മനുഷ്യർ 'മണ്ണുമര്യാദ' പാലിക്കണം : ഡോ. ജിതേഷ്ജി

തിരുവല്ല: മനുഷ്യർ 'മണ്ണുമര്യാദ' പാലിക്കണം എന്നും പ്രകൃതിയാണ് യഥാർത്ഥ ദേവാലയം എന്നും 'ഹരിതാശ്രമം ' പാരിസ്ഥിതിക ഗുരുകുലം സ്ഥാപകനും അതിവേഗചിത്രകാരനുമായ ഡോ. ജിതേഷ്ജിപറഞ്ഞു.

ലോക പരിസ്ഥിതി ദിനത്തോടനുബന്ധിച്ച് പ്രകൃതി രക്ഷാ സുപോഷണ വേദി സംഘടിപ്പിച്ച ഹരിതം 2026 - കുറ്റൂർ ഗ്രാമ പഞ്ചായത്തിലെ ഹരിത കർമ്മ സേനാംഗങ്ങളെ ആദരിക്കൽ പരിപാടി തിരുവല്ല കുറ്റൂർ പഞ്ചായത്ത്‌ കമ്യൂണിറ്റി സെന്ററിൽ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ജലം, വൃക്ഷം, മാലിന്യനിർമാർജനം എന്നത് സംരക്ഷിക്കുന്ന തിൽ നാം പൗരധർമ്മം പാലിക്കണമെന്നും വരും തലമുറയ്ക്ക് പ്ര കൃതിയെ നന്നായി സംരക്ഷിച്ച് കൈമാറലാണ് യഥാർത്ഥ സമ്പാദ്യമെന്നും അദ്ദേഹം കൂട്ടിച്ചേർത്തു.