ഇ .വി.ശ്രീധരൻ്റെ എഴുത്തുകൾ ഇനിയുമേറെ തലമുറകൾക്ക് വഴികാട്ടിയാകും: മുല്ലപ്പള്ളി രാമചന്ദ്രൻ

ചോമ്പാല :ചോമ്പാലയുടെ മണ്ണിൽ നിന്ന് സാഹിത്യലോകത്തേക്ക് ഉയർന്നെങ്കിലും, ഇ.വി. ശ്രീധരൻ എന്നും ഞങ്ങളുടെ പ്രിയപ്പെട്ട പഴയ ഇ.വി. തന്നെയായിരുന്നു. 

അവനില്ലാത്ത ഒരു വർഷം അവനോടിടപഴകിയ എല്ലാവർക്കുമുള്ളപോലെ എന്റെ ജീവിതത്തിലും വലിയൊരു ശൂന്യതയാണ്.

മഹാത്മാ വായനശാലയിലും കുഞ്ഞിപ്പള്ളി മൈതാനത്തും ഞങ്ങൾ ചിലവഴിച്ച പഴയ സന്ധ്യകൾ ഒരോർമ്മപ്പുസ്തകം പോലെ ഈ ഫോട്ടോ കാണുമ്പോൾ മനസ്സിൽ തുറക്കപ്പെടുന്നു. 

അന്ന് പറഞ്ഞ തീരാത്ത കഥകളിലൊരാളായി അവനും മാറി.

കഥകളിലും മാധ്യമപ്രവർത്തനത്തിലും ഒരേപോലെ സത്യസന്ധത പുലർത്തിയ ഇ.വി., സൗഹൃദത്തിലും കാപട്യമില്ലാത്തവനായി നിലകൊണ്ടു. അവന്റെ എഴുത്തുകൾ ഇനിയുമേറെ തലമുറകൾക്ക് വഴികാട്ടി യാകും.