പഴയിടത്തിന്റെ കൈപ്പുണ്യവും വിവാദങ്ങളുടെ രാഷ്ട്രീയവും; രുചിയുടെ പിന്നിലെ ഗുണമേന്മയുടെ കരുതലും

രുചിയുടെ പിന്നിലെ ഗുണമേന്മയുടെ കരുതൽ

അന്നത്തെ സംഭാഷണത്തിലാണ് മാഹിയിലെ റോജ ഓയിൽ മിൽസ് നിർമ്മിക്കുന്ന മന്നൻ അഗ്മാർക്ക് വെളിച്ചെണ്ണയുമായുള്ള പഴയിടത്തിന്റെ ദീർഘകാല ബന്ധത്തെക്കുറിച്ച് അറിയാൻ കഴിഞ്ഞത്. ഗുണമേന്മയ്ക്കും ശുദ്ധതയ്ക്കും പ്രാധാന്യം നൽകുന്ന അദ്ദേഹത്തിന്റെ പാചകരീതിയിൽ ഈ വെളിച്ചെണ്ണയ്ക്കും ഒരു സ്ഥാനമുണ്ടെന്ന വിവരം ശ്രദ്ധേയമായി.

1998 മുതൽ അഗ്മാർക്ക് അംഗീകാരം നേടിയ ഉൽപ്പന്നമെന്ന നിലയിൽ മന്നൻ വെളിച്ചെണ്ണയുടെ ഗുണമേന്മയെക്കുറിച്ച് നിർമ്മാതാക്കൾ മുന്നോട്ടുവയ്ക്കുന്ന വിവരങ്ങളും അന്ന് ചർച്ചയായി. ISO 22000:2012 ഭക്ഷ്യസുരക്ഷാ മാനദണ്ഡവുമായി ബന്ധപ്പെട്ട അംഗീകാരവും ഉൽപ്പന്നത്തിന്റെ ഗുണനിലവാരത്തെക്കുറിച്ചുള്ള അവരുടെ അവകാശവാദങ്ങളിൽ ഉൾപ്പെടുന്നു.

മന്നൻ വെളിച്ചെണ്ണയുടെ നിർമ്മാതാവ് വിപിൻകുമാറും അന്ന് വ്യക്തമാക്കി യത് പഴയിടം മോഹനൻ നമ്പൂതിരിയുമായുള്ള ഈ ആത്മബന്ധം സമീപകാലത്ത് തുടങ്ങിയതല്ലെന്നായിരുന്നു. ഗുണമേന്മയിൽ വിട്ടുവീഴ്ച ചെയ്യാത്ത ഒരു പാചകപ്രതിഭയുടെ തിരഞ്ഞെടുപ്പിൽ മന്നൻ വെളിച്ചെണ്ണക്കും ഇടം ലഭിക്കുന്നു എന്നത് നിർമ്മാതാക്കളെ സംബന്ധിച്ചിടത്തോളം അഭിമാനകരമായ കാര്യമാണ്.

ഇവിടെ ശ്രദ്ധിക്കേണ്ടത് ഒരു ബ്രാൻഡിന്റെ പേരിനപ്പുറമുള്ള വലിയൊരു കാര്യമാണ്. ഒരു മികച്ച സദ്യയുടെ വിജയത്തിന് പാചകക്കാരന്റെ കൈപ്പുണ്യം മാത്രം പോരാ. അതിന് ഉപയോഗിക്കുന്ന എണ്ണ മുതൽ പലവ്യഞ്ജനങ്ങൾ വരെയുള്ള ഓരോ ചേരുവയുടെയും ഗുണമേന്മയും നിർണായകമാണ്. മികച്ച പാചകത്തിന് പിന്നിൽ മികച്ച അസംസ്കൃത വസ്തുക്കളുണ്ടാകണം എന്ന തിരിച്ചറിവാണ് പഴയിടത്തിന്റെ പ്രവർത്തനരീതിയിൽനിന്ന് വായിച്ചെടുക്കാനാകുന്നത്.

കേരളത്തിന്റെ തെക്കേ അറ്റത്തുനിന്നുപോലും ഗുണമേന്മയുള്ള വെളിച്ചെണ്ണ തേടി മാഹിക്കടുത്തുള്ള പള്ളൂരിലെ മന്നൻ വെളിച്ചെണ്ണയ്ക്കായുള്ള അദ്ദേഹത്തിന്റെ തിരഞ്ഞെടുപ്പ് ശ്രദ്ധേയമാണ്. മറ്റു പലവ്യഞ്ജനങ്ങളും ചേരുവകളും ശേഖരിക്കുമ്പോഴും സൂക്ഷ്മമായ പരിശോധനയും തിരഞ്ഞെടുപ്പും നടത്തുന്നു എന്നത് അദ്ദേഹത്തിന്റെ പാചകശൈലിയുടെ മറ്റൊരു പ്രത്യേകതയായി വിലയിരുത്താം.അന്നത്തെ സദ്യയുടെ അരിയും പലവ്യഞ്ജനങ്ങളും ഇലയടക്കം അദ്ദേഹം ലോറിയിൽ കൊണ്ടുവരികയായിരുന്നു .

സംസ്ഥാന കായികമേളയിലെ വിവാദം; മറക്കാനാവാത്ത ദുരനുഭവമെന്ന് പഴയിടം

ഇത്രയും വർഷത്തെ അനുഭവസമ്പത്തും പൊതുസമൂഹത്തിന്റെ അംഗീകാരവും കൈമുതലായുള്ള പഴയിടം മോഹനൻ നമ്പൂതിരിക്ക് ഇത്തവണ സംസ്ഥാന സ്കൂൾ അത്‌ലറ്റിക്സ് മേളയിൽനിന്ന് ലഭിച്ചത് മറക്കാനാവാത്ത ദുരനുഭവമാണെന്നാണ് അദ്ദേഹത്തിന്റെ പ്രതികരണം. കലാമേളകളിലും കായികമേളകളിലും ഭക്ഷണവുമായി ബന്ധപ്പെട്ട് ചെറിയതോതിലുള്ള വിവാദങ്ങൾ ഉണ്ടാകാറുണ്ടെങ്കിലും ഇത്തവണത്തേത് തീർത്തും അപ്രതീക്ഷിതവും അസാധാരണവുമായിരുന്നുവെന്ന് അദ്ദേഹം തുറന്നുപറഞ്ഞു. നാലു മണിക്കൂറോളം തിളയ്ക്കുന്ന സാമ്പാറിൽ എങ്ങനെ ജീവനുള്ള പുഴു ഉണ്ടാകും? പഴയിടം നമ്പൂതിരിയുടെ വജ്രത്തിൻ്റെ മൂർച്ചയുള്ള ചോദ്യചിഹ്നം?.

 ഇതിനു പിന്നിൽ ഗൂഢാലോചന നടന്നിട്ടുണ്ടെന്ന സംശയവും അദ്ദേഹം മാധ്യ മങ്ങളോട് ഇതിനകം പങ്കുവെക്കുകയുമുണ്ടായി .

കലാമേളകളും കായികമേളകളും പോലുള്ള വലിയ പൊതുപരിപാടി കൾ നടക്കുമ്പോൾ ഭക്ഷണത്തിന്റെ ക്രമീകരണങ്ങളുമായി ബന്ധപ്പെട്ട് അഭിപ്രായവ്യത്യാസങ്ങളും വിമർശനങ്ങളും ഉയരുന്നത് പുതിയ കാര്യമല്ല. എന്നാൽ ഒരു വ്യക്തിയുടെ വർഷങ്ങളായുള്ള സേവനത്തെ യും ആത്മാർത്ഥമായ അധ്വാനത്തെയും സംശയത്തിന്റെ നിഴലിൽ നിർത്തുന്ന തരത്തിലേക്ക് വിവാദങ്ങൾ വളരുമ്പോൾ അതിനെ ഗൗരവത്തോടെ കാണേണ്ടതുണ്ട്. തന്റെ ദീർഘകാലത്തെ പാചകജീവി തത്തിനിടയിൽ ഇത്രയും നികൃഷ്ടമായ ഒരു വിവാദം ആദ്യമായാണ് നേരിടേണ്ടിവരുന്നതെന്ന പഴയിടത്തിന്റെ പ്രതികരണം ഈ സാഹചര്യത്തിൽ ശ്രദ്ധേയമാണ്.

വിമർശനങ്ങൾ ജനാധിപത്യസമൂഹത്തിന്റെ അവിഭാജ്യഘടകമാണ്. എന്നാൽ വിമർശനവും വ്യക്തിഹത്യയും തമ്മിൽ വ്യക്തമായ അതിർവരമ്പുണ്ട്. വസ്തുതകളുടെ അടിസ്ഥാനത്തിലുള്ള വിമർശനങ്ങളെ ആരും ഭയപ്പെടേണ്ടതില്ല. അതേസമയം, തെളിവുകളില്ലാത്ത ആരോപണങ്ങളും വ്യക്തിപരമായ അധിക്ഷേപങ്ങളും പൊതുസ മൂഹത്തിൽ അനാവശ്യമായ സംശയങ്ങളും അസ്വസ്ഥതകളും സൃഷ്ടിക്കും.

പഴയിടത്തിന്റെ കാര്യത്തിലും ഉയർന്ന വിവാദങ്ങളെ വിലയിരുത്തേ ണ്ടത് ഈ മാനദണ്ഡങ്ങൾ മുൻനിർത്തിയായിരിക്കണം. അദ്ദേഹം ഉന്നയിച്ച ഗൂഢാലോചനാ സംശയം സംബന്ധിച്ച് വസ്തുതകൾ പുറത്തുവരേണ്ടതുണ്ട്. അതിനുമുമ്പ് ആരോപണങ്ങളെയും യാഥാർത്ഥ്യങ്ങളെയും കൂട്ടിക്കുഴയ്ക്കുന്നത് ശരിയല്ല.

വിവാദങ്ങൾക്കപ്പുറം ഒരു വ്യക്തിത്വം

ഒരു വിവാദം ഉയർന്നുവെന്നതുകൊണ്ട് മാത്രം ഒരാളുടെ മുഴുവൻ സംഭാവനകളെയും തള്ളിക്കളയാനാവില്ല. അതുപോലെ, വിമർശനങ്ങളെല്ലാം ദുരുദ്ദേശപരമാണെന്ന് മുദ്രകുത്തുന്നതും ശരിയല്ല. വിമർശനത്തിന് വസ്തുതയുടെ പിൻബലമുണ്ടോ, അതോ വ്യക്തിപരമായോ രാഷ്ട്രീയപരമായോ ഉള്ള താൽപ്പര്യങ്ങൾ അതിനു പിന്നിലുണ്ടോ എന്നതാണ് പരിശോധിക്കേണ്ടത്.

കുളം കലക്കി മീൻ പിടിക്കാൻ കാത്തിരിക്കുന്നവരും നിലാവുദിക്കുന്നത് കണ്ട് കുരയ്ക്കുന്നവരും എല്ലാ കാലത്തും സമൂഹത്തിലുണ്ടാകും. സ്വന്തം താൽപ്പര്യങ്ങൾക്കായി വിവാദങ്ങളെ വളർത്താനും ഒരു വ്യക്തിയുടെ നേട്ടങ്ങളെ തമസ്കരിക്കാനും ശ്രമിക്കുന്ന പ്രവണതകൾ പൊതുസമൂഹം തിരിച്ചറിയേണ്ടതുണ്ട്. എന്നാൽ ഇത്തരം ആരോപണങ്ങൾക്കും സംശയങ്ങൾക്കും വസ്തുതകളുടെ പിൻബലം ഉണ്ടാകണം.

പഴയിടം മോഹനൻ നമ്പൂതിരിയെ വിലയിരുത്തേണ്ടത് അദ്ദേഹത്തിന്റെ പാചകപ്രവർത്തനങ്ങളുടെ ഗുണമേന്മയും വർഷങ്ങളായുള്ള സംഭാവനകളും മുൻനിർത്തിയായിരിക്കണം. അഭിപ്രായവ്യത്യാസങ്ങൾ ഉണ്ടാകാം; വിമർശനങ്ങളും ഉയരാം. പക്ഷേ അതിന്റെ പേരിൽ ഒരു വ്യക്തിയുടെ ജീവിതകാലത്തെ അധ്വാനവും പ്രാഗത്ഭ്യവും വിസ്മരിക്കപ്പെടരുത്.

രുചിയുടെ വിജയത്തിന് പിന്നിൽ ചേരുവകളുടെ വിശ്വാസ്യതയും

ഒരു നല്ല പാചകക്കാരന്റെ കൈപ്പുണ്യം പോലെതന്നെ പ്രധാനമാണ് അദ്ദേഹം തിരഞ്ഞെടുക്കുന്ന ചേരുവകളുടെ ഗുണമേന്മയും. ഭക്ഷണത്തിന്റെ രുചി മാത്രമല്ല, അതിന്റെ സുരക്ഷിതത്വവും ഉറപ്പാക്കേണ്ട കാലമാണിത്. അതുകൊണ്ടുതന്നെ ഭക്ഷ്യവസ്തുക്കളുടെ തിരഞ്ഞെടുപ്പിൽ ഉപഭോക്താക്കൾ കൂടുതൽ ജാഗ്രത പുലർത്തേണ്ട തുണ്ട്.

ശുദ്ധമായ ഭക്ഷണം ജന്മാവകാശം എന്ന സന്ദേശവുമായി പ്രവർത്തിക്കുന്ന 'ഭക്ഷ്യശ്രീ' ബഹുജന സംഘടന പഴയിടത്തെ ആദരവോടെയാണ് നോക്കിക്കാണുന്നത് 

നല്ല ഭക്ഷണസംസ്കാരം വളരണമെങ്കിൽ മികച്ച പാചകപ്രതിഭകളെയും ഗുണമേന്മയുള്ള ഉൽപ്പന്നങ്ങളെയും ഒരുപോലെ പ്രോത്സാഹിപ്പിക്കണം. പഴയിടം മോഹനൻ നമ്പൂതിരിയുടെ പാചകമികവിനെക്കുറിച്ചുള്ള എന്റെ വ്യക്തിപരമായ അനുഭവം അത്തരമൊരു തിരിച്ചറിവിലേക്കാണ് എന്നെ നയിക്കുന്നത്.

ഒരു മികച്ച പാചകപ്രതിഭയുടെ കൈകളിൽനിന്ന് പിറക്കുന്ന രുചിയുടെ പിന്നിൽ ഓരോ ചേരുവയ്ക്കും അതിന്റേതായ പ്രാധാന്യമുണ്ട്. വെളിച്ചെണ്ണയുടെ ശുദ്ധതയും ഗുണമേന്മയും മുതൽ മറ്റ് ഭക്ഷ്യവസ്തുക്കളുടെ തിരഞ്ഞെടുപ്പുവരെ നീളുന്ന ഈ ശ്രദ്ധയാണ് മികച്ച ഭക്ഷണത്തിന്റെ അടിത്തറ. ഗുണമേന്മയെ മുൻനിർത്തിയുള്ള തിരഞ്ഞെടുപ്പുകൾക്ക് പ്രാധാന്യം നൽകുന്ന മന്നൻ അഗ്മാർക്ക് വെളിച്ചെണ്ണയെക്കുറിച്ചുള്ള എന്റെ അനുഭവവും ഈ പശ്ചാത്തലത്തിൽ പ്രത്യേകം ഓർമിക്കപ്പെടുന്നു.

വിവാദങ്ങൾ കാലത്തിന്റെ തിരക്കിൽ മാഞ്ഞുപോയേക്കാം. എന്നാൽ ആത്മാർത്ഥമായ അധ്വാനത്തിലൂടെ നേടിയെടുത്ത പ്രശസ്തിയും രുചിയുടെ ഓർമകളും അത്ര പെട്ടെന്ന് മായില്ല. നല്ല പാചകത്തിന്റെ രഹസ്യം കൈപ്പുണ്യത്തിൽ മാത്രം ഒതുങ്ങുന്നില്ല; അതിന്റെ പിന്നിൽ ഗുണമേന്മയുള്ള ചേരുവകളെ തിരിച്ചറിയുകയും തിരഞ്ഞെടുക്കുകയും ചെയ്യുന്ന വിവേകവുമുണ്ട്.

രുചിയുടെ മഹത്വം വിളമ്പുന്ന വിഭവങ്ങളിൽ മാത്രമല്ല, അതിന് പിന്നിൽ തിരഞ്ഞെടുക്കപ്പെടുന്ന ഓരോ ചേരുവയുടെയും വിശ്വാസ്യതയിൽ കൂടിയാണ്.

:ദിവാകരൻ ചോമ്പാല