വിസ്‌മയമായി 'തുടക്കം'; അച്ഛന്റെ അഭിനയപാരമ്പര്യം ദൃശ്യവിസ്‌മയമായി തീരട്ടെ ...

എന്നിരുന്നാലും, മലയാളികളുടെ മനസ്സിൽ ഇന്നും ജീവിക്കുന്ന ഒരു പഴമൊഴിയുണ്ട് —

 "പായുന്നതിന്റെ കുട്ടി പറക്കും."

അച്ഛന്റെ കലാസ്പർശത്തിന്റെ ചില തിളക്കങ്ങൾ മകളിലും തെളിയുമെന്ന പ്രതീക്ഷ സ്വാഭാവികമാണ്. ആ പ്രതീക്ഷ സഫലമാകുമോ എന്നത് കാലമാണ് തീരുമാനിക്കുക.

'തുടക്കം' എന്ന പേരിൽ തന്നെ ശുഭസൂചന

"തുടക്കം നന്നായാൽ ഒടുക്കവും നന്നാകും" എന്ന ജനപ്രിയ ചൊല്ല് മലയാളികൾക്കിടയിൽ സുപരിചിതമാണ്. നല്ലൊരു തുടക്കം വിജയത്തി ന്റെ ആദ്യപടിയാണെന്നും വിശ്വസിക്കപ്പെടുന്നു. ഓരോ വലിയ യാത്രയ്ക്കും ഒരു ആദ്യ ചുവടുണ്ട്; ആ ആദ്യ ചുവടാണ് പലപ്പോഴും ചരിത്രത്തിന്റെ ദിശ മാറ്റുന്നത്.

വിസ്മയയുടെ സിനിമാജീവിതത്തിലും ഈ 'തുടക്കം' അതേ ശുഭസൂചനയായി മാറുമെന്ന പ്രതീക്ഷയിലാണ് ആരാധകരും സിനിമാലോകവും. പേരുപോലെ തന്നെ ഈ തുടക്കം വിജയങ്ങളുടെയും പുതിയ വിസ്മയങ്ങ ളുടെയും വാതിൽ തുറക്കട്ടെയെന്നാണ് ഏവരുടെയും ആശംസ.

"'തുടക്കം' എന്ന ചിത്രത്തിലൂടെ അഭിനയരംഗത്തേക്ക് പ്രവേശിക്കുന്ന പ്രിയപ്പെട്ട വിസ്മയാ മോഹൻലാലിന് ഹൃദയം നിറഞ്ഞ ആശംസകളും അനുഗ്രഹങ്ങളും" എന്നായിരുന്നു മമ്മൂട്ടിയുടെ സന്ദേശം. അതിന് നന്ദി അറിയിച്ച് വിസ്മയയും അദ്ദേഹത്തിന്റെ പോസ്റ്റ് പങ്കുവെച്ചു.

"വിസ്മയാ മോഹൻലാലിന്റെ സിനിമയുടെ അത്ഭുതലോകത്തേക്കുള്ള 'തുടക്ക'ത്തിന് എല്ലാവിധ ആശംസകളും" എന്നായിരുന്നു ദുൽഖർ സൽമാന്റെ ആശംസ.

കുടുംബബന്ധങ്ങളുടെ ഹൃദ്യതയും ത്രില്ലറിന്റെ ആവേശവും കോർത്തി ണക്കിയ ട്രെയ്ലർ ഇതിനോടകം സിനിമാപ്രേമികളുടെ ശ്രദ്ധ നേടിയിട്ടുണ്ട്. കൊച്ചിയിൽ നടന്ന ചടങ്ങിലാണ് ചിത്രത്തിന്റെ ട്രെയ്ലർ പുറത്തിറക്കിയത്. ചിത്രത്തിൽ മറ്റൊരു പ്രധാന കഥാപാത്രത്തെ അവതരിപ്പിക്കുന്നത് ആശിഷ് ജോ ആന്റണിയാണ്. മോഹൻലാലും ശ്രദ്ധേയമായ ഒരു വേഷത്തിൽ എത്തുന്നുണ്ട്. ദിനേശ് പ്രഭാകർ, ജാഫർ ഇടുക്കി, കോട്ടയം രമേഷ്, ജിബിൻ ഗോപിനാഥ്, ശിവദാസ് കണ്ണൂർ, ജയ്സ് ജോസ്, ജയാ കുറുപ്പ്, അശ്വിനി വിജയൻ എന്നിവരും ചിത്രത്തിലെ പ്രധാന താരനിരയിലാണ്.

:ദിവാകരൻ ചോമ്പാല