ചോമ്പാലയുടെ മണ്ണിൽ വിരിഞ്ഞ നീലവസന്തം

പ്രമുഖ ജൈവകർഷകൻ പി.കെ. പ്രകാശന്റെ 'രാമനിലയം ' എന്ന വീടി നോട് ചേർന്ന പറമ്പിലാണ് ഈ അപൂർവ്വ വസന്തം വിരിഞ്ഞു പരിലാളനം പരത്തുന്നത് 

വെറുമൊരു ഭംഗിയുള്ള പൂവ് എന്നതിലുപരി, ഒട്ടേറെ ഔഷധഗുണങ്ങ ളുള്ള സസ്യമാണ് കായാമ്പൂ (കാശാവ്).

അകാലജരാനരകളെ അകറ്റി നിർത്താനും രോഗപ്രതിരോധശേഷി വർദ്ധിപ്പിക്കാനും ഇതിന്റെ ഇലകൾക്ക് കഴിവുണ്ടെന്നും ഇതിന്റെ ഇല കഴിച്ചാൽ ദിവസങ്ങളോളം വിശപ്പറിയില്ലെന്ന പ്രത്യേകതയുമുണ്ടത്രേ .

നേത്രരോഗങ്ങൾ: കണ്ണിന്റെ ആരോഗ്യത്തിന് കായാമ്പൂവിന്റെ ഇലകളും കായകളും അത്യുത്തമമാണെന്നും പ്രകാശൻ സാക്ഷ്യപ്പെടുത്തുന്നു.

കുന്നിടിക്കലും മണ്ണെടുക്കലും മൂലം വംശനാശത്തിന്റെ വക്കിലെത്തിനിൽക്കുന്ന ഈ 'അഞ്ജനമരം' വരുംതലമുറയ്ക്കായി നാം കാത്തുസൂക്ഷിക്കേണ്ട ഒരു അമൂല്യനിധിയാണ്.

ഹരിതകാന്തിയുടെ 'രാമനിലയം'

ചോമ്പാലയുടെ ഗ്രാമീണ തനിമയും കുളിർമ്മയും ഒത്തുചേരുന്ന ഒരിടമാണ് പ്രകാശന്റെ 'രാമനിലയം'. വേലിയോ മതിൽക്കെട്ടോ ഇല്ലാത്ത ആ മുറ്റത്ത് പ്രകൃതി ഒരുക്കിയ കാഴ്ചകൾ ഏറെയാണ്:

സ്റ്റാർ ഫ്രൂട്ട്: പ്രവേശനകവാടത്തിൽ അലങ്കാരവിളക്കുകൾ തൂക്കിയതുപോലെ പഴുത്തുനിൽക്കുന്ന ധാരാളം സ്റ്റാർ ഫ്രൂട്ടുകൾ.

കണിക്കൊന്ന: വേനൽച്ചൂടിലും സ്വർണ്ണമുരുക്കി ഒഴിച്ചതുപോലെ പൂത്തുനിൽക്കുന്ന കണിക്കൊന്നപ്പൂക്കൾ.

അടുക്കളത്തോട്ടം: സ്ഥലപരിമിതിയിലും സമൃദ്ധമായി വളരുന്ന പച്ചക്കറികളും കൈയ്യെത്തുമകലത്തിൽ ചക്കകളുളള കുഞ്ഞുപ്ലാവു കളും.

പ്രകാശൻ: ഹരിതകാന്തിയുടെ കാവലാൾ 

വടകര കേന്ദ്രമായി പ്രവർത്തിക്കുന്ന മഹാത്മാ ദേശസേവാ ട്രസ്റ്റിൻറെ സെക്രട്ടറിയും 'ഹരിതാമൃതം' പരിപാടിയുടെ മുൻനിര പ്രവർത്തകനു മാണ് പി.കെ. പ്രകാശൻ. വടകര ടൗൺ ഹാളിൽ നടക്കുന്ന പ്രദർശനങ്ങളിൽ ഇദ്ദേഹത്തിന്റെ പവലിയൻ എപ്പോഴും ശ്രദ്ധാകേന്ദ്രമാണ്.

വിശല്യകരണി, ഗരുഡപ്പച്ച, ചുരക്കള്ളി, വിഷചികിത്സയിൽ ഉപയോഗിക്കുന്ന ഈശ്വരമൂലി (ഗരുഡക്കൊടി) തുടങ്ങിയ അത്യപൂർവ്വ ഔഷധച്ചെടികളെ സാധാരണക്കാർക്ക് പരിചയപ്പെടുത്തുന്നതിൽ അദ്ദേഹം വലിയ പങ്കുവഹിക്കുന്നു. മണ്ണിനെ സ്നേഹിക്കുന്ന പ്രകാശനെപ്പോലുള്ളവർ ചോമ്പാലയുടെ അഭിമാനമാണ്.

അദ്ദേഹം പ്രതിനിധീകരിക്കുന്ന ഭക്ഷ്യശ്രീ ബഹുജന സംഘടനയുടെ അഭിമാനവും സ്വകാര്യ അഹങ്കാരവുമാണ് പി കെ പ്രകാശനെപ്പോലുള്ള ഇത്തരം കാർഷിക പ്രതിഭകൾ ..