വെടിക്കെട്ടപകടങ്ങൾ തുടർക്കഥയാവുമ്പോൾ വെടിക്കെട്ടപകടങ്ങൾ ഒഴിവാക്കാൻ സർക്കാരുകൾ കർശന നടപടി സ്വീകരിക്കണമെന്ന് ആവശ്യപ്പെട്ട് സായാഹ്ന ധർണ്ണ നടത്തി.

മുണ്ടത്തിക്കോടും തമിഴ്‌നാട്ടിലെ വിരുദുനഗറിലും സമീപ ദിവസങ്ങളിൽ നടന്ന വെടിക്കെട്ട് അപകടങ്ങളുടെ പശ്ചാത്തലത്തിൽ, അത്തരം വെടിക്കെട്ട് / കമ്പക്കെട്ട് കൂട്ടക്കൊലകൾ തടയാൻ നടപടി സ്വീകരിക്കണമെന്ന് ആവശ്യപ്പെട്ടു കൊണ്ട് 'തിരുവനന്തപുരം യുക്തിവാദിസംഘ' ത്തിൻ്റേയും 'ജനാധിപത്യ വേദി'യുടേയും 'നാസ്തിക് നേഷ' ൻ്റേയും സംയുക്താഭിമുഖ്യത്തിൽ തിരുവനന്തപുരത്ത് സെക്രട്ടേറിയറ്റ് നടയിൽ നടന്ന സായാഹ്ന ധർണ്ണയിൽ മുഖ്യപ്രഭാഷണം നടത്തുകയായിരുന്നു ഡോ. താര.

സർക്കാർ ആഭിമുഖ്യത്തിൽ നടത്തുന്ന ആഘോഷങ്ങളിൽ പോലും സുരക്ഷാ മാനദണ്ഡങ്ങൾ പാലിക്കാതെ നടത്തിയിട്ടുള്ള വെടിക്കെട്ടുകൾ ദുരന്തങ്ങൾക്കു വഴി വച്ചിട്ടുണ്ടെന്ന് തുടർന്നു സംസാരിച്ച പ്രസിദ്ധ പരിസ്ഥിതി ശാസ്ത്രജ്ഞനായ പി.കെ. ഉത്തമൻ ഉദാഹരണങ്ങൾ വച്ചു കൊണ്ട് ചൂണ്ടിക്കാട്ടി. ശാസ്ത്ര ബോധവും മനുഷ്യത്വവുമുള്ള ബഹുജനങ്ങൾ ഉത്സവങ്ങളുടേയും ആഘോഷങ്ങളുടേയും പേരിൽ നടക്കുന്ന, സമൂഹ വിരുദ്ധമായ ആന എഴുന്നെള്ളത്തിനും കമ്പക്കെട്ടുകൾക്കുമെതിരെ രംഗത്തു വരണമെന്ന് അദ്ദേഹം പറഞ്ഞു.

തിരുവനന്തപുരം ജനാധിപത്യവേദി കൺവീനർ പി.കെ. വേണുഗോപാലൻ ധർണ്ണക്ക് അദ്ധ്യക്ഷത വഹിച്ചു. ഇപി അനിൽ സ്വാഗതം ആശംസിച്ചു. 

പി. സുശീലൻ, ടി.എസ്.പ്രദീപ്, 

ഡോ. പ്രസാദ്, ബി.നാഗപ്പൻ, വെള്ളനാട് രാമചന്ദ്രൻ, നാഗേഷ്ചാർവാകം, മുണ്ടേല ബഷീർ, പ്രതീഷ് ബി,

എൻ.കെ. ഇസ്ഹാക്ക് തുടങ്ങിയവർ സംസാരിച്ചു. എം.സത്യദാസ് കൃതജ്ഞത രേഖപ്പെടുത്തി. 

ടി. എസ്. പ്രദീപ്

പ്രസിഡൻ്റ്

തിരുവനന്തപുരം യുക്തിവാദി സംഘം

തിരുവനന്തപുരം

24/04/2026