നമ്മുടെ മക്കൾക്ക് നൽകേണ്ട ഏറ്റവും വലിയ സമ്മാനം ലഹരിമുക്തമായ ഒരു സമൂഹമാണ് . : ഡോ. ലക്ഷ്‌മി നായർ

ലഹരി കവർന്നെടുക്കുന്നത് ഒരു യുവാവിന്റെ ജീവിതം മാത്രമല്ല; ഒരു അമ്മയുടെ പ്രതീക്ഷയും ഒരു അച്ഛന്റെ സ്വപ്നവും ഒരു കുടുംബത്തിന്റെ സമാധാനവുമാണ്. നമ്മുടെ മക്കളെ ഈ മാരകമായ നീരാളിപ്പിടുത്തത്തിൽ നിന്ന് രക്ഷിക്കേണ്ടത് ഇന്നത്തെ ഏറ്റവും വലിയ സാമൂഹിക ദൗത്യമാണ്. അതിന് നിയമം മാത്രം പോരാ; കുടുംബവും വിദ്യാലയവും സമൂഹവും ഒരുമിച്ച് ഉണരണം.

ജീവിതത്തെ സ്നേഹിക്കാനും മൂല്യങ്ങളെ ചേർത്തുപിടിക്കാനും പരസ്പരം കരുതാനുമുള്ള സംസ്കാരം വളർത്തിയെടുക്കുമ്പോഴാണ് യഥാർത്ഥ ലഹരിമുക്ത കേരളം യാഥാർഥ്യമാകുന്നത്. ആ നന്മയുടെ യാത്രയിൽ എന്റെ ഹൃദയം നിറഞ്ഞ ഐക്യദാർഢ്യം അറിയിക്കുന്നു.