ലഹരിക്കെതിരെ പ്രതിരോധം തീർത്ത് വിദ്യാർഥികൾ; സ്കൂൾതല ലഹരി വിരുദ്ധ സഭയ്ക്ക് തുടക്കം

ചൊക്ലി: പൊതുവിദ്യാഭ്യാസ വകുപ്പിന്റെ നിർദേശപ്രകാരം രാമവിലാസം എൻ.സി.സി. യൂണിറ്റിന്റെ നേതൃത്വത്തിൽ സ്കൂൾതല ലഹരി വിരുദ്ധ സഭയ്ക്ക് തുടക്കമായി. ദേശീയ അധ്യാപക അവാർഡ് ജേതാവ് സി.വി. രാജൻ പെരിങ്ങാടി ഉദ്ഘാടനം ചെയ്തു.

ലഹരി സമൂഹത്തിന്റെ സമസ്ത മേഖലകളിലും പിടിമുറുക്കുന്ന സാഹചര്യത്തിൽ വിദ്യാർഥികൾ കൂടുതൽ ജാഗരൂകരാകണമെന്ന് സി.വി. രാജൻ പറഞ്ഞു. ലഹരിയുടെ ദൂഷ്യഫലങ്ങളെക്കുറിച്ച് വിദ്യാർഥികൾക്ക് കൃത്യമായ അവബോധം ഉണ്ടാകണമെന്നും അദ്ദേഹം കൂട്ടിച്ചേർത്തു.

സ്കൂൾ ഹെഡ്മിസ്ട്രസ് എൻ. സ്മിത അധ്യക്ഷത വഹിച്ചു. അസോസിയേറ്റ് എൻ.സി.സി. ഓഫീസർ ടി.പി. രാവിദ്ദ്, സ്കൗട്ട് മാസ്റ്റർമാരായ കെ. അനിൽകുമാർ, അജേഷ് കെ. എന്നിവർ സംസാരിച്ചു.

തുടർന്ന് ലഹരി വിരുദ്ധ ബോധവൽക്കരണ ക്ലാസ് നടന്നു. പരിപാടിയിൽ നൂറോളം എൻ.സി.സി. കേഡറ്റുകൾ പങ്കെടുത്തു.