രുചിപ്പെരുമയിൽ പകരക്കാരനില്ലാത്ത തലശ്ശേരി ദം ബിരിയാണി : ദിവാകരൻ ചോമ്പാല

കേരളത്തില്‍ മറ്റിടങ്ങളില്‍ ഉണ്ടാക്കുന്നതില്‍ നിന്നും തികച്ചും വ്യത്യസ്ഥമായ രീതിയിലാണ് തലശ്ശരി ബിരിയാണിയുടെ തയ്യാറിപ്പ് .

ബിരിയാണി ഉണ്ടാക്കാനായി ശേഖരിക്കുന്ന അരിയില്‍ തുടങ്ങുന്നു ഈ പ്രത്യേകത. മറ്റെല്ലായിടത്തും ബസുമതി അരിയാണ് ബിരിയാണി ഉണ്ടാക്കാനായി ഉപയോഗിക്കുന്നത്. 

എന്നാല്‍ ദം ബിരിയാണി ഉണ്ടാക്കാൻ ഉപയോഗിക്കുന്നത് കയമ അരി എന്നറിയപ്പെടുന്ന ജീരകശാലാ അരിയാണെന്നതാണ് ഒരു പ്രത്യേകത .

മറ്റു ബിരിയാണികളില്‍ ഇറച്ചി തൈരിലിട്ട് മയപ്പെടുത്തി അരിയോടൊപ്പം വേവിക്കുകയാണ് പതിവ് .എന്നാല്‍ ദം ബിരിയാണിക്കായി നെയ്‌ച്ചോറും മസാല ചേര്‍ത്തുള്ള ഇറച്ചിയും വെവ്വേറെയാണ് വേവിക്കുന്നത്.

അതിനുശേഷം ഇറച്ചിയും നെയ്‌ച്ചോറും മറ്റൊരു പാത്രത്തിലാക്കി ബിരിയാണി ദമ്മിനിടുകയാണ് ഇവിടുത്തുകാരുടെ പതിവ് രീതി,

ബിരിയാണിച്ചെമ്പിൻ്റെ  മൂടി മൈദപ്പശ വച്ച് സീല്‍ ചെയ്ത് ചെമ്പിനുമുകളില്‍ ചിരട്ടക്കനലിട്ട് അരമണിക്കൂറോളം വയ്ക്കുന്നതോടെ അത് ദം ബിരിയാണിയായി മാറും. 

തലശേരി ബിരിയാണിയെക്കുറിച്ച് ഇന്നോർക്കാണ് കാരണം ഡോ .മുരളി തുമ്മാരുകുടിയുടെ ഒരു കുറിപ്പ് കണ്ടതാണ് .ഐക്യരാഷ്ട്ര പരിസ്ഥിതി പ്രോഗ്രാമിൽ ദുരന്ത അപകടസാധ്യതാ ലഘൂകരണ വിഭാഗത്തിൻ്റെ തലവനായ മലയാളി ഡോ. മുരളി തുമ്മാരുകുടിക്ക് ദുബായിൽ എത്തിയാൽ ഒരു കപ്പ ബിരിയാണി നിർബന്ധമാണത്രെ 

ദുബായിൽ എത്തിയാൽ

ഒരു കപ്പ ബിരിയാണി

നിർബന്ധം

:മുരളി തുമ്മാരുകുടി

അതും GIGICO മെട്രോയുടെ തൊട്ടുതാഴെയുള്ള @Thalassery Restaurent ൽ നിന്നും. ഇത്തവണയും പതിവ് തെറ്റിച്ചില്ല. നല്ല ഭക്ഷണമാണ്, വില വളരെ ന്യായവും.

ഇത്തവണ വിശാലമായ ഓണസദ്യ ഉണ്ടത്രേ, നാട്ടിലെ പല സദ്യകളേക്കാൾ വിലയും കുറവ്.

നല്ല മലയാളി ഭക്ഷണം തിരക്കില്ലാതെ, വൃത്തിയായി, ന്യായമായ വിലക്ക് കഴിക്കണമെങ്കിൽ ഇപ്പോൾ ഗൾഫിൽ വരണമെന്നായി!

ഡോ .മുരളി തുമ്മാരുകുടി