രാസലഹരിക്കെതിരെ കലയുടെ ‘തൂഫാൻ’; പ്രേംജിത്ത് ചോമ്പാലയുടെ ‘ഏക് തൂഫാൻ’ അരങ്ങിലേക്ക്

യുവതലമുറയെ ഗുരുതരമായി ബാധിക്കുന്ന രാസലഹരിക്കെതിരെ ശക്തമായ ബോധവൽക്കരണ സന്ദേശം ഉയർത്തിപ്പിടിക്കുന്നതാണ് ‘ഏക് തൂഫാൻ’. കലയും സാമൂഹിക ഉത്തരവാദിത്വവും സമന്വയിപ്പിച്ച് ലഹരിക്കെതിരായ ജനകീയ പ്രതിരോധത്തിന് ശബ്ദം നൽകുകയാണ് ഈ സൃഷ്ടിയിലൂടെ പ്രേംജിത്ത് ചോമ്പാല ലക്ഷ്യമിടുന്നത്.

കേരള സർക്കാരിന്റെ ‘ഓപ്പറേഷൻ തൂഫാൻ’ ലഹരിവിരുദ്ധ പ്രവർത്തന ങ്ങൾക്ക് ഐക്യദാർഢ്യം പ്രഖ്യാപിച്ചുകൊണ്ടാണ് ‘ഏക് തൂഫാൻ’ അവതരിപ്പിക്കുന്നത്. അധ്യാപകരും വിദ്യാർത്ഥികളും രക്ഷിതാക്കളും ഒരുമിച്ച് അണിനിരക്കുന്ന കലാപ്രകടനമെന്ന പ്രത്യേകതയും ഇതിനുണ്ട്.

അഴിയൂർ ഗവ. ഹൈസ്‌കൂൾ ഗ്രൗണ്ടിൽ നടന്ന ടൈറ്റിൽ ലോഞ്ചിംഗ് ചടങ്ങിൽ ‘സുപഥം’ കൺവീനർ ശ്രീനേഷ് മാസ്റ്റർ, പ്രേംജിത്ത് ചോമ്പാല, മാധ്യമ പ്രവർത്തകൻ ദിവാകരൻ ചോമ്പാല, അധ്യാപകരായ അക്ഷയ് കുമാർ, സൗമ്യ കെ., സുദേഷ്ണ എം., രോഷ്‌നി കെ., രാധിക കെ., രമ്യ എസ്., ദിപില സി.കെ., സൗമ്യ, പുണ്യ, ഷഫീല, ശ്രീജ, നിധിന, ബിജി എന്നിവർ പങ്കെടുത്തു.

ഒക്ടോബർ 3ന് മടപ്പള്ളിയിലും വടകരയിലുമാണ് ‘ഏക് തൂഫാൻ’ അരങ്ങേറുന്നത്. ലഹരിക്കെതിരെ സമൂഹം ഒന്നിക്കണമെന്ന സന്ദേശം കലയുടെ ഭാഷയിൽ ഉയർത്തിപ്പിടിക്കുന്ന പരിപാടിയായി അവതരണം മാറും.

ബ്രസീല്‍-ഇന്ത്യ ഫുട്‌ബോള്‍ മത്സരത്തോടനുബന്ധിച്ചുള്ള ബൈക്ക് റാലി ബോചെ ഉദ്ഘാടനം ചെയ്തു

 കൊച്ചി: ബ്രസീല്‍ ഫുട്‌ബോള്‍താരങ്ങളും ഇന്ത്യന്‍ താരങ്ങളുമായി നടത്തുന്ന പ്രദര്‍ശനമത്സരത്തോട് അനുബന്ധിച്ച്, ലഹരിക്കെതിരെ യുവജനങ്ങളെ ബോധവല്‍ക്കരിക്കുന്നതിനും ഓപ്പറേഷന്‍ തൂഫാന് പിന്തുണയേകുന്നതിനുമായി നടത്തിയ ബൈക്ക് റാലി ആലുവയില്‍ വെച്ച് ദീപശിഖ തെളിയിച്ചുകൊണ്ട് ബോചെ ഉദ്ഘാടനം ചെയ്തു. നെറ്റോ ബാബു, ഇന്ത്യന്‍ ഫുട്‌ബോള്‍ താരങ്ങളായ സി.കെ. വിനീത്, മുഹമ്മദ് റാഫി എന്നിവര്‍ ചടങ്ങില്‍ സന്നിഹിതരായി. അഞ്ഞൂറിലധികം പേര്‍ പങ്കെടുത്ത റാലി ജവഹര്‍ലാല്‍ നെഹ്‌റു സ്‌റ്റേഡിയത്തില്‍ അവസാനിച്ചു. ബൈക്ക് റാലിയില്‍ പങ്കെടുത്തവര്‍ക്ക്, ഫുട്‌ബോള്‍ മത്സരത്തിന്റെ സൗജന്യ ടിക്കറ്റുകളും ജേഴ്‌സികളും ബോചെ വിതരണം ചെയ്തു.

റൊണാള്‍ഡീഞ്ഞോ അടക്കമുള്ള ലോക ഫുട്‌ബോളിലെ ഇതിഹാസതാരങ്ങള്‍ ഇന്ത്യന്‍ താരങ്ങളെ നേരിടുന്ന ഈ അവിസ്മരണീയ മത്സരം, കൊച്ചി കലൂര്‍ ജവഹര്‍ലാല്‍ നെഹ്‌റു സ്‌റ്റേഡിയത്തില്‍ സെപ്റ്റംബര്‍ 23 ബുധനാഴ്ച വൈകുന്നേരം 7.30 ന് അരങ്ങേറും. മത്സരം കായിക വകുപ്പ് മന്ത്രി ഒ. ജെ. ജനീഷ് ഉദ്ഘാടനം ചെയ്യും. ഗാമന്‍ സ്‌പോര്‍ട്‌സ് ആണ് സംഘാടകര്‍.

Boche Cinemania എന്ന പേരിലുള്ള യൂട്യൂബ് ചാനലില്‍ 'നോ ഡ്രഗ്‌സ്' എന്ന് കമന്റ് ചെയ്യുന്നവരില്‍ നിന്ന് 500 പേരെ തിരഞ്ഞെടുത്ത് അവര്‍ക്ക് മത്സരത്തിന്റെ ടിക്കറ്റ് സൗജന്യമായി നല്‍കും. കൂടാതെ, ഒരു ഭാഗ്യശാലിക്ക് 125000 രൂപ വില വരുന്ന വി വി ഐ പി ടിക്കറ്റും ലഭിക്കുന്നതാണ്. ആ വ്യക്തിക്ക് ഫുട്‌ബോള്‍ താരങ്ങള്‍ക്കൊപ്പം ഫോട്ടോ എടുക്കാനും ഡിന്നര്‍ കഴിക്കാനുമുള്ള അവസരം ലഭിക്കും. ടിക്കറ്റുകള്‍, District by Zomato ആപ്പിലൂടെ ലഭിക്കും. ടിക്കറ്റുകള്‍ വാങ്ങുമ്പോള്‍ boche 50 എന്ന കൂപ്പണ്‍ കോഡ് കൊടുത്താല്‍ വിദ്യാര്‍ത്ഥികള്‍ക്ക് 50% ഡിസ്‌കൗണ്ട് ലഭിക്കുന്നതാണ്.

''റിട്ടേണ്‍ ഓഫ് ദി ടൈറ്റന്‍സ്''എന്ന ബാനറില്‍ നടത്തപ്പെടുന്ന ഈ പ്രദര്‍ശന മത്സരങ്ങളുടെ പരമ്പരയിലെ സെലിബ്രിറ്റി ബ്രാന്‍ഡ് അംബാസിഡറായി ബോചെ തെരഞ്ഞെടുക്കപ്പെട്ടു. സ്‌പോര്‍ട്‌സ്മാന്‍ എന്ന നിലയില്‍ മത്സരത്തിനുള്ള പിന്തുണ അറിയിക്കുക മാത്രമാണ് തന്റെ ഉത്തരവാദിത്വം എന്ന് അദ്ദേഹം അറിയിച്ചു. 'വിഷ്യോ എം ഫുതെബോള്‍ കോണ്‍ട്രാ വിഷ്യോ എം ഡ്രോഗാസ്' എന്ന മുദ്രാവാക്യം രൂപീകരിച്ച് സമൂഹത്തില്‍ എത്തിക്കും എന്ന് ബോചെ അറിയിച്ചു. ലഹരിക്കെതിരെ ഫുട്‌ബോള്‍ ലഹരി എന്നാണ് ബ്രസീലിയന്‍ പോര്‍ച്ചുഗീസ് ഭാഷയില്‍ ഈ വാചകത്തിന്റെ അര്‍ത്ഥം.

റൊണാള്‍ഡീഞ്ഞോ, റിവാള്‍ഡോ, എഡ്മില്‍സണ്‍, പൗലോ സെര്‍ജിയോ, ജോര്‍ജീഞ്ഞോ, വിയോള എന്നീ ബ്രസീല്‍ താരങ്ങളടങ്ങിയ ബ്രസീല്‍ ലെജന്‍ഡ്‌സും, ഐ എം വിജയന്‍, ജോപോള്‍ അഞ്ചേരി, സി കെ വിനീത്, എന്‍ പി പ്രദീപ്, കെ. ടി ചാക്കോ, മെഹ്താബ് ഹൊസൈന്‍, അര്‍ണബ് മൊണ്ടാല്‍ എന്നിവരടങ്ങുന്ന ഇന്ത്യന്‍ ഓള്‍ സ്റ്റാര്‍സും തമ്മിലാണ് മത്സരം.