അടുക്കളയിലെ നിശബ്ദ കൊലയാളിയും മുറ്റത്തെ ഹരിതാമൃതവും ; പരിസ്ഥിതി ദിനത്തിൽ നമുക്കൊരു മടക്കയാത്ര! :ദിവാകരൻ ചോമ്പാല

നമ്മുടെ അടുക്കള എത്രത്തോളം സുരക്ഷിതമാണ്? തിളങ്ങുന്ന പാത്രങ്ങളും ആധുനിക സജ്ജീകരണങ്ങളും കണ്ട് നാം ആശ്വസിക്കുമ്പോൾ, അവിടെ ഒരു 'നിശബ്ദ കൊലയാളി' ഒളിഞ്ഞിരിപ്പുണ്ടെന്ന യാഥാർത്ഥ്യം നാം തിരിച്ചറി യുന്നില്ല. ആധുനികതയുടെ പേരിൽ നാം സ്വീകരിച്ച പ്ലാസ്റ്റിക് സ്പോഞ്ചുക ളും കെമിക്കൽ ലിക്വിഡുകളും നമ്മുടെ ആരോഗ്യത്തെ കാർന്നുതിന്നുകൊ ണ്ടിരിക്കുകയാണ്. വരാനിരിക്കുന്ന പരിസ്ഥിതി ദിനം ഈ വിഷപ്പതകളിൽ നിന്നുള്ള മോചനത്തിനുള്ള ആഹ്വാനമാകട്ടെ.

അടുക്കളയിലെ ചതിക്കുഴികൾ: സ്പോഞ്ചുകൾ സൂക്ഷിച്ചില്ലെങ്കിൽ പണി കിട്ടും!

അടുക്കളയിലെ ഏറ്റവും മലിനമായ വസ്തു നമ്മൾ വൃത്തിയാക്കാൻ ഉപയോഗിക്കുന്ന സിന്തറ്റിക് സ്പോഞ്ചുകളാണെന്ന് പഠനങ്ങൾ തെളിയിക്കുന്നു.

സ്പോഞ്ചിലെ സൂക്ഷ്മ സുഷിരങ്ങളിൽ ഈർപ്പവും ഭക്ഷണാവശിഷ്ടങ്ങളും തങ്ങിനിൽക്കുന്നത് സാൽമൊണല്ല, ഇ-കോളി തുടങ്ങിയ മാരക ബാക്ടീരിയകളുടെ പ്രജനനത്തിന് കാരണമാകുന്നു.രോഗാണുക്കളുടെ കേന്ദ്രമായി മാറുന്നു ,

ഒരു പാത്രത്തിലെ ബാക്ടീരിയയെ സ്പോഞ്ച് വഴി നാം മറ്റെല്ലാ പാത്രങ്ങളി ലേക്കും വിഷാംശങ്ങളുടെ പടർച്ചയായി വ്യാപിപ്പിക്കുന്നു.

സിന്തറ്റിക് സ്ക്രബ്ബറുകൾ തേയുമ്പോൾ ഉണ്ടാകുന്ന മൈക്രോ പ്ലാസ്റ്റിക് കണങ്ങൾ പാത്രങ്ങളിൽ പറ്റിപ്പിടിക്കുകയും ഭക്ഷണത്തിനൊപ്പം നമ്മുടെ ഉള്ളിലെത്തുകയും മൈക്രോ പ്ലാസ്റ്റിക് ഭീഷണിക്ക് സാധ്യതയേറുകയും ചെയ്യുന്നു.

പഴമയുടെ നന്മയും മുത്തശ്ശിമാരുടെ പാഠവും

നമ്മുടെ പൂർവ്വികർക്ക് ലഭിച്ചിരുന്ന ദീർഘായുസ്സിന്റെ രഹസ്യം അവരുടെ അടുക്കളകളിലും തൊടികളിലും ഉണ്ടായിരുന്നു. പാത്രം കഴുകാൻ അവർ ഉപയോഗിച്ചിരുന്ന ചകിരിയും വെണ്ണീറും ചവക്കായുമൊക്കെ പ്രകൃതിയിൽ നിന്ന് ലഭിക്കുന്നതിനെ പ്രകൃതിയിലേക്ക് തന്നെ മടക്കിനൽകുന്ന ശുദ്ധമായ ശൈലിയായിരുന്നു. ആ ജീവിതരീതിയാണ് അവർക്ക് ആരോഗ്യവും പ്രസാദവും നൽകിയത്.

ആ പഴയകാലത്തെ പ്രകൃതിബോധം വീണ്ടെടുക്കേണ്ടത് നമ്മുടെ നിലനിൽപ്പിന്റെ ആവശ്യമാണ്.

ചാരം കലർത്തിത്തെളിഞ്ഞവെള്ളത്തിൽ തുണിയലക്കിയ ഒരുകാലം നമുക്കുണ്ടായിരുന്നു. ഏരിയലും . സർഫ് എക്സലും നിർമ്മയും വീലും ഒന്നുമില്ലാത്ത ഒരു ലോകം .

അടുക്കളയിലെ നിശബ്ദ കൊലയാളികളായ രാസസോപ്പുകളെ പടിക്ക് പുറത്താക്കി, പ്രകൃതിയുടെ സ്വന്തം സോപ്പായ ചവക്കായ യെ നമുക്ക് തിരികെ സ്വീകരിക്കാം. വരുന്ന പരിസ്ഥിതി ദിനം ഒരു 'ഹരിത ശുചിത്വ' വിപ്ലവത്തിന്റെ തുടക്കമാകട്ടെ.

പരിഹാരം നമ്മുടെ തൊടിയിൽ: ചാവക്കായ്, ചീവയ്ക്ക, ഉളുഞ്ചിമരം

രാസവസ്തുക്കൾ നിറഞ്ഞ ഡിറ്റർജന്റുകൾക്ക് പകരമായി പ്രകൃതി നൽകിയ വരദാനമാണ് ചാവക്കായ് (ചവരി). ഇതിലെ 'സാപ്പോണിൻ' എന്ന സംയുക്തം മികച്ച രീതിയിൽ പാത്രങ്ങളിലെ എണ്ണമയം നീക്കം ചെയ്യുന്നു.

ബാക്ടീരിയകളെയും ഫംഗസുകളെയും നശിപ്പിക്കാനുള്ള പ്രകൃതിദത്തമായ ശേഷി ഇതിനുണ്ട്.

രാസസൗപ്പുകളെപ്പോലെ ചർമ്മത്തിന് അലർജിയോ വരൾച്ചയോ ഇവ ഉണ്ടാക്കില്ല.

വീട്ടിലൊരു മരമുണ്ടെങ്കിൽ ലിക്വിഡ് സോപ്പുകൾക്കായി പണം ചിലവഴിക്കേണ്ടി വരില്ല.

പരിസ്ഥിതി ദിനത്തിൽ ഒരു ഹരിത ആഹ്വാനം!

വരുന്ന പരിസ്ഥിതി ദിനത്തിൽ നമുക്ക് ഓരോരുത്തർക്കും ഒരു പ്രതിജ്ഞയെടുക്കാം: "എന്റെ പറമ്പിൽ ഒരു ചവക്കായ് മരം." നഷ്ടപ്പെട്ടുപോയ ചവക്കായ്, ചീവയ്ക്ക, ഉളുഞ്ചിമരം തുടങ്ങിയ മരങ്ങളെ നമ്മുടെ പറമ്പുകളിലേക്ക് തിരികെ കൊണ്ടുവരണം.

നമ്മുടെ വനംവകുപ്പിന്റെ 'വനശ്രീ' പോലുള്ള വിപണന കേന്ദ്രങ്ങൾ വഴി ഇത്തരം ഔഷധസസ്യങ്ങളുടെ തൈകൾ സൗജന്യമായി വിതരണം ചെയ്യാൻ സർക്കാർ മുൻകൈ എടുക്കണം. ഓരോ വീടിന്റെയും ഉമ്മറത്ത് ഈ ചെടികൾ പച്ചപിടിച്ചു വളരുമ്പോൾ അത് നമ്മുടെ നാടിന്റെ രോഗപ്രതി രോധശേഷി കൂടിയാണ് വർദ്ധിപ്പിക്കുന്നത്.

നമുക്ക് ഇന്ന് തന്നെ തുടങ്ങാം:

പ്ലാസ്റ്റിക് ഒഴിവാക്കാം: സിന്തറ്റിക് സ്പോഞ്ചുകൾക്ക് പകരം ചകിരി നാരുകൾ ഉപയോഗിച്ചു തുടങ്ങുക.