ശാന്തമായ കരുത്തും നിലപാടുകളിൽ ഉറച്ചുനിൽക്കാനുള്ള ധൈര്യവും..."; വിസ്മയയ്ക്ക് ഹൃദയം തൊടുന്ന ആശംസകളുമായി മാലാ പാർവതി

സിനിമയിലെ ഓരോ പുതിയ തുടക്കവും പ്രതീക്ഷകളുടെയും ആശംസക ളുടെയും നിമിഷങ്ങളാണ്. അത്തരമൊരു മനോഹര നിമിഷത്തിലാണ് നടൻ മോഹൻലാലിന്റെ മകൾ വിസ്മയ മോഹൻലാലിന് ഹൃദയം നിറഞ്ഞ ആശം സകളുമായി നടി മാലാ പാർവതി രംഗത്തെത്തിയത്. സാമൂഹിക മാധ്യമ ത്തിൽ പങ്കുവെച്ച ആത്മാർഥമായ കുറിപ്പിലൂടെ വിസ്മയയുടെ വ്യക്തിത്വ ത്തെയുംജീവിതമൂല്യങ്ങളെയും അവർ സ്നേഹപൂർവം അനുസ്മരിച്ചു.

വിസ്മയയുടെ ശാന്തമായ സ്വഭാവവും ലാളിത്യവും സ്വന്തം നിലപാടുകളിൽ ഉറച്ചുനിൽക്കാനുള്ള ആത്മവിശ്വാസവുമാണ് മാലാ പാർവതി തന്റെ കുറിപ്പിൽ എടുത്തുപറയുന്നത്. ഈ ഗുണങ്ങൾ ജീവിതത്തിലും സിനിമാ യാത്രയിലും എന്നും വഴികാട്ടികളാകട്ടെയെന്നാണ് അവർ ആശംസിക്കുന്നത്.

"പ്രിയപ്പെട്ട വിസ്മയയ്ക്ക്, ഈ പുതിയ തുടക്കത്തിന് എന്റെ ഹൃദയം നിറഞ്ഞ ആശംസകൾ. നിന്റെ ശാന്തമായ കരുത്തും ലാളിത്യവും സ്വന്തം നിലപാടുകളിൽ ഉറച്ചുനിൽക്കാനുള്ള ധൈര്യവും ഏറെ പ്രശംസനീയമാണ്. മുന്നോട്ടുള്ള യാത്രയിൽ ഈ ഗുണങ്ങൾ എന്നും നിനക്ക് വഴിവിളക്കാകട്ടെ.

സിനിമയിലെ നിന്റെ യാത്ര അർഥവത്തായ കഥാപാത്രങ്ങളാലും നല്ല മനുഷ്യരുടെ സാന്നിധ്യത്താലും നീ അർഹിക്കുന്ന എല്ലാ വിജയങ്ങളാലും സമ്പന്നമാകട്ടെയെന്ന് ഞാൻ പ്രാർഥിക്കുന്നു.

ദൈവം നിനക്കായി ശരിയായ വഴികൾ തുറന്നുതരട്ടെ. ഓരോ കാലടിവെപ്പി ലും നിന്നെ കാത്തുസൂക്ഷിച്ച് ദീർഘവും സംതൃപ്തിയും മനോഹാരിതയും നിറഞ്ഞ ഒരു ചലച്ചിത്രജീവിതം സമ്മാനിക്കട്ടെ. എല്ലാറ്റിനുമുപരി, നിന്റെ യഥാർഥ വ്യക്തിത്വം എന്നും കാത്തുസൂക്ഷിക്കാൻ നിനക്കാകട്ടെ. അതാണ് ഏറ്റവും വലിയ അനുഗ്രഹം," എന്നാണ് മാലാ പാർവതി കുറിച്ചത്.

വിസ്മയയുടെ സിനിമാ അരങ്ങേറ്റവാർത്ത പുറത്തുവന്നതോടെ നിരവധി പ്രമുഖരും ആരാധകരും ആശംസകളുമായി എത്തിയിരുന്നു. അക്കൂട്ടത്തിൽ ശ്രദ്ധേയമായതാണ് മാലാ പാർവതിയുടെ ഈ ഹൃദയസ്പർശിയായ കുറിപ്പ്. ഒരു നവതാരത്തോടുള്ള ആശംസ മാത്രമല്ല, ജീവിതമൂല്യങ്ങൾ കൈവിടാ തെ മുന്നേറാനുള്ള സ്നേഹപൂർവമായ ഓർമ്മപ്പെടുത്തൽ കൂടിയായാണ് ഈ വാക്കുകളെ സാമൂഹിക മാധ്യമങ്ങൾ ഏറ്റെടുത്തിരിക്കുന്നത്.