ബേപ്പൂരിലെ മരക്കപ്പൽ നിർമ്മാണ വ്യവസായത്തിന് പുനർജന്മം വേണം അറബ് ലോകത്ത് വൻ ആവശ്യകത; സംഘടിത ഇടപെടൽ അനിവാര്യം — ഡോ. കെ. കെ. എൻ. കുറുപ്പ്

ബേപ്പൂരിലെ മരക്കപ്പൽ നിർമ്മാണ മേഖലയെ ശക്തിപ്പെടുത്തുന്നതിനായി കോഴിക്കോട്, മലപ്പുറം ചേംബർ ഓഫ് കൊമേഴ്സ് പ്രതിനിധികളെയും കോഴിക്കോട്, മലപ്പുറം ജില്ലാ പഞ്ചായത്ത് പ്രസിഡന്റുമാരെയും ഗൾഫ് മേഖലയിലെ ചേംബർ ഓഫ് കൊമേഴ്സ് അധികൃതരെയും ഉൾപ്പെടുത്തി ഒരു ഏകോപന സമിതി രൂപീകരിക്കണമെന്നാണ് നിർദേശം. ഇത്തരമൊരു സംവിധാനം നിലവിൽ വരികയും ആവശ്യമായ ധാരണാപത്രം ഒപ്പുവെക്കുകയും ചെയ്താൽ രണ്ടോ മൂന്നോ മരക്കപ്പലുകളുടെ നിർമ്മാണത്തിന് ആവശ്യമായ സാമ്പത്തിക സഹായം ലഭ്യമാക്കാൻ തയ്യാറാണെന്ന് ഗൾഫ് മേഖലയിലെ വ്യവസായികൾ ഉറപ്പുനൽകിയതായും അദ്ദേഹം പറഞ്ഞു.

കടത്തനാട് പ്രവാസി സമൂഹത്തെ പ്രതിനിധീകരിക്കുന്ന സുധീർ ചന്ത്രോത്ത് ഈ പദ്ധതിക്ക് ഗൾഫ് മേഖലയിൽ നേതൃത്വം നൽകാൻ സന്നദ്ധത അറിയിച്ചിട്ടുണ്ടെന്നും ഡോ. കുറുപ്പ് വ്യക്തമാക്കി.

ബേപ്പൂരിന്റെ പാരമ്പര്യവും ആധുനിക സാങ്കേതികവിദ്യയും വിപണി സാധ്യതകളും സമന്വയിപ്പിച്ചാൽ മരക്കപ്പൽ നിർമ്മാണ മേഖലയെ വീണ്ടും അന്താരാഷ്ട്ര നിലവാരത്തിലേക്ക് ഉയർത്താനാകുമെന്ന് അദ്ദേഹം അഭിപ്രായപ്പെട്ടു.

വ്യവസായ മന്ത്രി അടിയന്തരമായി ഇടപെട്ട് ബന്ധപ്പെട്ട വകുപ്പുകളുടെയും വ്യാപാര-വ്യവസായ സംഘടനകളുടെയും പ്രവാസി സമൂഹത്തിന്റെയും പ്രതിനിധികളെ ഉൾപ്പെടുത്തി ഒരു പ്രത്യേക കമ്മിറ്റി രൂപീകരിച്ച് പ്രവർത്തനങ്ങൾ ഏകോപിപ്പിക്കണം. ബേപ്പൂരിന്റെ പൈതൃക വ്യവസായത്തെ സംരക്ഷിക്കുന്നതിനൊപ്പം വലിയ സാമ്പത്തിക സാധ്യതയുള്ള ഒരു മേഖലയായി അതിനെ വികസിപ്പിക്കാനും ഇതിലൂടെ കഴിയുമെന്ന് വാർത്താക്കുറിപ്പിൽ ഡോ. കെ. കെ. എൻ. കുറുപ്പ് ആവശ്യപ്പെട്ടു