ക്യാമറക്കണ്ണുകളിലെ 'തന്നിഷ്ടവും' സോഷ്യൽ മീഡിയയിലെ 'ഭ്രാന്താലയവും': എവിടെയാണ് നമ്മുടെ സാമൂഹ്യബോധം?

"പോടാ പുല്ലേ പോലീസേ" - നാളത്തെ തലമുറ എങ്ങോട്ട്?

നമ്മുടെ സ്വത്തിനും ജീവനും കാവലാകേണ്ട, നിയമം നടപ്പിലാക്കേണ്ട പോലീസുകാരെ പരസ്യമായി "പോടാ പുല്ലേ പോലീസേ" എന്ന് വിളിച്ച് ആക്ഷേപിക്കുന്ന ദൃശ്യങ്ങളാണ് ഇന്ന് സോഷ്യൽ മീഡിയയിൽ വൈറലാകുന്നത്. ഇത്തരം ദൃശ്യങ്ങൾ കണ്ടും കേട്ടും വളരുന്ന നമ്മുടെ കൊച്ചുമക്കൾ, നാളെ പോലീസ് സ്റ്റേഷനുകളിലേക്ക് ബോംബെറിയില്ലെന്ന് എന്താണ് ഉറപ്പ്? നിയമത്തോടും നിയമപാലകരോടുമുള്ള ഭയം വരുംതലമുറയ്ക്ക് ഇല്ലാതാകുന്നത് ഒരു വലിയ സാമൂഹ്യ ദുരന്തത്തിന്റെ തുടക്കമാണ്.

കേരളം വീണ്ടും ഒരു ഭ്രാന്താലയമാവുകയാണോ?

വർഷങ്ങൾക്ക് മുമ്പ് സ്വാമി വിവേകാനന്ദൻ കേരളത്തെ 'ഭ്രാന്താലയം' എന്ന് വിശേഷിപ്പിച്ചത് ഇവിടുത്തെ സാമൂഹ്യ അനാചാരങ്ങൾ കണ്ടിട്ടായിരുന്നു. എന്നാൽ, ഇന്ന് സോഷ്യൽ മീഡിയ വഴി പ്രചരിക്കുന്ന ഇത്തരം അക്രമ-അശ്ലീല ദൃശ്യങ്ങളും, ലഹരിവിളയാട്ടങ്ങളും, അതിനായി ആളുകൾ കാണിക്കുന്ന ആവേശവും കാണുമ്പോൾ, കേരളം ഇപ്പോഴും ആ പഴയ അവസ്ഥയിൽ തന്നെയാണോ എന്ന് ചിന്തിക്കേണ്ടി വരുന്നു.

വേണ്ടത് 'ഓപ്പറേഷൻ തൂഫാൻ'

പോലുള്ള കർശന നടപടികൾ

സോഷ്യൽ മീഡിയയിൽ എന്തുമാകാം, ആർക്കും എന്ത് തോന്ന്യാസവും പോസ്റ്റ് ചെയ്യാം എന്ന ഈ അവസ്ഥയ്ക്ക് അടിയന്തരമായി മാറ്റം വന്നേ തീരൂ. സൈബർ ഇടങ്ങളിലെയും തെരുവുകളിലെയും ഇത്തരം മലിനീകരണം തുടച്ചുനീക്കാൻ മുൻപ് പോലീസ് നടപ്പിലാക്കിയ 'ഓപ്പറേഷൻ തൂഫാൻ' പോലൊരു ശക്തമായ കൊടുങ്കാറ്റ് ഭരണാധികാരികൾ ഈ രംഗത്തും അഴിച്ചുവിടേണ്ടതുണ്ട്. വെറും ഉപദേശങ്ങൾ കൊണ്ടോ ബോധവൽക്കരണം കൊണ്ടോ മാത്രം ഈ അരാജകത്വം തടയാനാവില്ല. നിയമം അതിന്റെ വഴിക്ക് കർശനമായി നീങ്ങാൻ ഭരണകൂടം ഏറെ വൈകി എന്ന് പറയാതെ വയ്യ.

സാങ്കേതികവിദ്യ വളരുമ്പോൾ അതിനൊപ്പം നമ്മുടെ സാമൂഹ്യബോധവും വിവേകവും വളരേണ്ടതുണ്ട്. ഒരു മൊബൈൽ ഫോൺ കയ്യിലുണ്ടെന്ന് കരുതി എന്തും ചെയ്യാമെന്ന 'തന്നിഷ്ടം' അവസാനിപ്പിക്കാൻ ശക്തമായ നിയമപരമായ നിയന്ത്രണങ്ങളും സർക്കാരിന്റെ കർശനമായ കർമ്മപദ്ധതികളും അനിവാര്യമായിരിക്കുന്നു. > ചിത്രം:പ്രതീകാത്മകം 

--ദിവാകരൻ ചോമ്പാല 

മുക്കാളിയിൽ അത്യാധുനിക സൗകര്യങ്ങളോടെ ‘നീതി ലാബ് & ഫിസിയോതെറാപ്പി ഡയഗ്നോസ്റ്റിക് സെന്റർ’ പ്രവർത്തനമാരംഭിച്ചു;

കുറഞ്ഞ നിരക്കിൽ സമഗ്ര ആരോഗ്യ പരിശോധന പാക്കേജ്!

ചോമ്പാല: പ്രദേശവാസികൾക്ക് കുറഞ്ഞ ചെലവിൽ മികച്ച രോഗനിർണ്ണയ സൗകര്യങ്ങളും ശാരീരിക സുഖപ്രാപ്തിയും ഉറപ്പുവരുത്തുന്നതിനായി 'നീതി ലാബ് & ഫിസിയോതെറാപ്പി ഡയഗ്നോസ്റ്റിക് സെന്റർ' ചോമ്പാല മുക്കാളി സെൻട്രലിൽ വിപുലമായ സൗകര്യങ്ങളോടെ പ്രവർത്തനമാരംഭിച്ചിരിക്കുന്നു. ISO 9001:2015 അംഗീകാരമുള്ള ഈ അത്യാധുനിക ലാബിൽ തികച്ചും കൃത്യതയാർന്ന പരിശോധനാ ഫലങ്ങൾ വേഗത്തിലും വിശ്വസ്തതയോടും കൂടി രോഗികൾക്ക് ലഭ്യമാക്കുന്നു.

പൊതുജനങ്ങളുടെ ആരോഗ്യ സംരക്ഷണം മുൻനിർത്തി, ശരീരത്തിലെ അവയവങ്ങളുടെ പ്രവർത്തനം കൃത്യമായി മനസ്സിലാക്കാൻ സഹായിക്കുന്ന 'എക്സിക്യൂട്ടീവ് ഹെൽത്ത് ചെക്കപ്പ്' പാക്കേജ് വളരെ കുറഞ്ഞ നിരക്കിൽ ലാബ് അവതരിപ്പിച്ചിട്ടുണ്ട്. സാധാരണയായി 1050 രൂപ വിലവരുന്ന ഈ സമഗ്ര പാക്കേജ് ഇപ്പോൾ കേവലം 750 രൂപയ്ക്ക് മാത്രമാണ് പൊതുജനങ്ങൾക്കായി നീതി ലാബ് ലഭ്യമാക്കുന്നത്.

എക്സിക്യൂട്ടീവ് ഹെൽത്ത് പാക്കേജിൽ ഉൾപ്പെടുന്ന പ്രധാന പരിശോധനകൾ:

ബ്ലഡ് ഷുഗർ (ഫാസ്റ്റിംഗ് ബ്ലഡ് ഷുഗർ - FBS): പ്രമേഹ രോഗ നിർണ്ണയത്തിന്.

ലിപിഡ് പ്രൊഫൈൽ (Total Cholesterol, HDL, LDL, VLDL, Triglycerides): കൊളസ്ട്രോൾ, എച്ച്.ഡി.എൽ, എൽ.ഡി.എൽ, വി.എൽ.ഡി.എൽ, ട്രൈഗ്ലിസറൈഡ്സ് എന്നിവയുടെ അളവ് തിട്ടപ്പെടുത്താൻ.

കംപ്ലീറ്റ് ഹീമോഗ്രാം (Total WBC Count, DC, ESR, Haemoglobin, RBC count, Platelet count, PCV, MCV, MCH, MCHC): രക്ത സംബന്ധമായ തകരാറുകൾ കണ്ടെത്താനും വിളർച്ച ഉൾപ്പെടെയുള്ളവ പരിശോധിക്കാനും.

കിഡ്നി ഫങ്ഷൻ ടെസ്റ്റ് (Creatinine, Blood Urea, Uric acid): വൃക്കകളുടെ പ്രവർത്തനം കൃത്യമായി വിലയിരുത്താൻ.

ലിവർ ഫങ്ഷൻ ടെസ്റ്റ് (Total Bilirubin, Direct Bilirubin, Total Protein, Albumin, Alkaline Phosphatase, SGPT, SGOT): ഹെപ്പറ്റൈറ്റിസ്, മഞ്ഞപ്പിത്തം, മറ്റ് കരൾ രോഗങ്ങൾ എന്നിവ കണ്ടെത്താൻ.

തൈറോയ്ഡ് പരിശോധന (TSH - Thyroid Stimulating Hormone): തൈറോയ്ഡ് സംബന്ധമായ അസുഖങ്ങൾ കണ്ടെത്താൻ.

RA Factor: വാത സംബന്ധമായ രോഗ നിർണ്ണയത്തിന്.

യൂറിൻ റൂട്ടീൻ പരിശോധന: മൂത്ര സംബന്ധമായ അസുഖങ്ങൾ കണ്ടെത്താൻ.

ബിപി (Blood Pressure) പരിശോധന: രക്തസമ്മർദ്ദം കൃത്യമായി അളക്കുന്നതിന്."നിങ്ങളുടെ ആരോഗ്യം, ഞങ്ങളുടെ പ്രതിജ്ഞ" എന്ന മഹത്തായ ലക്ഷ്യത്തോടെയാണ് നീതി ലാബ് & ഫിസിയോതെറാപ്പി ഡയഗ്നോസ്റ്റിക് സെന്റർ ജനങ്ങളിലേക്ക് എത്തുന്നത്. മികച്ച സാങ്കേതിക സൗകര്യങ്ങളും പരിചയസമ്പന്നരായ വിദഗ്ദ്ധരുടെസേവനവും ഇവിടെ ലഭ്യമാണ്. ലാബിൽ നേരിട്ടെത്തിയും മുൻകൂട്ടി ബുക്ക് ചെയ്തും ഈ ആനുകൂല്യം പൊതുജനങ്ങൾക്ക് ഉപയോഗപ്പെടുത്താവുന്നതാണ്.

കൂടുതൽ വിവരങ്ങൾക്കും ബുക്കിംഗിനും ബന്ധപ്പെടുക:

ഫോൺ നമ്പറുകൾ: 0496 250 0777, 96564 37777

 വിലാസം: നീതി ലാബ് & ഫിസിയോതെറാപ്പി, സെൻട്രൽ മുക്കാളി, ചോമ്പാല.

video

https://www.youtube.com/shorts/kfrhoWySZbI