മാനവികതയുടെ മഹാസംഗമം: ശ്രീ ശ്രീ രവിശങ്കർജിയുടെ സപ്തതിയും ആർട്ട് ഓഫ് ലിവിംഗ് വാർഷികവും

കോഴിക്കോട്: ആത്മീയതയെ സേവനമായും സ്നേഹത്തെ ലോകഭാഷ യായും മാറ്റിയ ആർട്ട് ഓഫ് ലിവിംഗ് സ്ഥാപകൻ ഗുരുദേവ്  ശ്രീശ്രീരവിശങ്കർജിയുടെ എഴുപതാം ജന്മദിനവും ആർട്ട് ഓഫ് ലിവിംഗി ന്റെ 45-ാം വാർഷികവും കോഴിക്കോട് തളി ജ്ഞാനക്ഷേത്രത്തിൽ വിപുലമായ പരിപാടികളോടെ ആഘോഷിച്ചു.

ജില്ലാതലത്തിൽ സംഘടിപ്പിച്ച ഈ കുടുംബ സംഗമം മേയർ ഒ. സദാശിവൻ ഉദ്ഘാടനം ചെയ്തു .

ചടങ്ങിൽ വിവിധ മേഖലകളിൽ മികവ് തെളിയിച്ചവർക്ക് 'അൺസങ് ഹീറോസ്' അവാർഡു കൾ നൽകി ആദരിച്ചു.

ബിസിനസ് രംഗത്തെ പ്രമുഖ വ്യക്തിത്വം കെ.എം. രാജീവൻ, കായിക മേഖലയിലെ

പ്രതിഭ വി.എം. ശ്രീജിത്ത്, യുവജന-സംഗീത മേഖലയിലെ സൂര്യ ഗായത്രി എന്നിവരാണ് ഗുരുദേവന്റെ പേരിലുള്ള പുരസ്കാരങ്ങൾ ഏറ്റുവാങ്ങിയത്.

കേരള സ്റ്റേറ്റ് ടീച്ചേഴ്സ് കോർഡിനേറ്റർ സുധീർ അരവിന്ദ് ചടങ്ങിൽ അധ്യക്ഷത വഹിച്ചു. കൗൺസിലർ സാറ ജാഫർ, കേരള അപെക്സ് ബോഡി അംഗം അബ്ദുറഹിമാൻ, ആർട് ഓഫ് ലിവിംഗ് സീനിയർ അദ്ധ്യാപകനും കർമ്മയോഗ സ്റ്റേറ്റ് കോർഡിനേറ്ററുമായ രതീഷ് നിലാതിയിൽ , ജില്ലാ പ്രസിഡന്റ് എ. രജിത്ത്, സെക്രട്ടറി എൻ.പി. രമണൻ എന്നിവർ ആശംസകൾ അർപ്പിച്ചു സംസാരിച്ചു. ആർട്ട് ഓഫ് ലിവിംഗ് സീനിയർ അധ്യാപകൻ മോഹൻദാസ് ചടങ്ങിൽ പങ്കെടുത്തവർക്കായി ധ്യാനപരിശീലനം നൽകി. മാലിനി ബായി, വി.എം. ഷിജിത്ത് തുടങ്ങിയവരും ചടങ്ങിന് സാന്നിധ്യമരുളി.

സ്നേഹത്തിന്റെ ആഗോള സന്ദേശം

ലോകം സംഘർഷങ്ങളിലൂടെയും അസ്വസ്ഥതകളിലൂടെയും കടന്നുപോകുമ്പോൾ, 'ഒരു ലോകം ഒരു കുടുംബം' (വസുധൈവ കുടുംബകം) എന്ന മന്ത്രവുമായി മാനവികതയ്ക്ക് വഴികാട്ടിയാകുന്ന വിശ്വഗുരുവാണ് ഗുരുദേവ് ശ്രീശ്രീരവിശങ്കർജി.

വെറുമൊരു ശ്വസനപ്രക്രിയ എന്നതിലുപരി, മനസ്സിനെ ശുദ്ധീകരിക്കാനും പിരിമുറുക്കങ്ങളിൽ നിന്ന് മോചിപ്പിക്കാനും അദ്ദേഹം പഠിപ്പിച്ച 'സുദർശന ക്രിയ' ഇന്ന് കോടിക്കണക്കിന് ആളുകളുടെ ജീവിതത്തിൽ വെളിച്ചം പടർത്തുന്നു.

ആത്മീയത എന്നത് ഹിമാലയ സാനുക്കളിൽ ഒളിച്ചിരിക്കാനുള്ളതല്ല, മറിച്ച് സമൂഹത്തിന്റെ കണ്ണുനീർ ഒപ്പാനുള്ളതാണെന്ന് അദ്ദേഹം പ്രവൃത്തിയിലൂടെ കാണിച്ചുതന്നു. നദീപുനരുജ്ജീവനം, ഗ്രാമീണ വിദ്യാഭ്യാസം, സമാധാന ദൗത്യങ്ങൾ എന്നിങ്ങനെ ആർട്ട് ഓഫ് ലിവിംഗ് നടത്തുന്ന പ്രവർത്തനങ്ങൾ ലോകത്തിന് മാതൃകയാണ്.

മുഖത്തെ പുഞ്ചിരിയാണ് ഒരാളുടെ ഏറ്റവും വലിയ സമ്പാദ്യമെന്ന് വിശ്വസിക്കുന്ന അദ്ദേഹം, സേവനത്തിലൂടെ ലഭിക്കുന്ന ആനന്ദമാണ് ജീവിതത്തിന്റെ യഥാർത്ഥ സംതൃപ്തിയെന്ന് നമ്മെ ഓർമ്മിപ്പിക്കുന്നു. തളി ജ്ഞാനക്ഷേത്രത്തിൽ നടന്ന ഈ മഹാ സംഗമം ആ സ്നേഹസന്ദേശം കേരളത്തിന്റെ മണ്ണിൽ കൂടുതൽ കരുത്തോടെ പടരുന്നതിന്റെ സാക്ഷ്യപത്രമായി മാറി.

സ്നേഹം എന്നത് പ്രകടിപ്പിക്കേണ്ട ഒന്നല്ല, മറിച്ച് ജീവിക്കേണ്ട ഒന്നാണ്." - ഗുരുദേവ്  ശ്രീ ശ്രീ രവിശങ്കർ