സ്നേഹിച്ചുവളർത്തി… വേദന വന്നപ്പോൾ വഴിയിലുപേക്ഷിച്ചു! മുക്കാളിയിലെ വഴിയോരക്കാഴ്ച മനസ്സാക്ഷിയെ തൊടുന്നു

മനുഷ്യത്വമില്ലായ്മയുടെ വഴിയിടങ്ങൾ: നാം എങ്ങോട്ടാണ് പോകുന്നത്?

വഴിയോരങ്ങളിൽ കാണുന്ന ചില കാഴ്ചകൾ നമ്മെ വേദനിപ്പിക്കാറുണ്ട്, ആഴത്തിൽ ചിന്തിപ്പിക്കാറുണ്ട്. ചിലപ്പോൾ സമൂഹത്തിന് നേരെ വിരൽ ചൂണ്ടി ഉറക്കെ പ്രതികരിക്കാൻ നമ്മെ പ്രേരിപ്പിക്കാറുമുണ്ട്.

ഇന്ന് വൈകുന്നരം സെൻട്രൽ മുക്കാളി  ടൗണിൽ വച്ച് കണ്ട ഒരു കാഴ്ച മനസ്സാക്ഷിയുള്ള ഏതൊരാളുടെയും കണ്ണ് നിറയ്ക്കുന്നതായിരുന്നു.

 ആരോ വീട്ടിൽ പോറ്റി വളർത്തിയ അതിമനോഹരമായ,ഒരു അരുമപ്പൂച്ച. അതിന്റെ രൂപവും ലക്ഷണങ്ങളും കണ്ടാൽ അറിയാം ഏതാനും ദിവസങ്ങൾക്കു മുൻപ് വരെ അത് ഏതോ ഒരു വീട്ടിലെ സ്നേഹവും കരുതലും വാത്സല്യവും ലാളന യും  അനുഭവിച്ചു രാജകീയമായ നിലയിൽ വളർന്നതാണെന്ന്. എന്നാൽ ഇന്ന് അത് തെരുവിൽ, ആരുമില്ലാത്ത ഒരു മൂലയിൽ ഉപേക്ഷിക്കപ്പെട്ടിരിക്കുന്നു ! അഥവാ വലിച്ചെറിഞ്ഞിരിക്കുന്നു 

പിൻകാലിൽ കാര്യമായി പരിക്കേറ്റ ആ പാവം ജീവി കാലിലെ മുറിവിന്റെ വേദനയാൽ ഇഴഞ്ഞും ഞരങ്ങിയുമാണ് വിശന്നുവലഞ്ഞണ് നീങ്ങുന്നതെന്ന് വ്യക്തം . ഒരുപക്ഷെ നായയോ കുറുക്കനോ കടിച്ചതാകാം ആ മുറിവ്. കാർ മുന്നോട്ട് എടുക്കാൻ പോലും സാധിക്കാത്ത വിധം ഭയന്നോടിയും വേദനയാൽ പുളഞ്ഞും അത് വാഹനങ്ങൾക്കിടയിലൂടെ തെരയുന്നത് തനിക്ക് നഷ്ടപ്പെട്ട സ്നേഹവും ആശ്രയവുമാവാം അല്ലെങ്കിൽ തൻറെയജമാനെ നെയാവാം ...

ഏറ്റവും വേദനാജനകമായ കാര്യം, ആ ജീവിക്ക് ഒരല്പം പരിചരണവും ചികിത്സയും ആവശ്യമുള്ള സമയത്ത്, അതിനെ മൃഗാശുപത്രിയിൽ കൊണ്ടുപോകാനോ സുരക്ഷിതമായി പരിചരിക്കാനോ തയ്യാറാകാതെ ആരോ അതിനെ വഴിയോരത്ത് കൊണ്ട് തള്ളിയിരിക്കുന്നു എന്നതാണ്. തങ്ങളുടെ സ്വാർത്ഥതയ്ക്കോ സൗകര്യങ്ങൾക്കോ തടസ്സമാകുമ്പോൾ, അല്ലെങ്കിൽ ഒരല്പം ഉത്തരവാദിത്തം കൂടുമ്പോൾ വീടുകളിലെ അരുമകളെ തെരുവിൽ ഉപേക്ഷിക്കുന്നത് ഏത് തരം മനഃസ്ഥിതിയാണ് ?