ഇനി കൃഷിയിടക്കാഴ്ചകൾ ആസ്വദിക്കാം ; അഗ്രോ ടൂറിസത്തിലൂടെ :സുബിൻ ദാസ്

ഇനി കൃഷിയിടക്കാഴ്ചകൾ ആസ്വദിക്കാം ;

അഗ്രോ ടൂറിസത്തിലൂടെ :സുബിൻ ദാസ്

കൃഷിയിടങ്ങളെ ഇനി മികച്ച കാഴ്ചയിടങ്ങൾ കൂടി ആക്കി മാറ്റിയാലോ .ഹരിത ഭംഗി സഞ്ചാരികൾക്ക് മികവാർന്ന ഒരു കാഴ്ചയും അനുഭവവും ആയിരിക്കും . അത്രയേറെ സുന്ദരമാണ് നമ്മുടെ പ്രകൃതിയും, കൃഷിയിടങ്ങളും .

കൃഷി, ടൂറിസം, ഗ്രാമ വികസനം എന്നിവ ചേർന്ന അഗ്രോ ടൂറിസം അത്തരം സാധ്യതാണൊരുക്കുന്നത് . ഫാം ടൂറിസത്തിൽ നിന്നും അഗ്രോ ടൂറിസം വ്യത്യസ്തമാക്കുന്നത് വിവിധ കൃഷികൾ ചെയ്യുന്ന ആ പ്രദേശത്തെ വൻകിട - ചെറുകിട - നാമമാത്ര കൃഷിക്കാർ ഉൾപ്പെടെ എല്ലാ കൃഷിക്കാരും അഗ്രോ ടൂറിസത്തിൻ്റെ പ്രയോജകരായി മാറുന്നു എന്നത് . ഒപ്പം കാർഷിക ഉൽപ്പന്നങ്ങളിൽ നിന്ന് മറ്റ് മൂല്യവർദ്ധിത ഉൽപ്പന്നങ്ങൾ ഉണ്ടാക്കുന്നവർ ,ഭക്ഷ്യവസ്തുക്കൾ ഉണ്ടാകുന്നവർ മറ്റ് സംരംഭകർ എന്നിവരൊക്കെ ഇതിനൊപ്പം ചേരുന്നു .ഒരു നാട് തന്നെയാണ് ഇതിൻ്റെ ഗുണഭോക്താക്കൾ .

ഒരേ സമയം കൂടുതൽ കർഷകർക്ക് കൃഷിക്കൊപ്പം മറ്റൊരു വരുമാനവും ,അവന്റെ ഉൽപ്പന്നങ്ങൾക്ക് സഞ്ചാരികളിലൂടെ ഉള്ള വിപണന സാധ്യതകളും കൃഷിക്കാരന് അഗ്രോ ടൂറിസം നൽകുന്നു .കൂടാതെ പരസ്പരം ആശയ പങ്കുവെക്കുവാനും ഈ മേഖലയിൽ നിക്ഷേപ പങ്കാളികളാകുവാൻ താൽപ്പര്യമുള്ളരെ കണ്ടെത്തുവാനും കർഷകന് കഴിയുന്നു . 

സഞ്ചാരികളെ സംബന്ധിച്ചിടത്തോളം വ്യത്യസ്തങ്ങളായ കാഴ്ചകളും അനുഭവങ്ങളുമാണ് താൽപ്പര്യപ്പെടുന്നത് . അത്തരത്തിൽ വൈവിധ്യങ്ങളുള്ള കൃഷികളെക്കുറിച്ചും പ്രകൃതിയെക്കുറിച്ചും ഉള്ള അറിവുകളും ,കാഴ്ചകളും അവർക്ക് അഗ്രോ ടൂറിസം വഴി സാധ്യമാവുന്നു . നല്ല ഭക്ഷണം ,കലകൾ ചരിത്രങ്ങൾ, പ്രാദേശിക വൈവിധ്യങ്ങൾ എന്നിവ അറിയുവാനും, ആസ്വദിക്കുവാനും ഉള്ള അവസരവും വന്നു ചേരുന്നു . ഒപ്പം ഗുണമേന്മയുള്ള ഭക്ഷ്യവസ്തുക്കൾ കർഷകരിൽ നിന്നും ഫാം ഫ്രഷ് ഉൽപ്പന്നങ്ങൾ കൃഷിയിടങ്ങളിൽ നിന്നും നേരിട്ട് സംഭരിക്കുവാനുള്ള ഒരു അവസരവും ലഭ്യമാക്കുന്നു . നല്ല കാഴ്ചകളും ,കാർഷിക പ്രവൃത്തികളിൽ കർഷകർക്കൊപ്പം കുറച്ച് സമയം ചിലവഴിക്കുക വഴിയുള്ള കുളിർമ്മയും നൽകുന്ന ഉന്മേഷം സഞ്ചാരികൾക്ക് ഏറെ വലുതാണ് .കൃഷിയിടങ്ങളിലെ താമസവും ,ഭക്ഷണവും ,ആസ്വാദനവും പുതിയ അറിവുകളും സഞ്ചാരികൾക്ക് പ്രിയപ്പെട്ടതായി മാറും. കൃഷിയിലേക്കുള്ള സഞ്ചാരികളായ ചിലരുടെ മാറ്റത്തിനും ഇത് സഹായകമാകാം .