വടകര ടൗൺഹാളിലെ ഫാനുകൾ കട്ടപ്പുറത്ത്; അടിയന്തിര ഇടപെടൽ വേണമെന്ന് വടകര നഗരസഭ മുൻ വൈസ് ചെയർമാൻ ടി .ശ്രീനിവാസൻ

വ്യവസ്ഥാപിത രീതിയിലുള്ള ടെൻഡർ നടപടികൾക്കായി കാത്തുനിൽ ക്കാതെ പ്രാദേശികമായി ലഭ്യമായ ഇലക്ട്രീഷ്യന്മാരെ ഉപയോഗപ്പെടു ത്തി അറ്റകുറ്റപ്പണികൾ വേഗത്തിലാക്കണമെന്നാണ് പ്രധാന നിർദ്ദേശം. തകരാറായ ഫാനുകൾ അഴിച്ചെടുത്ത് നന്നാക്കുകയും, അല്ലാത്തവ മാറ്റി പുതിയവ സ്ഥാപിക്കുകയും ചെയ്യുന്നത് ലളിതമായ രീതിയിൽ ചെയ്യാവു ന്ന കാര്യമാണ്. റെഡ് ടേപ്പിസത്തിൽ കുടുങ്ങാതെ ജനകീയമായ രീതിയിൽ വികസന മാതൃകകൾ നടപ്പിലാക്കണമെന്നും അദ്ദേഹം ആവശ്യപ്പെട്ടു.

നഗരസഭയുടെ മുൻകാല പ്രവർത്തന മാതൃകകൾ ചൂണ്ടിക്കാട്ടിക്കൊണ്ടാണ് അദ്ദേഹം കത്തയച്ചിരിക്കുന്നത്. കെ. ശങ്കരക്കുറുപ്പ് ചെയർമാനായ കാലയളവിൽ, വർഷങ്ങളായി ചുവപ്പുനാടയിൽ കുടുങ്ങിക്കിടന്ന കുഞ്ഞിരാമൻ വക്കീൽ പാലം നഗരസഭ നേരിട്ട് ഏറ്റെടുത്ത് ചുരുങ്ങിയ കാലയളവിൽ പൂർത്തിയാക്കി ഉദ്ഘാടനം ചെയ്തത് കത്തിൽ ശ്രീനിവാസൻ സ്‌മരിച്ചു .

ഇത്തരം ജനകീയ മാതൃകകൾ മുൻനിർത്തി, അനാവശ്യമായ കാലതാമസം ഒഴിവാക്കി ടൗൺഹാളിലെ പ്രശ്നങ്ങൾക്ക് പരിഹാരം കാണണമെന്നും ടി .ശ്രീനിവാസൻ ആവശ്യപ്പെട്ടു.