വയനാടിന് സ്വന്തം സർവ്വകലാശാല: ജനകീയ പോരാട്ടത്തിന് കരുത്തുപകർന്ന് ഡോ. കെ.കെ.എൻ. കുറുപ്പും ബിഷപ്പ് ജോസഫ് മാർ തോമസും

പൂർണ്ണ പിന്തുണയുമായി സഭ വയനാട്ടിൽ ഒരു യൂണിവേഴ്സിറ്റി അനിവാര്യമാണെന്ന വിഷയത്തിൽ ഇരുവരും ദീർഘനേരം ചർച്ച നടത്തി. ജില്ലയുടെ പിന്നാക്കാവസ്ഥ പരിഹരിക്കാൻ ഉന്നതവിദ്യാഭ്യാസ മേഖലയിലെ ഇത്തരം ചുവടുവെപ്പുകൾ അത്യാവശ്യമാണെന്ന് ബിഷപ്പ് അഭിപ്രായപ്പെട്ടു. ഈ സദുദ്ദേശപരമായ നീക്കത്തിന് സഭയുടെ പൂർണ്ണ പിന്തുണ വാഗ്ദാനം ചെയ്ത തിരുമേനി, തന്റെ പിന്തുണ അറിയിച്ചുകൊണ്ടുള്ള കുറിപ്പും ഡോ. കുറുപ്പിന് കൈമാറി.

ലക്ഷ്യം വരുംതലമുറയുടെ ഭാവി കാലപ്പറ്റയിൽ നടന്ന പത്രസമ്മേള നത്തിൽ ബിഷപ്പിന്റെ പിന്തുണയെ ഡോ. കെ.കെ.എൻ. കുറുപ്പ് കൃതജ്ഞതാപൂർവ്വം അനുസ്മരിച്ചു. വയനാടിന്റെ മണ്ണിൽ ഒരു സർവ്വകലാശാല എന്നത് തന്റെ വലിയൊരു സ്വപ്നമാണെന്നും, തന്റെ ജീവിതകാലയളവിൽ അത് യാഥാർത്ഥ്യമായില്ലെങ്കിൽ പിൻഗാമികൾ ഈ ദൗത്യം ഏറ്റെടുത്ത് വിജയിപ്പിക്കണമെന്ന വൈകാരികമായ അപേക്ഷയുമാ യാണ് താൻ അരമനയുടെ പടിയിറങ്ങിയതെന്നും അദ്ദേഹം മാധ്യമപ്രവർ ത്തകരോട് പറഞ്ഞു.

പൊതുസമൂഹത്തിന്റെ ആവശ്യം നിലവിൽ ഉന്നതവിദ്യാഭ്യാസത്തിനായി അയൽ ജില്ലകളെയും സംസ്ഥാനങ്ങളെയും ആശ്രയിക്കേണ്ടി വരുന്ന വയനാട്ടിലെ വിദ്യാർത്ഥികൾക്ക് ഈ നീക്കം വലിയ പ്രതീക്ഷയാണ് നൽകുന്നത്. വന്ദ്യവയോധികനായ ഡോ. കുറുപ്പിന്റെ നേതൃത്വത്തിൽ ആരംഭിച്ചിരിക്കുന്ന ഈ പ്രവർത്തനത്തെ വയനാട്ടിലെ പൊതുസമൂഹം ഒന്നടങ്കം ഏറ്റെടുക്കണമെന്ന ആഹ്വാനമാണ് ഉയരുന്നത്. രാഷ്ട്രീയ-സാമൂഹിക-മത ഭേദമന്യേ എല്ലാ വിഭാഗം ജനങ്ങളുടെയും പിന്തുണയോടെ ഈ സ്വപ്നം യാഥാർത്ഥ്യമാക്കാനുള്ള ഒരുക്കത്തിലാണ് പ്രവർത്തകർ.