'പെണ്ണുകിട്ടാൻ നെട്ടോട്ടം; വിവാഹവിപണിയിലെ പുതിയ യാഥാർഥ്യം!'

പുരുഷന്മാർക്ക് പങ്കാളിയെ കണ്ടെത്തുക അത്ര എളുപ്പമല്ലേ?

 ചെറുക്കന് വയസ്സ് മുപ്പതോളമായില്ലേ ?വേവലാതി വേണ്ട

ഈ ക്യാമ്പിലെ ഏറ്റവും ശ്രദ്ധേയമായ കണക്ക് മറ്റൊന്നാണ്. അപേക്ഷകരിൽ 80 ശതമാനവും പുരുഷന്മാർ. മുപ്പത് വയസ്സിനു മുകളിൽ പ്രായമുള്ളവരാണ് വധുവിനെ തേടി കാത്തിരിക്കുന്നവരിൽ ഏറെയും. സ്ത്രീ അപേക്ഷകരിൽ രണ്ടാം വിവാഹത്തിന് താത്പര്യമുള്ളവരും കൂടുതലാണ്.

ഈ കണക്കുകൾ ചില അസുഖകരമായ ചോദ്യങ്ങൾ ഉയർത്തുന്നുണ്ട്. കേരളത്തിൽ വിവാഹം ആഗ്രഹിക്കുന്ന പുരുഷന്മാർക്ക് അനുയോജ്യമായ പങ്കാളികളെ കണ്ടെത്താൻ ഇത്രയധികം പ്രയാസം നേരിടേണ്ടിവരുന്നു ണ്ടോ?

വിവാഹപ്രായം പിന്നിടുന്നവരുടെ എണ്ണം കൂടുന്നുണ്ടോ? സാമ്പത്തിക സുരക്ഷ, ജോലി, കുടുംബപശ്ചാത്തലം, ജാതി, മതം, ജീവിതസാഹചര്യങ്ങൾ തുടങ്ങിയ ഘടകങ്ങൾ വിവാഹനിർണയങ്ങളെ കൂടുതൽ സങ്കീർണമാക്കുന്നുണ്ടോ? ലിവിംഗ് ടുഗതർ എന്നവാക്കിന് ആരാധകർ കൂടുന്നുണ്ടോ ?

ഇതെല്ലാം ഒരൊറ്റ ക്യാമ്പിലെ കണക്കുകൾകൊണ്ട് നിശ്ചയിക്കാനാവില്ല. എന്നാൽ ചർച്ച ചെയ്യപ്പെടേണ്ട വിഷയങ്ങളാണെന്നതിൽ സംശയമില്ല.

വിവാഹ ബ്യൂറോകൾക്കും ചിന്തിക്കാനുള്ള സമയമല്ലേ?

വിവാഹാലോചനകൾക്കായി പ്രവർത്തിക്കുന്ന സ്ഥാപനങ്ങളും മാട്രിമോണിയൽ വെബ്സൈറ്റുകളും സജീവമായ കേരളത്തിൽ, ഇത്രയധികം ആളുകൾ സൗജന്യമായി സംഘടിപ്പിച്ച ഒരു ക്യാമ്പിലേക്ക് ഒഴുകിയെത്തിയത് ശ്രദ്ധിക്കപ്പെടേണ്ടതാണ്.സംഘാടകർ അനുമോദന മർഹി ക്കുന്നു .

വിവാഹം ഒരു കച്ചവടമല്ല. ജീവിതപങ്കാളിയെ കണ്ടെത്താനുള്ള ശ്രമത്തെ സാമ്പത്തിക ഇടപാടുകളിലേക്കും അമിതമായ നിബന്ധനകളിലേക്കും വിവാഹ ദല്ലാളുകളുടെ അഥവാ ഇടനിലക്കാരുടെ ഇടപെടലിലേയ്ക്ക് ചുരുക്കുമ്പോൾ സാധാരണക്കാരുടെ പ്രതീക്ഷകൾക്ക് തിരിച്ചടിയുണ്ടാകാം. അതുകൊണ്ടുതന്നെ വിവാഹ ബ്യൂറോകളും ഈ സംഭവത്തെ ഒരു പുതിയ സാമൂഹിക ആവശ്യത്തിന്റെ സൂചനയായി കാണേണ്ടതുണ്ട്.

വിവാഹാലോചനകളിൽ സാമ്പത്തികവും സാമൂഹികവുമായ മാനദണ്ഡങ്ങൾക്കപ്പുറം വ്യക്തികളുടെ സ്വഭാവം, പരസ്പര ബഹുമാനം, ജീവിതവീക്ഷണം, പൊരുത്തം എന്നിവയ്ക്കും പ്രാധാന്യം നൽകേണ്ടതുണ്ട്.

കേരളം മുഴുവൻ വ്യാപിക്കേണ്ട മാതൃകയാണോ?

കാരന്തൂരിൽ നടന്ന ക്യാമ്പ് ഉയർത്തുന്ന മറ്റൊരു ചിന്ത ഇതാണ്. വിവാഹം ആഗ്രഹിക്കുന്നവർക്കും രണ്ടാം വിവാഹത്തിന് തയ്യാറുള്ളവർക്കും പരസ്പരം പരിചയപ്പെടാനും അനുയോജ്യമായ ബന്ധങ്ങൾ കണ്ടെത്താനും അവസരമൊരുക്കുന്ന ഇത്തരം ക്യാമ്പുകൾ കേരളത്തിലെ മറ്റു ജില്ലകളിലും സംഘടിപ്പിച്ചുകൂടേ?

ക്ഷേത്രങ്ങൾ, സാംസ്കാരിക സംഘടനകൾ, സാമൂഹിക കൂട്ടായ്മകൾ, തദ്ദേശസ്ഥാപനങ്ങൾ എന്നിവയുടെ സഹകരണത്തോടെ ഇത്തരം സംരംഭങ്ങൾ നടത്താനാകും. എന്നാൽ മതം, ജാതി, സാമ്പത്തിക സ്ഥിതി തുടങ്ങിയവയുടെ പേരിൽ ആരെയും മാറ്റിനിർത്താത്തതും സ്വകാര്യതയും വ്യക്തികളുടെ സമ്മതവും ഉറപ്പാക്കുന്നതുമായ സംവിധാനങ്ങൾ വേണം.

വിവാഹം നടക്കാത്തവരെ കളിയാക്കുകയോ അവരെ അപകർഷതയോടെ കാണുകയോ അല്ല വേണ്ടത്. വിവാഹം വ്യക്തിയുടെ തിരഞ്ഞെടുപ്പാണ്. വിവാഹം കഴിക്കാത്തത് പരാജയവുമല്ല. എന്നാൽ വിവാഹം ആഗ്രഹിക്കുന്ന വർക്കു മാന്യമായ രീതിയിൽ പങ്കാളിയെ കണ്ടെത്താൻ സഹായിക്കുന്ന സാമൂഹിക സംവിധാനങ്ങൾ ഉണ്ടാകുന്നത് തീർച്ചയായും ഗുണകരമാണ്.

കാരന്തൂരിലെ ഏഴായിരത്തോളം പേരുടെ സാന്നിധ്യം ഒരു കാര്യം വ്യക്തമാക്കുന്നു:

വിവാഹം എന്നത് ഇന്നും വലിയൊരു വിഭാഗത്തിന്റെ ജീവിതത്തിലെ പ്രധാനപ്പെട്ട ആഗ്രഹമാണ്. ആ ആഗ്രഹം സാക്ഷാത്കരിക്കാൻ പുതിയ വഴികൾ തേടേണ്ട കാലം അതിക്രമിച്ചിരിക്കുന്നു.അഭിനന്ദനങ്ങൾ .

ഒരു ക്ഷേത്രത്തിന്റെ വിവാഹ രജിസ്ട്രേഷൻ ക്യാമ്പ് കേരളമാകെ ചർച്ച ചെയ്യപ്പെടേണ്ട സാമൂഹിക മാതൃകയായി മാറുമോ? അതോ വിവാഹം ആഗ്രഹിക്കുന്ന ആയിരങ്ങളുടെ പ്രതീക്ഷകൾ വീണ്ടും അപേക്ഷാഫോമുകളിൽ മാത്രം ഒതുങ്ങുമോ?

കേരളം ഗാരവപൂർവ്വം ചിന്തിക്കേണ്ട ചോദ്യമാണിത്.

: ദിവാകരൻ ചോമ്പാല