തത്വചിന്തകളിൽ നിന്ന് ജീവിതത്തിലേക്ക്: സമത്വത്തിന്റെ കർമ്മയോഗി ശ്രീകുമാർ കോർമത്ത്

ഇന്ന് ഓഗസ്റ്റ് 22-ന് കോഴിക്കോട് ഗോവിന്ദപുരത്തെ ‘മീനാക്ഷി’ വസതിയിൽ ഗോകുലം ഗോപാലൻ ഉദ്ഘാടനം ചെയ്യുന്ന ഓണം കിറ്റ് വിതരണവും ആ കാരുണ്യയാത്രയിലെ മറ്റൊരു കണ്ണിയാണ്.

വലിയ മുദ്രാവാക്യങ്ങളില്ല.സ്വയം ഉയർത്തിക്കാട്ടാനുള്ള ആഡംബരങ്ങളില്ല.ആവശ്യമുള്ളിടത്ത് എത്തുന്ന ഒരു കൈ മാത്രം.ചിലപ്പോൾ ഒരു മനുഷ്യന് വേണ്ടത് അത്രമാത്രമാണ്.

335 രൂപയുടെ ഓർമ്മ

ശ്രീകുമാർ കോർമത്തിന്റെ ജീവിതകഥയിൽ 335 രൂപയ്ക്ക് ഒരു പ്രത്യേക സ്ഥാനമുണ്ട്.അത് ഒരു തുക മാത്രമല്ല.ഒരു തുടക്കത്തിന്റെ പ്രതീകമാണ്.

ഇന്ന് മറ്റുള്ളവരെ സഹായിക്കാൻ കഴിയുന്ന ഒരാളുടെ ജീവിതം ഒരിക്കൽ അതേ സഹായം തേടേണ്ടി വന്ന അവസ്ഥകളിലൂടെ കടന്നുപോയിരുന്നു.

അതുകൊണ്ടാകാം, മറ്റൊരാളുടെ നിസ്സഹായത അദ്ദേഹത്തിന് അന്യമായി തോന്നാത്തത്.

സമ്പത്ത് നേടുന്നതിൽ വിജയിച്ച പലരെയും നമുക്ക് കാണാം. എന്നാൽ, സമ്പത്ത് നേടിയശേഷം അതിന്റെ അർത്ഥം മാറ്റിയെഴുതുന്നവർ അപൂർവമാണ്.

335 രൂപയിൽ നിന്ന് കോടികളുടെ മൂല്യമുള്ള ബിസിനസ് വിജയത്തിലേക്കുള്ള യാത്രയെക്കാൾ വലിയതാണ് അതിനൊപ്പം നടന്ന മറ്റൊരു യാത്ര.

സ്വന്തം ജീവിതാനുഭവങ്ങളിൽ നിന്ന് മനുഷ്യസ്നേഹത്തിലേക്കുള്ള യാത്ര.

നിഷ്കാമകർമ്മത്തിന്റെ നിശ്ശബ്ദ പാത

ഭാരതീയ ചിന്താപാരമ്പര്യത്തിലെ ‘നിഷ്കാമകർമ്മം’ എന്ന ആശയത്തിന് കാലങ്ങളായുള്ള പഴക്കമുണ്ട്. ഫലപ്ര തീ ക്ഷയില്ലാതെ കർമ്മം ചെയ്യുക.അത് വലിയ തത്ത്വചിന്തയായി വായിക്കാം.

പക്ഷേ, അതിനെ ജീവിതത്തിൽ കാണാൻ ചിലപ്പോൾ ഒരു മനുഷ്യന്റെ പ്രവർത്തനങ്ങൾ മാത്രം നോക്കിയാൽ മതി.

ശ്രീകുമാർ കോർമത്തിന്റെ ജീവിതത്തിൽ അത്തരമൊരു ലാളിത്യം കാണാം.

സഹായം ആവശ്യമുള്ളവന്റെ പശ്ചാത്തലത്തേക്കാൾ അവന്റെ ആവശ്യത്തിനാണ് പ്രാധാന്യം. ജാതി, മതം, രാഷ്ട്രീയം, സാമ്പത്തിക സ്ഥിതി തുടങ്ങിയ വേർതിരിവുകൾക്കപ്പുറം മനുഷ്യനെ മനുഷ്യനായി കാണുക എന്ന അടിസ്ഥാനബോധം.

ഇന്നത്തെ യുവാക്കൾക്കും വിദ്യാർത്ഥികൾക്കുമിടയിൽ പടർന്നുപിടിക്കുന്ന ലഹരിക്കെതിരെ "ജീവിതമാകട്ടെ ലഹരി" എന്ന ശക്തമായ മുദ്രാവാക്യമുയർത്തി അദ്ദേഹം സജീവമായി രംഗത്തുണ്ട്. സ്കൂളുകൾ, കോളേജുകൾ, സാംസ്കാരിക ക്ലബ്ബുകൾ എന്നിവ കേന്ദ്രീകരിച്ച് ബോധവൽക്കരണ സന്ദേശങ്ങൾ എത്തിക്കുന്നതിൽ അദ്ദേഹം മുന്നിൽ നിൽക്കുന്നു.

അതിനോടൊപ്പം ഭവനരഹിതർക്ക് തണലൊരുക്കിയും, അർഹരായവർക്ക് വിവാഹ-ചികിത്സാ സഹായങ്ങൾ നൽകിയും, സാമ്പത്തിക ബുദ്ധിമുട്ടിലായവരുടെ വായ്പാ കുടിശികകൾ തീർത്തു കൊടുത്തും അദ്ദേഹത്തിന്റെ സേവനമനോഭാവം പ്രകടമാകുന്നു. കൊടുംവേനലിൽ നഗരത്തിലെത്തുന്നവർക്ക് ആശ്വാസമായി പാനീയ വിതരണം നടത്തുക, ട്രാഫിക് ബോധവൽക്കരണത്തിനും റോഡ് സുരക്ഷയ്ക്കും പിന്തുണ നൽകുക, ആരാധനാലയങ്ങൾക്ക് ധനസഹായം നൽകുക തുടങ്ങി നാടിന്റെ നന്മയ്ക്കായി നീളുന്നതാണ് അദ്ദേഹത്തിന്റെ കാരുണ്യ പദ്ധതികൾ.

സമൂഹത്തിന്റെ വിവിധ തട്ടുകളിലുള്ള വിടവ് നികത്താൻ പ്രസംഗങ്ങളേക്കാൾ വലിയ മനസ്സാണ് വേണ്ടതെന്ന് സ്വന്തം ജീവിതത്തിലൂടെ ശ്രീകുമാർ തെളിയിക്കുന്നു. തത്ത്വചിന്തകർ പറഞ്ഞുവെച്ച സമത്വമെന്ന സ്വപ്നം സ്വന്തം ജീവിതം കൊണ്ട് യാഥാർത്ഥ്യമാക്കുന്ന ശ്രീകുമാർ കോർമത്ത്, വാക്കുകളേക്കാൾ പ്രവൃത്തി കൊണ്ട് ചരിത്രം കുറിക്കുന്ന അപൂർവ്വ വ്യക്തിത്വമായി എന്നും തലയുയർത്തി നിൽക്കുന്നു.

അതിനാൽ അദ്ദേഹത്തിന്റെ പ്രവർത്തനങ്ങളെ വെറും ‘സഹായം’ എന്നു വിളിച്ചുതീർക്കുന്നത് അതിന്റെ ആഴം കുറച്ചുകാണിക്കലാകും.

അത് സമ്പത്തിനെക്കുറിച്ചുള്ള ഒരു നിലപാടാണ്.

“എനിക്ക് ലഭിച്ചത് എന്റേത് മാത്രമല്ല” എന്ന തിരിച്ചറിവ്.

സമത്വം എവിടെയാണ് യാഥാർത്ഥ്യമാകുന്നത്?

സമത്വത്തെക്കുറിച്ച് വലിയ സമ്മേളനങ്ങളിൽ സംസാരിക്കാം.അസമത്വത്തെക്കുറിച്ച് പുസ്തകങ്ങൾ എഴുതാം.

സാമൂഹിക നീതിയെക്കുറിച്ച് പ്രഭാഷണങ്ങൾ നടത്താം.പക്ഷേ, വിശക്കുന്ന ഒരാളുടെ മുന്നിൽ ഒരു ഭക്ഷണപ്പൊതി എത്തുമ്പോഴാണ് അതിന് ജീവൻ ലഭിക്കുന്നത്.

ചികിത്സയ്ക്ക് പണമില്ലാതെ വലയുന്ന ഒരാൾക്ക് ചികിത്സ ലഭിക്കുമ്പോഴാണ് കരുണയ്ക്ക് അർത്ഥമുണ്ടാകുന്നത്.

സ്വന്തമായി ഒരു വീടെന്ന സ്വപ്നം പോലും ഉപേക്ഷിച്ച ഒരു കുടുംബത്തിന് വീടിന്റെ താക്കോൽ കൈമാറുമ്പോഴാണ് സാമൂഹിക ഉത്തരവാദിത്വം അനുഭവമാകുന്നത്.

അവിടെയാണ് തത്ത്വചിന്ത ജീവിതമാകുന്നത്.

അവിടെയാണ് ശ്രീകുമാർ കോർമത്തിന്റെ പ്രസക്തി.

വലിയ സമ്പത്ത് എന്താണ്?

ഒരു മനുഷ്യന്റെ സമ്പത്ത് അയാളുടെ ബാങ്ക് അക്കൗണ്ടിലെ തുകയെക്കാൾ വലുതാകുന്നത് എപ്പോഴാണ്?

അയാളുടെ സമ്പത്ത് മറ്റൊരാളുടെ കണ്ണീരൊപ്പുമ്പോൾ.

അയാളുടെ വിജയം മറ്റൊരാളുടെ ജീവിതത്തിൽ ഒരു അവസരമാകുമ്പോൾ.അയാളുടെ കൈ മറ്റൊരാളുടെ തോളിൽ ആശ്വാസമായി പതിയുമ്പോൾ.

ശ്രീകുമാർ കോർമത്തിന്റെ ജീവിതത്തെ അളക്കേണ്ട അളവുകോൽ ഒരുപക്ഷേ ഇതുതന്നെയാണ്.

അദ്ദേഹം നേടിയതെത്രയെന്നതിലല്ല, നേടിയതിൽ നിന്ന് എത്രപേർക്ക് പ്രതീക്ഷ ലഭിച്ചു എന്നതിലാണ് ആ ജീവിതത്തിന്റെ യഥാർത്ഥ വലുപ്പം.

സമൂഹത്തിലെ വിടവുകൾ നികത്താൻ എല്ലായ്പ്പോഴും വലിയ പ്രസ്ഥാനങ്ങൾ ആവശ്യമില്ല. ചിലപ്പോൾ ഒരു വ്യക്തിയുടെ മനസ്സ് മതി.

അത്തരം ഒരു മനസ്സാണ് ശ്രീകുമാർ കോർമത്തിന്റേത്.

ചരിത്രം പലപ്പോഴും വലിയ പ്രസംഗങ്ങൾ നടത്തിയവരെ ഓർക്കും.

പക്ഷേ, മനുഷ്യരുടെ ഹൃദയത്തിൽ ദീർഘകാലം നിലനിൽക്കുന്നത് മറ്റൊരു ചരിത്രമാണ്...

ആവശ്യസമയത്ത് കൂടെ നിന്നവരുടെ ചരിത്രം.

ആ ചരിത്രത്തിൽ, വാക്കുകളേക്കാൾ പ്രവൃത്തിയെ വിശ്വസിച്ച ഒരാളുടെ പേര് പതിയുന്നു.

ശ്രീകുമാർ കോർമത്ത്.

335 രൂപയുമായി യാത്ര തുടങ്ങിയ മനുഷ്യൻ.

വിജയത്തിന്റെ കൊടുമുടിയിലെത്തിയിട്ടും താഴെയുള്ളവരെ മറക്കാത്ത മനുഷ്യൻ.

താൻ നേടിയതിന്റെ വാതിൽ മറ്റുള്ളവർക്കും തുറന്നുകൊടുത്ത മനുഷ്യൻ.

തത്ത്വചിന്തകളിൽ വായിച്ച സമത്വത്തെ ജീവിതത്തിലേക്ക് ഇറക്കിവെച്ച മനുഷ്യൻ.

അതിനാൽ ശ്രീകുമാർ കോർമത്തിന്റെ കഥ ഒരു വ്യവസായിയുടെ വിജയകഥ മാത്രമല്ല.

മനുഷ്യനായി വിജയിക്കാനാകുമെന്നതിന്റെ ഒരു നിശ്ശബ്ദ സാക്ഷ്യമാണ് അത്.

:ദിവാകരൻ ചോമ്പാല