സർക്കാർ ജീവനക്കാർ ജനസേവകരാകണം: എം.എൽ.എ അഡ്വ. ടി. അശോക് കുമാർ

മാഹി മേരി മാതാ കമ്മ്യൂണിറ്റി ഹാളിൽ നടന്ന ചടങ്ങ് മുൻ എഫ്.എസ്.എ പ്രസിഡന്റ് എൻ. ഹരിദാസൻ മാസ്റ്റർ ഉദ്ഘാടനം ചെയ്തു. എഫ്.എസ്.എ പ്രസിഡന്റ് സി.എച്ച്. സത്യനാഥൻ അധ്യക്ഷത വഹിച്ചു. ജനറൽ സെക്രട്ടറി ശ്രീകുമാർ ഭാനു സ്വാഗതവും ജോയിന്റ് സെക്രട്ടറി സൻജീവ് എ.കെ നന്ദിയും രേഖപ്പെടുത്തി.

ചടങ്ങിൽ 2022-ന് ശേഷം സർക്കാർ സർവീസിൽ നിന്ന് വിരമിച്ച എഫ്.എസ്.എ അംഗങ്ങളായ ജീവനക്കാർക്ക് എം.എൽ.എ ഉപഹാരങ്ങൾ വിതരണം ചെയ്ത് ആദരിച്ചു.

മുൻ എഫ്.എസ്.എ പ്രസിഡന്റുമാരായ ടി.കെ. ഗംഗാധരൻ, സുരേഷ് ബാബു, എഫ്.എസ്.എ ഹോണററി പ്രസിഡന്റ് ഇ.വി. രാമചന്ദ്രൻ, ഗവൺമെന്റ് എംപ്ലോയീസ് യൂണിയൻ പ്രതിനിധി അരവിന്ദാക്ഷൻ, ഹോസ്പിറ്റൽ വർക്കേഴ്സ് യൂണിയൻ പ്രതിനിധി പി.എം. ഹരീന്ദ്രൻ, ഗവൺമെന്റ് ടീച്ചേഴ്സ് അസോസി യേഷൻ പ്രതിനിധി പി. യതീന്ദ്രൻ, വൈദ്യുത വകുപ്പ് ഐ.ടി.ഐ ഹോൾ ഡേഴ്സ് പ്രതിനിധി രൂപേഷ് എ.കെ, വൈദ്യുത വകുപ്പ് സി.ഐ.ടി.യു യൂണി യൻ പ്രതിനിധി സുജേഷ് വാസുദേവൻ എന്നിവർ ആശംസകൾ നേർന്ന് സംസാരിച്ചു.

തുടർന്ന് വിവിധ സർക്കാർ വകുപ്പുകളിലെ ജീവനക്കാരുടെ പ്രതിനിധികൾ എം.എൽ.എയെ പൊന്നാട അണിയിച്ച് ആദരിച്ചു.