ചുവപ്പുനാടകളില്ലാത്ത ആർത്തവം: മാറ്റത്തിന്റെ മനോഹര ദൃശ്യങ്ങൾ:ദിവാകരൻ ചോമ്പാല

തറവാട്ടിലെ കട്ടിലും 'തൊട്ടുകളിയും'

എന്റെ ഓർമ്മയിൽ മറ്റൊരു ചിത്രം കൂടിയുണ്ട്. ഏകദേശം 75 വർഷങ്ങൾ ക്കപ്പുറം ഞങ്ങളുടെ തറവാട്ടുവീട്ടിൽ ആർത്തവസമയങ്ങളിൽ സ്ത്രീകൾ കിടപ്പുമുറി മാറ്റുമായിരുന്നു.

എന്റെ അച്ഛന്റെ സഹോദരി മുകളിലെ മുറിയിലേയ്ക്ക് കയറുന്ന ഗോവണിയുടെ ചുവട്ടിൽ ഇത്തരം ആവശ്യങ്ങൾക്കായി മാത്രമിട്ട ഒരു കട്ടിലിലായിരുന്നു ആ ദിവസങ്ങളിൽ കിടക്കുക.

ആ ദിവസങ്ങളിൽ അവർ ഞങ്ങളാരെയും തൊടില്ല; ആഹാരം കഴിക്കുന്ന പാത്രം പോലും വേറെയായിരുന്നു.കുട്ടികളായ ഞങ്ങൾക്കിതൊരു മായക്കാഴ്ച്ചയായിരുന്നു .

എന്നാൽ അന്ന് ഒരു ചെറിയ കുസൃതിയിലൂടെ ഞാൻ ഈ ആചാരത്തെ മറികടക്കാൻ ശ്രമിച്ചിരുന്നു. ഈ സമയങ്ങളിൽ ഞാൻ പോയി അവരെ തൊടും!

 തീർന്നില്ല, ആ കൈകൊണ്ട് അടുക്കളയിൽ ചെന്ന് കണ്ടവരെയെല്ലാം വെറുതെ തൊട്ട് തലോടി ഓടിക്കളയുമായിരുന്നു.

 എന്റെ അച്ഛൻറെ അമ്മ വിറകുംകൊള്ളിയെടുത്ത് എന്റെ പിന്നാലെ പായും .പറമ്പ്നിറയെ ഓടിത്തളർന്നാവും അവർ തിരിച്ചുപോവുക.

ആസമയങ്ങളിൽ ഞാൻ ഏതെങ്കിലും മരക്കൊമ്പിൽ കയറി ഇലയനക്ക മില്ലാത്ത ഇരിക്കുന്നുണ്ടാവും .

'തീണ്ടാരി' യുള്ള ആളിനെതൊട്ട കൈവിരൽ കൊണ്ട് ഞാൻ സ്പർശിച്ച മറ്റ് ചിലർ ഉടനെ കുളിമുറിയിൽ കയറി കുളിച്ചു ശുദ്ധമായിട്ടേ അടുക്കളയി ൽ കയറിയിരുന്നുള്ളൂ .

കുട്ടിക്കാലത്തെ ആ തമാശകൾക്ക് പിന്നിൽ ആചാരങ്ങൾക്കിടയിലും മനുഷ്യത്വത്തെ മുറുകെപ്പിടിച്ച ചില വലിയ മനുഷ്യരുടെ സാന്നിധ്യ മുണ്ടായിരുന്നു.

എന്റെ അച്ഛന്റ്റെ അച്ഛൻ ഇതിനോടോന്നും വലിയ യോജിപ്പുള്ള ആളായിരുന്നില്ല.അച്ഛനും ഏറെക്കുറെ അങ്ങിനെത്തന്നെ .

എന്റെ കുട്ടിക്കാലങ്ങളിൽ പ്രദേശത്തെ പെൺകുട്ടികൾ ഋതുമതികളാ യെങ്കിൽ അവളെയുംകൊണ്ട് റെയിലിനടുത്തുള്ള വിശാലമായ ചെറിയാ ണ്ടിത്തോട്ടിലെത്തും .

ഒരുകൂട്ടം സ്ത്രീകൾക്കൊപ്പം ജാഥയായി .തലയിൽ ചുരുട്ടിപ്പിടിച്ച പായയുംകൊണ്ടാവും പെൺകുട്ടി നടക്കുക.

കൂറെ പഠിക്കുന്ന കുട്ടികളെ കണ്ടാൽ അവളുടെ നാണിച്ച മുഖത്തിൻറെ നാട്ടുചന്തമൊന്നുവേറേ .ഇതെന്താണെന്നോ എന്തിനെന്നോ ഒന്നുമറിയാത്ത കൊച്ചുപിള്ളേരായ ഞങ്ങൾക്കിതൊരു തമാശ ...പൊട്ടൻ പൂരംകാണാൻപോയപോലെ നോക്കിനിൽക്കും ...

മടപ്പള്ളിക്കുന്നിൽ കോളേജ് ന്നതോടെ വിദ്യാഭ്യാസത്തിന് അവസരം കൂടി.

ഇവിടെ മാറ്റലും മന്ത്രവാദവും പ്രേതംകൂടലും വരവിൽ കുടുങ്ങ ലും കുറഞ്ഞു .പ്രേതങ്ങളും ബ്രഹ്മരക്ഷസ്സുമെല്ലാം പുതിയമേച്ചിൽപുറം തേടി യാത്രയായി.ചരട് മന്ത്രിച്ച് കെട്ടുന്നവരുടെ എണ്ണവും കുറഞ്ഞു .

മാറ്റത്തിന്റെ അടയാളങ്ങൾ

തുറന്നുപറയുന്ന കരുത്ത്: "എനിക്ക് ഇന്ന് വരാൻ കഴിയില്ല, മെൻസസ് ആണ്" എന്ന് യാതൊരു മടിയും കൂടാതെ പറയാൻ നമ്മുടെ പെൺകുട്ടികൾ ഇന്ന് പഠിച്ചു കഴിഞ്ഞു.

ഒളിഞ്ഞും പതുങ്ങിയും വേണ്ട: സാനിറ്ററി നാപ്കിനുകൾ വാങ്ങാൻ ഇന്ന് പഴയതുപോലെ കറുത്ത കവറിന്റെയോ നാണത്തിന്റെയോ മറ ആവശ്യമില്ല. അത് തന്റെ ശാരീരിക ആവശ്യമാണെന്ന ബോധ്യം അവർക്കുണ്ട്.

 പഴയകാലത്ത് മാറ്റിനിർത്തലുകളുടെയും വിലക്കുകളുടെയും സമയമായിരുന്നു ഇതെങ്കിൽ, ഇന്ന് ദേവ്നയുടെ വീഡിയോയിൽ കണ്ടതുപോലെ കുടുംബം മുഴുവൻ ഒത്തുചേർന്ന് ആ മാറ്റത്തെ സന്തോഷത്തോടെ വരവേൽക്കുന്നു.ആഘോഷനിലവിലുള്ള അനുകരണീയമായ വളർച്ച.

ക്ഷേത്രപ്രവേശനം പോലുള്ള കാര്യങ്ങളിൽ ഇന്നും നിലനിൽക്കുന്ന വിലക്കുകളെ നാം ഗൗരവമായി ചിന്തിക്കേണ്ടതുണ്ട്. ദൈവത്തിന്റെ സന്നിധിയിൽ എല്ലാവരും തുല്യരാണെങ്കിൽ, പ്രകൃതിദത്തമായ ഒരു ശാരീരിക പ്രക്രിയ എങ്ങനെയാണ് അശുദ്ധമാകുന്നത്? അമ്മിണിക്കുട്ടിക്ക് അന്ന് നഷ്ടപ്പെട്ട ആ ഗുരുവായൂർ യാത്ര ഇനിയൊരു പെൺകുട്ടിക്കും ഉണ്ടാകരുത്.ഇനി മാറേണ്ടത് അതല്ലേ ?

പഴമയെ നാം ബഹുമാനിക്കണം, പക്ഷേ അത് പുരോഗതിക്ക് തടസ്സമാകുന്ന രീതിയിലാകരുത്.

ദേവ്നയെയും അവളുടെ കുടുംബത്തെയും പോലെ ആർത്തവത്തെ ഒരു സ്വാഭാവിക മാറ്റമായി കാണാൻ എല്ലാവർക്കും സാധിക്കട്ടെ. ഈ മാറ്റം നമുക്ക് നൽകുന്നത് വലിയൊരു പ്രതീക്ഷയാണ് — ഒരു സ്വതന്ത്ര ചിന്താഗതിയുള്ള തലമുറയുടെ വളർച്ച.മാറ്റം പ്രകൃതിയുടെ നിയമമാണ് .

ആർത്തവവും പുരാണ കഥാപാത്രങ്ങളും

പുരാണകാലത്ത് ആർത്തവത്തെ വിശ്രമത്തിനുള്ള ഒരു കാലയളവായാ ണ് കണ്ടിരുന്നത്.

കഠിനമായ വീട്ടുജോലികളിൽ നിന്നും പൂജകളിൽ നിന്നും സ്ത്രീകൾക്ക് വിട്ടുനിൽക്കാൻ ഇത് അവസരം നൽകിയിരുന്നു.

എന്നാൽ കാലക്രമേണ ഇത് പല തെറ്റായ വിശ്വാസങ്ങൾക്കും മാറ്റിനിർത്തലുകൾക്കും കാരണമായി മാറി എന്നുവേണം കരുതാൻ .

പുരാണങ്ങളിൽ ആർത്തവം പലപ്പോഴും ഒരു ശുദ്ധീകരണ പ്രക്രിയയായും ചില ശാപങ്ങളുടെ ഭാഗമായുമാണ് ചിത്രീകരിക്കപ്പെട്ടി രിക്കുന്നത്.

മഹാഭാരതത്തിലെ വസ്ത്രാക്ഷേപ വേളയിൽ ദ്രൗപതി 'ഏകവസ്ത്ര 'യായും 'രജസ്വല'യുമായിരുന്നു എന്ന് പരാമർശമുണ്ട്.

അതായത്, ആ സമയത്ത് ദ്രൗപതി ആർത്തവത്തിലായിരുന്നു. ആർത്തവകാലത്ത് സ്ത്രീകൾ കുടുംബത്തിൽ നിന്ന് മാറി നിൽക്കണമെന്ന അന്നത്തെ ആചാരപ്രകാരമാണ് ദ്രൗപതി ഒറ്റമുണ്ട് ധരിച്ച് മാറി ഇരുന്നിരുന്നത്. ദുശ്ശാസനൻ ദ്രൗപതിയെ സഭയിലേക്ക് വലിച്ചിഴച്ചു കൊണ്ടുവന്നത് ആർത്തവകാലത്തെ അവശതകൾ പോലും കണക്കിലെടുക്കാതെയായിരുന്നു എന്നത് ആ കൃത്യത്തിന്റെ ക്രൂരത വർദ്ധിപ്പിക്കുന്നു.

https://www.youtube.com/watch?v=ucTrJXev6ck

ലിങ്കിൽക്ളിക്ക് ചെയ്ത്വീഡിയോ കണ്ടാലും 

പഴമയെ നാം ബഹുമാനിക്കണം, പക്ഷേ അത് പുരോഗതിക്ക് തടസ്സമാകുന്ന രീതിയിലാകരുത്. ദേവ്നയെയും അവളുടെ കുടുംബത്തെയും പോലെ ആർത്തവത്തെ ഒരു സ്വാഭാവിക മാറ്റമായി കാണാൻ എല്ലാവർക്കും സാധിക്കട്ടെ. ഈ മാറ്റം നമുക്ക് നൽകുന്നത് വലിയൊരു പ്രതീക്ഷയാണ് — ഒരു സ്വതന്ത്ര ചിന്താഗതിയുള്ള തലമുറയുടെ വളർച്ച.മാറ്റം പ്രകൃതിയുടെ നിയമമാണ് .

ലോറലിൽ എല്ലാം കിട്ടും

കല്യാണ തിരക്കിൽ ആശ്വാസത്തോടെ ഇരിക്കാം.

കല്യാണം ലോറലിൽ ആണെങ്കിൽ എല്ലാം ഒരു കുടക്കീഴിൽ കിട്ടും.

#laurelgarden #weddingvenue #laurelgardenkerala #sarvammaaya #eventmanagement