പ്രധാനമന്ത്രിയുടെ വസതിക്ക് മുന്നിൽ വൻ കോൺഗ്രസ് പ്രതിഷേധം: രാഹുൽ ഗാന്ധിയും പ്രിയങ്കയും ഉൾപ്പെടെയുള്ള പ്രമുഖ നേതാക്കൾ കസ്റ്റഡിയിൽ

ഈ പിടിവലിക്കിടെ നിരവധി എം.പിമാർക്കും പരിക്കേറ്റിട്ടുണ്ട്.

നേരത്തെ, കേന്ദ്രമന്ത്രി ജിതേന്ദ്ര സിങ് സമരസ്ഥലത്തെത്തി രാഹുൽ ഗാന്ധിയുമായി അരമണിക്കൂറോളം ചർച്ച നടത്തിയെങ്കിലും പ്രതിഷേധക്കാർ നിലപാടിൽ ഉറച്ചുനിന്നു. മന്ത്രി മടങ്ങിയതിനു തൊട്ടുപിന്നാലെയാണ് വൻ പോലീസ് സംഘമെത്തി നേതാക്കളെ അറസ്റ്റ് ചെയ്തു നീക്കിയത്.

സി.ജെ.പി പ്രവർത്തകർക്കുനേരെ പോലീസ് നടത്തിയ ലാത്തിച്ചാർജിൽ പ്രതിഷേധിച്ചാണ് കോൺഗ്രസ് പ്രധാനമന്ത്രിയുടെ വസതിക്കു മുന്നിൽ ഉപരോധം സംഘടിപ്പിച്ചത്. സംഭവത്തിൽ ഉത്തരവാദികളായ പ്രധാനമന്ത്രിയും വിദ്യാഭ്യാസ മന്ത്രി ധർമേന്ദ്ര പ്രധാനും രാജിവയ്ക്കണമെന്ന് നേതാക്കൾ ആവശ്യപ്പെട്ടു. കോൺഗ്രസ് അധ്യക്ഷൻ മല്ലികാർജുൻ ഖാർഗെ, കെ.സി. വേണുഗോപാൽ, ഡി.കെ. ശിവകുമാർ, വി.ഡി. സതീശൻ തുടങ്ങിയ മുതിർന്ന നേതാക്കളുടെ നേതൃത്വത്തിലായിരുന്നു പ്രതിഷേധം.