീയം ,ബിസിനസ്സ് ,വിദ്യാഭ്യാസം , & ടെക്‌നോളജി ആരോഗ്യം , വിനോദം തുടങ്ങിയ വിഷയങ്ങൾക്കൊപ്പം വാർത്തകളും വിശേഷങ്ങളും പതിവായി മുടങ്ങാതെ...ഓൺലൈനിൽ വാർത്താ ഗ്രൂപ്പിലേയ്ക്ക് താങ്കളെ സ്വാഗതം ചെയ്യുന്നു. താഴെ കൊടുത്ത ലിങ്കിൽ ക്ളിക് ചെയ്‌ത്‌ ജോയിൻ ചെയ്‌താലും .
Join WhatsApp GroupRelated Articles
