ശുദ്ധഭക്ഷണം ജന്മാവകാശം; 50 വർഷത്തിനുള്ളിൽ ഈ സന്ദേശം രാജ്യം ഏറ്റെടുക്കും: ഡോ. കെ.കെ.എൻ. കുറുപ്പ്

ചർച്ചകളും രേഖാസമർപ്പണവും തുടർന്ന് നടന്ന ചർച്ചകൾക്ക് ഭക്ഷ്യശ്രീ ഓർഗനൈസർമാരായ ഡോ. കെ.വി. മുഹമ്മദ് കുഞ്ഞി, എ.കെ. വിനോദ (തിരുവനന്തപുരം), എം.ജി. സേവ്യർ (എറണാകുളം), പുഷ്പ കാനാട് (ബാംഗ്ലൂർ), ടി.പി. ഫാത്തിമ ടീച്ചർ (കൊണ്ടോട്ടി) എന്നിവർ നേതൃത്വം നൽകി.

സംഘടനയുടെ ഭാവി പ്രവർത്തനങ്ങൾക്കായുള്ള ഔദ്യോഗിക രേഖകൾ ചടങ്ങിൽ അവതരിപ്പിച്ചു.

സംഘടന രൂപരേഖ ചീഫ് കോർഡിനേറ്റർ ദിവാകരൻ ചോമ്പാലയും, നയരേഖ വൈസ് ചെയർമാൻ പി.പി. ഉണ്ണികൃഷ്ണനും, ഭരണഘടനാ കോർഡിനേറ്റർ അഡ്വ. എ.എൻ. സന്തോഷും അവതരിപ്പിച്ചു.

ഭക്ഷ്യശ്രീ ജനറൽ സെക്രട്ടറി ടി. ശ്രീനിവാസൻ സ്വാഗതവും സംഘാടക സമിതി കൺവീനർ കെ. പ്രകാശൻ നന്ദിയും പറഞ്ഞു.

ജൈവ നെൽകർഷകർക്ക് ആദരം മേളയുടെ രണ്ടാം ദിവസം ഉച്ചയ്ക്ക് നടന്ന ഓപ്പൺ ഫോറത്തിൽ വച്ച് പ്രമുഖ ജൈവ നെൽകർഷകരെ ആദരിച്ചു. കാർഷിക രംഗത്തെ മികച്ച പ്രവർത്തനങ്ങൾ പരിഗണിച്ച് രവീന്ദ്രൻ കോടക്കാട്, ടി.വി. ഉണ്ണികൃഷ്ണൻ മലപ്പട്ടം എന്നിവർക്ക് കെ.എഫ്.ആർ.ഐ റിട്ട. പ്രിൻസിപ്പൽ സയന്റിസ്റ്റ് ഡോ. കെ.വി. മുഹമ്മദ് കുഞ്ഞി പൊന്നാട അണിയിച്ച് ആദരവ് നൽകി.

ഹരിതാമൃതം ജനറൽ കൺവീനർ പുറന്തോടത്ത് ഗംഗാധരൻ അധ്യക്ഷത വഹിച്ച ചടങ്ങിൽ പി.കെ. ബിഥുൻ, ദിവാകരൻ ചോമ്പാല, എം.ജി. സേവ്യർ, പീറ്റേഴ്സ് ഷീല, രമേശൻ വി.പി., പ്രസീത് കുമാർ പി.പി. എന്നിവർ ആശംസകൾ നേർന്നു. പി.കെ. ജയപ്രകാശ് സ്വാഗതവും പി.കെ. കൃഷ്ണൻ നന്ദിയും രേഖപ്പെടുത്തി.