ഓപ്പറേഷൻ തൂഫാൻ: ആത്മീയവും സാമൂഹികവുമായ ഒരു പുണ്യകർമ്മം കെ.കെ. കുഞ്ഞികൃഷ്ണൻ മാസ്റ്റർ (സെക്രട്ടറി, ശ്രീനാരായണഗുരു പഠനകേന്ദ്രം, ചോമ്പാല)

മതമേതായാലും മനുഷ്യൻ നന്നായാൽ മതി" എന്ന് നമ്മെ പഠിപ്പിച്ച യുഗപുരുഷനാണ് ശ്രീനാരായണഗുരുദേവൻ. വാക്കും ചിന്തയും പ്രവൃത്തിയും എപ്പോഴും മനുഷ്യന്റെ പ്രായോഗിക നന്മയ്ക്കായിരിക്കണം ഉപയോഗിക്കേണ്ടതെന്നാണ്

ഗുരുദർശനം. ആ ബോധ്യത്തോടെ നോക്കുമ്പോൾ, നാടിന്റെ ശുദ്ധീകരണത്തിനായി ഇറങ്ങിത്തിരിച്ചിരിക്കുന്ന 'ഓപ്പറേഷൻ തൂഫാൻ' കർമ്മപദ്ധതിയെ ആത്മീയവും സാമൂഹികവുമായ ഒരു പുണ്യകർമ്മമായി വേണം കാണാൻ.

ധാർമ്മികമായ ഈ വലിയ മുന്നേറ്റത്തിന് ഒരു യഥാർത്ഥ ശ്രീനാരായ ണീയന്റെ ഉൾക്കാഴ്ചയോടെയും ആത്മസമർപ്പണത്തോടെയും ഞാൻ പൂർണ്ണ പിന്തുണയും ഐക്യദാർഢ്യവും പ്രഖ്യാപിക്കുന്നു.

സംഘടിച്ച് ശക്തരാകാനും കർമ്മം കൊണ്ട് ഉയരാനും പഠിച്ച നമ്മൾ ഓരോരുത്തരും സമൂഹത്തിന്റെ നന്മയ്ക്കായുള്ള ഈ മഹത്തായ യജ്ഞത്തിൽ പങ്കാളികളാകേണ്ടത് കാലഘട്ടത്തിന്റെ അനിവാര്യതയാണ്.

പ്രവൃത്തിയിലൂടെയുള്ള നന്മയെന്ന ഗുരുദർശനത്തെ മുൻനിർത്തി, ഈ സത്കർമ്മത്തിൽനമുക്കൊന്നായി കൈകോർക്കാം.

- കെ.കെ. കുഞ്ഞികൃഷ്ണൻ മാസ്റ്റർ

(സെക്രട്ടറി, ശ്രീനാരായണഗുരു പഠനകേന്ദ്രം, ചോമ്പാല)