മിന്നിത്താലയുടെ പേര് ചോമ്പാലയിൽ മിന്നിത്തിളങ്ങണം :.ഡോ .കെ കെ എൻ കുറുപ്പ് (മുൻ വൈസ് ചാൻസലർ ,കാലിക്കറ്റ് യൂണിവേഴ്സിറ്റി )

കൊച്ചി :ഒരുഗ്രാമത്തിൻ്റെ സാമൂഹിക സാംസ്കാരിക മാറ്റത്തിൻ്റെ വടക്കൻ പാട്ട് ശൈലിയിലുള്ള ഈ രചന ചരിത്രത്തിൻ്റെ അത്യപൂർവ്വമായ ഒരുരേഖയായി വേണം കരുതാൻ .

കവി സി .സി. മാടാക്കരയുടെ കാവ്യചിത്രമായ മിന്നിത്താല അതിസുന്ദരിയും സാമ്പത്തികശേഷിയും വസ്തുവാഹകളും വേണ്ടത്രയുള്ളവളാണെന്നു വ്യക്തം .അവളുടെ അമ്മൂമ്മ അവൾക്ക് നൽകിയ സാരോപദേശം അണുയിട വ്യതിചലിക്കാതെ അവൾ നടപ്പിലാക്കി .അവൾക്ക് വേണമെങ്കിൽ നടപ്പിലാക്കാതെയുമിരിക്കാ മായിരുന്നു .

ആവിക്കര ക്ഷേത്രത്തിലെ കോമരത്തിൻ്റെ മൊഴി മിന്നിത്താല ദൈവവ

ചനമായി സ്വീകരിച്ചത് ചോമ്പാലയിലെ ഭക്തജനങ്ങൾക്ക്‌ വലിയ അനുഗ്രഹമായി .ഓലമേഞ്ഞ അമ്പലം ഓട് പാകിയതാക്കാൻ മിന്നിത്താല  മുന്നിട്ടിറങ്ങി .

പണ്ടുകാലങ്ങളിൽ ക്ഷേത്രങ്ങളിൽ ഇത്തരം സാമ്പത്തികശേഷിയുള്ളവർ ദീപക്കാഴ്ച്ചകളും കുളങ്ങളും കിണറുകളുമെല്ലാം ഒരുക്കിയിരുന്നു ,അക്കാല ങ്ങളിൽ അയിത്തസമൂഹത്തിന് പ്രത്യേകം കുളങ്ങൾ ഇല്ലായിരുന്നു. 

 ചോമ്പാലയുടെ ഭാവി ചരിത്രകാരന്മാർ മിന്നിത്താലയുടെ പേര് രേഖപ്പെടു ത്തേണ്ടതാണ് .

മിന്നിത്താല കുളം കുഴിപ്പിച്ച ചോമ്പാലയിലെ സ്ഥലത്തിന് മിന്നിത്താല

നഗർ എന്ന് പേരിട്ടാലും തെറ്റാവില്ല .അതുപോലെ ആവിക്കരക്ഷേത്രത്തിലെ ഏതെങ്കിലും കെട്ടിടത്തിന് 'മിന്നിത്താല ഹാൾ ' എന്ന് പേരുനൽകി ആ മഹിളാ രത്നത്തെ അടുത്തതലമുറയ്ക്ക് പരിചയപ്പെടുത്തുകയുമാവാം .ചോമ്പാലയിലെ എഴുത്തുകാരനും പ്രാദേശിക ചരിത്രാന്വേഷിയുമായ ദിവാകരൻ ചോമ്പാലയുടെ ഈ കണ്ടെത്തൽ തികച്ചും അനുമോദനമർ ഹിക്കുന്നു . 

ചിത്രം :പ്രതീകാത്മകം