"കഷ്ടം, നിങ്ങൾക്ക് നാണമില്ലേ?": രാഷ്ട്രീയ നേതാക്കൾക്കും വിദ്യാർത്ഥി പ്രസ്ഥാനങ്ങൾക്കുമെതിരെ രൂക്ഷവിമർശനവുമായി ഡോ. കെ.കെ.എൻ. കുറുപ്പ്

കൊച്ചി : ഉന്നത വിദ്യാഭ്യാസ രംഗത്തെ രാഷ്ട്രീയവൽക്കരണത്തിലും വിദ്യാർത്ഥി സംഘടനകളുടെ നയങ്ങളിലുമുള്ള ശക്തമായ പ്രതിഷേധവും അമർഷവും രേഖപ്പെടുത്തി പ്രമുഖ ചരിത്രകാരനും മുൻ സർവ്വകലാശാല വൈസ് ചാൻസലറുമായ ഡോ. കെ.കെ.എൻ. കുറുപ്പ്.

വിദ്യാഭ്യാസ സംരക്ഷണത്തിന്റെ പേരിൽ പരസ്പരം പോരടിക്കുന്ന പ്രസ്ഥാനങ്ങൾ ഉന്നതവിദ്യാഭ്യാസ മേഖലയെ തകർക്കുകയാണെന്ന് അദ്ദേഹം കുറ്റപ്പെടുത്തി.

"നാളെ KSU വിദ്യാഭ്യാസ ബന്ദ്, മറ്റന്നാൾ SFI ബന്ദ്! വിദ്യാഭ്യാസ മന്ത്രിയുടെ രാജിയും പരീക്ഷാ പരിഷ്കരണവുമാണ് നിങ്ങളുടെ ലക്ഷ്യമെങ്കിൽ, എന്തുകൊണ്ട് നിങ്ങൾക്ക് ഒന്നിച്ച് പോരാടിക്കൂടാ? മണ്ടൻ ലാത്തിയടിയേറ്റു വാങ്ങിയിട്ടും അഖിലേന്ത്യാ തലത്തിലുള്ള പ്രക്ഷോഭങ്ങളെപ്പോലും കോൺഗ്രസ് - കമ്മ്യൂണിസ്റ്റ് വിഭജനമായി മാത്രം ചുരുക്കുന്നതിൽ ഒരു അധ്യാപകനും സർവ്വകലാശാല വൈസ് ചാൻസലറുമായിരിന്ന ഞാൻ ഏറെ വേദനിക്കുന്നു. ആ വേദന എന്റെ ഹൃദയത്തിൽ നിന്നുള്ളതാണ്," ഡോ. കുറുപ്പ് വ്യക്തമാക്കി.

പാർട്ടി അടിസ്ഥാനത്തിലുള്ള നിയമനങ്ങൾ: ഭരണതലത്തിൽ ആര് വന്നാലും സ്വന്തം ഗ്രൂപ്പുകാരെയും പാർട്ടിക്കാരെയും മാത്രം നിയമിക്കുന്ന പ്രവണത അവസാനിപ്പിക്കണം.പ്രസ്താവനയിലെ പ്രധാന വിമർശനങ്ങൾനീളുന്നു 

പരീക്ഷകളിലെ വിചിത്രമായ രാഷ്ട്രീയ വിഭജനം: "SFI-ക്ക് വേറെ പരീക്ഷ, കോൺഗ്രസിന് വേറെ, BJP-ക്ക് വേറെ, ലീഗിനും തൃണമൂലിനും വെവ്വേറെ പരീക്ഷകൾ! പോരാത്തതിന് ഇതിനെയൊക്കെ നിയന്ത്രിക്കാൻ അവരുടേതായ സംവിധാനങ്ങളും! ഈ അവസ്ഥ ദാരുണമാണ്."

ബുദ്ധിജീവികൾ വിഡ്ഢികളാകുന്നു: രാജ്യത്തെ ബുദ്ധിജീവി സമൂഹം വെറും വിഡ്ഢികളായി മാറുന്ന കാഴ്ചയാണ് കാണുന്നത്. താനൊരു ചരിത്രകാരൻ മാത്രമാണെന്നും എന്നാൽ ഇന്നത്തെ രാഷ്ട്രീയ നേതാക്കൾ ചരിത്രം സൃഷ്ടിക്കുകയാണെന്നും (ഏറെ പരിഹാസത്തോടെ) അദ്ദേഹം കൂട്ടിച്ചേർത്തു.

വിദ്യാഭ്യാസ മേഖലയിലെ രാഷ്ട്രീയ അനാസ്ഥകൾക്കെതിരെ ശക്തമായ ജനവികാരം ഉയർന്നുവരണമെന്നും അദ്ദേഹം ആവശ്യപ്പെട്ടു.

ചിത്രം :പ്രതീകാത്മകം