മാഹിപ്പാലത്ത് ഇനി ആധുനിക രുചിയുടെ പുതിയ വിലാസം ലോറൽ ഗാർഡന്റെ സഹോദര സ്ഥാപനമായ ‘ലോറൽ റെസ്റ്റോ കഫേ’ നാളെ പ്രവർത്തനം ആരംഭിക്കും

മാഹി: മാഹിപ്പാലത്തിന് സമീപം ഭക്ഷണ-ആതിഥേയ രംഗത്ത് പുതിയൊമാഹിപ്പാലത്ത് ഇനി ആധുനിക രുചിയുടെ പുതിയ വിലാസംരു അധ്യായത്തിന് തുടക്കമാകുന്നു. ആധുനിക സൗകര്യങ്ങളും വൈവിധ്യമാർന്ന ഭക്ഷണവിഭവങ്ങളും കുടുംബസൗഹൃദ അന്തരീക്ഷവും സമന്വയിപ്പിച്ച് ഒരുക്കിയ ‘ലോറൽ റെസ്റ്റോ കഫേ’ നാളെ (ഓഗസ്റ്റ് 31) ഉച്ചയ്ക്ക് 12 മണിക്ക് പ്രവർത്തനം ആരംഭിക്കും.

ന്യൂ മാഹി പുന്നോൽ ഉസ്സൻമൊട്ട കേന്ദ്രീകരിച്ച് പ്രവർത്തിക്കുന്ന ലോറൽ ഗാർഡന്റെ സഹോദര സ്ഥാപനമായാണ് ലോറൽ റെസ്റ്റോ കഫേ പ്രവർത്തനം ആരംഭിക്കുന്നത്. ഗുണമേന്മയുള്ള സേവനവും വ്യത്യസ്തമായ ആതിഥേയ അനുഭവവും ലക്ഷ്യമിട്ട് ലോറൽ ഗാർഡൻ മുന്നോട്ടുവെച്ച സംരംഭക യാത്രയിലെ പുതിയ ചുവടുവയ്പ്പാണിത്.

മാഹിപ്പാലത്തിന്റെ സമീപപ്രദേശത്തെ ഭക്ഷണശാലാ മേഖലയ്ക്ക് പുതിയൊരു ദിശ നൽകുന്ന രീതിയിലാണ് കഫേയുടെ സജ്ജീകരണം. വിശാലമായ ഡൈനിങ് ഏരിയ, കുടുംബങ്ങൾക്കായി പ്രത്യേകം ഒരുക്കിയ ഫാമിലി ലോഞ്ചുകൾ, ആകർഷകമായ ആംബിയൻസ് എന്നിവയാണ് പ്രധാന സവിശേഷതകൾ. മാഹിപ്പാലത്തിന്റെ കാഴ്ചകൾ ആസ്വദിച്ചുകൊണ്ട് ഭക്ഷണം കഴിക്കാനുള്ള സൗകര്യവും കഫേയുടെ പ്രത്യേകതയാണ്.

വൈവിധ്യമാർന്ന ഭക്ഷണവിഭവങ്ങൾ

ആദ്യഘട്ടത്തിൽ Limited Menu Soft Launch ആണ് നടക്കുന്നത്. ഇതിന്റെ ഭാഗമായി Express Kitchen, Prime Kitchen എന്നിവയിൽ നിന്നുള്ള തിരഞ്ഞെടുത്ത വിഭവങ്ങളായിരിക്കും ലഭ്യമാകുക. ഒരു മാസത്തിനകം കൂടുതൽ വിപുലമായ മെനുവോടെ കഫേ പൂർണതോതിൽ പ്രവർത്തനം ആരംഭിക്കുമെന്ന് അധികൃതർ അറിയിച്ചു.

അറേബ്യൻ, നോർത്ത് ഇന്ത്യൻ വിഭാഗങ്ങളിൽ ബിരിയാണി, തന്തൂരി ചിക്കൻ ബിരിയാണി, മന്തി, വിവിധ തന്തൂരി വിഭവങ്ങൾ എന്നിവയ്ക്കാണ് പ്രാധാന്യം. സ്റ്റാർട്ടേഴ്‌സ് വിഭാഗത്തിൽ ഫിഷ് ഫിംഗർ, ചിക്കൻ 65, പ്രോൺസ് ടൂത്ത്പിക്ക്, സാൾട്ട് ആൻഡ് പെപ്പർ മഷ്റൂം തുടങ്ങിയ വിഭവങ്ങളുമുണ്ടാകും.

ബർഗറുകൾ, സാൻഡ്‌വിച്ചുകൾ, റാപ്പുകൾ തുടങ്ങിയ ഫാസ്റ്റ് ഫുഡ് വിഭവങ്ങൾക്കൊപ്പം ചൈനീസ്, ഇറ്റാലിയൻ വിഭവങ്ങളും മെനുവിൽ ഉൾപ്പെടുത്തിയിട്ടുണ്ട്.