പെരുമ്പളം: ഒരോർമ്മ : ഡോ. ജനപ്രിയ. ആർ.കെ

പെരുമ്പളം ഒരു ഓർമ്മയല്ല, ഒരു ഭാവനയല്ല – അത് കേരളത്തിന്റെ വേമ്പനാട്ടുകായലിന്റെ നീലാകാശത്തിനു കീഴെ പച്ചപ്പ് പടർന്നു കിടക്കുന്ന ഒരു ജീവനുള്ള ദ്വീപ് ഗ്രാമമാണ്. 6 ചതുരശ്ര കിലോമീറ്റർ വിസ്തീർണത്തിൽ 15,000 ആൾക്കാർ വസിക്കുന്ന ഈ സ്ഥലം, സംസ്ഥാനത്തെ ഏക ദ്വീപ് പഞ്ചായത്ത് എന്ന പ്രത്യേകത കൂടി ഉണ്ട് പാണാവള്ളിയിലെ ജെട്ടിയിൽ നിന്ന് ബോട്ടോ ജങ്കാറോ കയറി യാത്ര തിരിയുമ്പോൾ കാണുന്ന കാഴ്ചകൾ വിവരണാതീതമാണ്, – നീല നീരോടുകൾ, തിളങ്ങുന്ന മീനുകൾ, ചെറു പക്ഷികളുടെ കൂട്ടങ്ങൾ, കായലോളങ്ങൾ... ഈ മനോഹാരിതയിൽ ബോട്ട് പോകുമ്പോൾ പിന്നാലെ കാണുന്ന ഈ കാഴ്ചകൾ ഹൃദയത്തിൽ പതിക്കുന്നു 

ദ്വീപിൽ ചെന്നിറങ്ങി കഴിഞ്ഞാൽ , “ദ്വീപ്” എന്ന ചിന്തയെപ്പോലും മറന്ന് ഒരു പൂർണ ഗ്രാമത്തിന്റെ വിശാലതയാണ് തോന്നുക. ആയുർവേദം, സിദ്ധ, ഹോമിയോ, അലോപതി – എല്ലാ ചികിത്സാമാർഗങ്ങളും ഉൾക്കൊള്ളുന്ന ആശുപത്രികൾ; കോ-ഓപ്പറേറ്റീവ് ബാങ്കുകളും പ്രൈവറ്റ് ബാങ്കുകളും; എയിഡഡ്, അൺഎയിഡഡ് സ്കൂളുകൾ; വെറ്റിനറി ഓഫീസ്, കൃഷി ഓഫീസ്, വില്ലേജ് ഓഫീസ്, പഞ്ചായത്ത് ഓഫീസ് എന്നിവയോടെ സ്വയംപര്യാപ്തമായ ഒരു ലോകം “പെരു-മ്പളം” എന്ന പേര് വലിയ ചതുപ്പ് എന്ന അർത്ഥത്തിൽ നിന്ന് ഉരുത്തിരിഞ്ഞതാണെന്ന് പറയപ്പെടുന്നു, അതിന് അനുയോജ്യമായ വിശാലതയും സൗകര്യങ്ങളും ഇവിടെ കാണാം 

എന്നാൽ പെരുമ്പളത്തിന്റെ യഥാർത്ഥ സൗന്ദര്യം അതിന്റെ ജനങ്ങളിലാണ്. വലിയ വ്യവസായങ്ങളില്ലാത്ത ഈ ഗ്രാമത്തിൽ കൃഷി (തെങ്ങ്, നെല്ല്, പച്ചക്കറി, ), മത്സ്യബന്ധനം, കയറുപിരി, കന്നുകാലി വളർത്തൽ, കക്ക വാരൽ എന്നിവയാണ് ഉപജീവനം. ലളിതമായ ജീവിതം .ബോട്ട് യാത്രയിലൂടെ ഒരു ഉദ്യോഗസ്ഥരും ജനങ്ങളും പങ്കുവയ്ക്കുന്ന ആത്മബന്ധം അതിനെ അസാധാരണമാക്കുന്നു.

പ്രകൃതിദുരന്തങ്ങളുടെ പശ്ചാത്തലത്തിൽ പെരുമ്പളം ഒരു മാതൃകയാണ്. 2018-ലെ വെള്ളപ്പൊക്ക കാലത്ത് മറുകരകൾ മുങ്ങുമ്പോഴും, വേമ്പനാട്ടിന്റെയും കൈതപ്പുഴയുടെയും ഉയർന്ന നില കാരണം ദ്വീപ് സുരക്ഷിതമായിരുന്നു – ഒരു ആശ്രയ സ്ഥലം പോലെ. അതുപോലെ കോവിഡ് മഹാമാരി കാലത്തും മാതൃകാപരമായ മാനേജ്മെന്റ്, പ്രത്യേകിച്ച് സിദ്ധ ആയുർവ്വേദ, ഹോമിയോ, അലോപ്പതി വിഭാഗങ്ങളുടെ 'സേവനങ്ങൾ – 2018 മുതൽ 2022 വരെ 6 വർഷം അവിടെ ആയുഷ് പി.എച്ച്.സി സിദ്ധയിലെ മെഡിക്കൽ ഓഫീസറായിരുന്ന എനിക്ക് ഒരിക്കലും മറക്കാനാകാത്ത അനുഭവങ്ങളായിരുന്നു. സിദ്ധയിലെ നിലവേമ്പ് കുടിനീരും കഫജ്വര കുടിനീരും പ്രതിരോധ മാർഗ്ഗങ്ങളായി പെരുമ്പളം ഗ്രാമം ഒന്നടങ്കം സ്വീകരിച്ചു

ഇന്ന്, 100 കോടി ചെലവിൽ 1,157 മീറ്റർ നീളമുള്ള പെരുമ്പളം പാലം (കേരളത്തിലെ ഏറ്റവും നീളമുള്ള കായൽ പാലം) ബോട്ടിനെ മറികടന്ന് കരയുമായി ബന്ധിപ്പിക്കുന്നു. KSRTC ബസ്സുകൾ പോകുന്നു, ടൂറിസം പുതിയ ഉയരങ്ങളിലേക്ക് – ഫാം ടൂറിസം, വാട്ടർ സ്പോർട്സ്, സാംസ്കാരിക പരിപാടികൾ, സ്ത്രീസൗഹൃദ ടൂറിസം എന്നിവയോടെ പെരുമ്പളം ഒരു ഗ്രാമ ടൂറിസം ഹോട്ട്സ്പോട്ടാകുന്നു .പഴയ ഓർമ്മകളും പുതിയ സാധ്യതകളും കൂടിച്ചേർന്ന ഈ ദ്വീപ്, കേരളത്തിന്റെ ഭാവി മാതൃകയാണ്