സ്ത്രീയെ വരുതിയിൽ നിർത്തുകയല്ല, ചിറകു നൽകുകയാണ് വേണ്ടത് :ഡോ .എം .എസ് .സുനിൽ

അടക്കവും ഒതുക്കവും ഒരാളുടെ വ്യക്തിപരമായ സ്വഭാവഗുണമായരിക്കാം .എന്നാൽ അത് എല്ലാ സ്ത്രീകൾക്കും നിർബന്ധമാക്കുമ്പോൾ അത് ഗുണമല്ലാതാകുന്നു; ഒരു വിലങ്ങായി മാറുന്നു.

ധൈര്യമായി സംസാരിക്കുന്ന സ്ത്രീയെ, ചോദ്യങ്ങൾ ചോദിക്കുന്ന സ്ത്രീയെ, നേതൃത്വം ഏറ്റെടുക്കുന്ന സ്ത്രീയെ ‘അടങ്ങിയൊതുങ്ങണം’ എന്ന് പറഞ്ഞ് ഭയപ്പെടുത്തി നിശ്ശബ്ദയാക്കുന്നത് യഥാർത്ഥത്തിൽ സമൂഹത്തിന്റെ ശബ്ദത്തെയാണ് ദുർബലപ്പെടുത്തുന്നത്.

സ്ത്രീ പിന്നോട്ടുനിന്നാൽ ആർക്കാണ് നേട്ടം?

സ്ത്രീകൾക്കല്ല. സമൂഹത്തിനാണ് നഷ്ടം.

സമൂഹത്തിലെ ജനസംഖ്യയുടെ പകുതിയോളം വരുന്ന സ്ത്രീകളുടെ കഴിവും അറിവും നേതൃത്വശേഷിയും മാറ്റിനിർത്തിയിട്ട് ആ സമൂഹത്തിന് എങ്ങനെ യഥാർത്ഥ പുരോഗതി കൈവരിക്കാനാകും?

സ്ത്രീയെ വരുതിയിൽ നിർത്തുന്നതിലല്ല ഒരു സമൂഹത്തിന്റെ പുരോഗതി.

അവൾക്ക് ചിറകു നൽകുന്നതിലാണ്.അവൾ സംസാരിക്കട്ടെ.അവൾ ചോദിക്കട്ടെ.അവൾ തീരുമാനിക്കട്ടെ.അവൾ നേതൃത്വം നൽകട്ടെ.

കാരണം സ്ത്രീയുടെ മുന്നേറ്റം സ്ത്രീയുടെ മാത്രം വിജയമല്ല.

അത് ഒരു സമൂഹത്തിന്റെ മുന്നേറ്റമാണ്.