ലഹരി മാഫിയയുടെ വേരറുക്കാൻ "ഓപ്പറേഷൻ തൂഫാൻ"; മോഹൻലാലും രമേശ് ചെന്നിത്തലയും അണിനിരക്കുന്ന ലഹരിവിരുദ്ധ പോരാട്ടം

"ലഹരി മാഫിയയുടെ വേരറുക്കുന്ന 'ഓപ്പറേഷൻ തൂഫാൻ- ദി നാർക്കോ ഹണ്ടി'ൽ നമുക്ക് പങ്കാളികളാകാം. 'തൂഫാൻ വാറിയർ' ആയി ഞാനും ഈ മഹാപ്രസ്ഥാനത്തിൽ കണ്ണിചേരുന്നു. I AM A TOOFAN WARRIOR."

മലയാള സിനിമയിലെ മഹാനടൻ്റെ നെഞ്ചുറപ്പുള്ള വാക്കുകൾ ......

കേരള പൊലീസിന്റെയും വിവിധ സാമൂഹ്യ സംഘടനകളുടെയും പിന്തുണയോടെ നടക്കുന്ന ഈ ലഹരിവിരുദ്ധ പോരാട്ടത്തിൽ ജനങ്ങളാകെ അണിനിരക്കണമെന്ന് നേതാക്കൾ അഭ്യർത്ഥിച്ചു.

നന്ദിയോടെ പൊതുസമൂഹം...

നാടിന്റെ നന്മയ്ക്കായുള്ള ഈ മഹാപ്രസ്ഥാനത്തിൽ പങ്കാളിയായ, അഭിനയകലയുടെ കുലപതിയും മലയാളികളുടെ ജനപ്രിയ നായകനുമായ മോഹൻലാലിന്റെ ആ നല്ല മനസ്സിന് പൊതുസമൂഹം ആദരവോടെ നന്ദിയർപ്പിക്കുന്നു. ഒപ്പം, ജനക്ഷേമ താല്പര്യമുള്ള മികച്ചൊരു ഉത്തമ ഭരണാധികാരി എന്ന നിലയിൽ നാടിനെ കാക്കാൻ ഇത്തരം ഒരു വലിയ മുന്നേറ്റത്തിന് നേതൃത്വം നൽകിയ പ്രിയ നേതാവ് രമേശ് ചെന്നിത്തലയോടുള്ള ആത്മാർത്ഥമായ കൃതജ്ഞതയും ഈ അവസരത്തിൽ മനഃസാക്ഷി രേഖപ്പെടുത്തുന്നു. നാടിന്റെ വിപത്തിനെതിരെ കൈകോർത്ത ഈ രണ്ട് പ്രമുഖരുടെയും സാന്നിധ്യം വരുംതലമുറയ്ക്ക് വലിയൊരു മാതൃകയാണ്.

 യുവതലമുറയെ ലഹരിയുടെ വിപത്തിൽ നിന്നും സംരക്ഷിക്കുക എന്ന ലക്ഷ്യത്തോടെ ആഭ്യന്തര മന്ത്രി രമേശ് ചെന്നിത്തലയുടെ നേതൃത്വത്തിൽ കേരള പോലീസ് ആവിഷ്കരിച്ച ഏറ്റവും വലിയ ലഹരിവിരുദ്ധ എൺഫോഴ്സ്മെന്റ് പദ്ധതിയാണിത്.  

ഈ ക്യാമ്പയിനെക്കുറിച്ച് ആഭ്യന്തര മന്ത്രി രമേശ് ചെന്നിത്തല വ്യക്തമാക്കിയ പ്രധാന കാര്യങ്ങൾ:

പ്രവർത്തനം മൂന്ന് ഘട്ടങ്ങളായി: 'തൂഫാൻ സ്ട്രൈക്ക്' (Toofan Strike), 'തൂഫാൻ വാറിയേഴ്സ്' (Toofan Warriors), 'തൂഫാൻ കെയർ' (Toofan Care) എന്നിങ്ങനെ മൂന്ന് ഘട്ടങ്ങളായിട്ടാണ് ഈ പദ്ധതി വിഭാവനം ചെയ്തിരിക്കുന്നത്. 

ലഹരിവേട്ട നടത്തുക, യുവജനങ്ങളെ പങ്കാളികളാക്കി ബോധവൽക്കരണം ശക്തമാക്കുക, ലഹരിക്ക് അടിമപ്പെട്ടവർക്ക് കൃത്യമായ ചികിത്സയും പുനരധവാസവും ഉറപ്പാക്കുക എന്നിവയാണ് ഇതിന്റെ ലക്ഷ്യങ്ങൾ. 

ലക്ഷ്യം ഉറവിടങ്ങൾ നശിപ്പിക്കൽ: 

ലഹരിവസ്തുക്കൾ വിൽക്കുന്ന ചെറിയ കണ്ണികളെ മാത്രമല്ല, കേന്ദ്ര ഏജൻസികളുടെ (IB ഉൾപ്പെടെ) സഹകരണത്തോടെ സംസ്ഥാനത്തിന് പുറത്തുനിന്നും ലഹരി എത്തിക്കുന്ന അന്തർസംസ്ഥാന/വിദേശ ലഹരി മാഫിയകളുടെ യഥാർത്ഥ ഉറവിടം (Source) കണ്ടെത്തി പൂർണ്ണമായി നശിപ്പിക്കുകയാണ് ഈ ഓപ്പറേഷനിലൂടെ ലക്ഷ്യമിടുന്നത്. ഇതിനായി 'T-INT' (Toofan Intelligence) എന്ന പ്രത്യേക രഹസ്യാന്വേഷണ വിഭാഗത്തെയും നിയോഗിച്ചിട്ടുണ്ട്.

 വിദ്യാർത്ഥികളുടെ പങ്കാളിത്തം: സ്കൂൾ-കോളേജ് വിദ്യാർത്ഥികളെ ലഹരി വലയിൽ വീഴ്ത്തുന്നത് തടയാൻ സ്റ്റുഡന്റ് പോലീസ് കേഡറ്റുകളെ (SPC) ഈ ക്യാമ്പയിന്റെ ബ്രാൻഡ് അംബാസഡർമാരാക്കി മാറ്റിയിട്ടുണ്ട്. ശക്തമായ നടപടികൾ: എയർപോർട്ടുകൾ, സീപോർട്ടുകൾ, സംസ്ഥാന അതിർത്തികൾ എന്നിവടങ്ങളിൽ കടുത്ത നിരീക്ഷണം ഏർപ്പെടുത്തിയിട്ടുണ്ട്.

ലഹരിവേട്ടയ്ക്കായി പോലീസ് നായ്ക്കൾക്ക് പ്രത്യേക പരിശീലനം നൽകുകയും പരിശോധനകൾ കൂടുതൽ ശാസ്ത്രീയമാക്കുകയും ചെയ്തിട്ടുണ്ട്. 

രാഷ്ട്രീയമില്ലാത്ത കൂട്ടായ്മ: ലഹരിക്കെതിരായ ഈ പോരാട്ടത്തിൽ യാതൊരുവിധ കക്ഷിരാഷ്ട്രീയവുമില്ലെന്നും, വരുംതലമുറയെ രക്ഷിക്കാൻ അമ്മമാരും പൊതുസമൂഹവും പോലീസും എക്സൈസും അടക്കം എല്ലാവരും ഒന്നിച്ച് 'തൂഫാൻ വാറിയേഴ്സ്' ആയി രംഗത്തിറങ്ങണമെന്നും ആഭ്യന്തര മന്ത്രി ആഹ്വാനം ചെയ്യുന്നു.

കല ,സാഹിത്യം ,ആത്മീയം .ബിസിനസ്സ് ,

വിദ്യാഭ്യാസം ,സയൻസ് & ടെക്‌നോളജി ,

ആരോഗ്യം , വിനോദം തുടങ്ങിയ വിഷയങ്ങൾക്കൊപ്പം

വാർത്തകളും വിശേഷങ്ങളും

പതിവായി ....മുടങ്ങാതെ ഓൺലൈനിൽ

വാർത്താ ഗ്രൂപ്പിലേയ്ക്ക് താങ്കളെ സ്വാഗതം ചെയ്യുന്നു.

താഴെ കൊടുത്ത ലിങ്കിൽ ക്ളിക് ചെയ്‌ത്‌ ജോയിൻ ചെയ്‌താലും .

https://chat.whatsapp.com/F1gvqfs43Oj1IOelhw5YTU?mode=wwt