രമേശ് ചെന്നിത്തലയ്ക്ക് ജന്മദിനാശംസകൾ നേർന്ന് ഗോകുലം ഗോപാലൻ; ദീർഘകാല രാഷ്ട്രീയ അനുഭവ സമ്പത്ത് നാടിന് കരുത്താകുമെന്ന് പ്രസ്താവന

ജനങ്ങളുടെ വിശ്വാസവും സംസ്ഥാനത്തിന്റെ സുരക്ഷയും ഒരുപോലെ കാത്തുസൂക്ഷിച്ചുകൊണ്ട് മുൻപ് ആഭ്യന്തര മന്ത്രിയെന്ന നിലയിൽ മികച്ച ഭരണപാടവം കാഴ്ചവെച്ച നേതാവാണ് രമേശ് ചെന്നിത്തലയെന്ന് ഗോകുലം ഗോപാലൻ വ്യക്തമാക്കി .

അദ്ദേഹത്തിന്റെ ദീർഘകാല രാഷ്ട്രീയ അനുഭവവും ജനങ്ങളോടുള്ള ആത്മാർത്ഥ പ്രതിബദ്ധതയും വരുംദിനങ്ങളിലും കേരളത്തിന് വലിയ കരുത്തായി മാറുമെന്നും അദ്ദേഹം പ്രസ്താവനയിൽ കൂട്ടിച്ചേർത്തു.

കേരളത്തിന്റെ നന്മയ്ക്കും പുരോഗതിക്കും വേണ്ടി രമേശ് ചെന്നിത്തല മുന്നോട്ട് വെക്കുന്ന ഓരോ തീരുമാനങ്ങൾക്കും നിലപാടുകൾക്കും ഹൃദയം നിറഞ്ഞ ആശംസകൾ നേരുന്നതായും, പൊതുരംഗത്തെ പുതിയ ഉത്തരവാദിത്വങ്ങളുടെ വഴികളിൽ കൂടുതൽ കരുത്തും വിജയവും കൈവരിക്കാൻ അദ്ദേഹത്തിന് സാധിക്കട്ടെ എന്നും ഗോകുലം ഗോപാലൻ ആശംസിച്ചു.