ആരോഗ്യം പൊതിഞ്ഞ കെട്ടുകളുമായി വടകര; മഹാത്മ ട്രസ്റ്റിന്റെ 'ജൈവ പൊതിച്ചോർ' വിപണിയിലേക്ക്

ഭക്ഷ്യശ്രീ പദ്ധതിയുമായി മഹാത്മ ട്രസ്റ്റ്.

വടകര: വിഷമില്ലാത്ത ഭക്ഷണവും ജൈവകൃഷിയും ജീവിതചര്യയാക്കാൻ വടകര വീണ്ടും മാതൃകയാകുന്നു. മഹാത്മ ദേശസേവ എഡ്യുക്കേഷണൽ & ചാരിറ്റബിൾ ട്രസ്റ്റിന്റെ ആഭിമുഖ്യത്തിൽ, പൂർണ്ണമായും ജൈവരീതിയിൽ തയ്യാറാക്കിയ പൊതിച്ചോറുകൾ വിപണിയിലിറങ്ങുന്നു.

'ശുദ്ധമായ ഭക്ഷണം ജന്മാവകാശമാണ്' എന്ന മുദ്രാവാക്യമുയർത്തി ഡോ. കെ.കെ.എൻ കുറുപ്പിന്റെ നേതൃത്വത്തിൽ ആരംഭിച്ച 'ഭക്ഷ്യശ്രീ' പദ്ധതിയുടെ ഭാഗമായാ ണ് ഈ സംരംഭം.

പ്രത്യേകതകൾ ഏറെ

നാടൻ കർഷകരിൽ നിന്ന് നേരിട്ട് ശേഖരിക്കുന്ന തവിടു കളയാത്ത അരി, ജൈവ പച്ചക്കറികൾ, വീട്ടിൽ പൊടിച്ച ശുദ്ധമായ മഞ്ഞളും മസാലകളും, ചക്കിലാട്ടിയ വെളിച്ചെണ്ണ എന്നിവയാണ് ഈ പൊതിച്ചോറിന്റെ പ്രധാന ചേരുവകൾ. വാഴയിലയിൽ പൊതിഞ്ഞെത്തുന്ന ചോറിനൊപ്പം ചമ്മന്തിയും ഉപ്പേരിയും ഫ്രൈയും അടങ്ങിയ വിഭവസമൃദ്ധമായ വെജിറ്റേറിയൻ ഭക്ഷണമാണ് ലഭ്യമാവുക.

കർഷകർക്കും യുവാക്കൾക്കും താങ്ങായി

ജൈവ കർഷകരുടെ ഉൽപ്പന്നങ്ങൾക്ക് അർഹമായ വില ലഭ്യമാക്കുന്നതി നൊപ്പം പുതിയ തൊഴിൽ അവസരങ്ങൾ സൃഷ്ടിക്കാനും ഈ പദ്ധതി ലക്ഷ്യമിടുന്നു. കേരളത്തിലങ്ങോളമിങ്ങോളമുള്ള കാർഷിക പ്രസ്ഥാന ങ്ങൾക്ക് ഇതൊരു പുതിയ മാതൃകയാകുമെന്ന് ട്രസ്റ്റ് ഭാരവാഹികൾ പ്രത്യാശ പ്രകടിപ്പിച്ചു.

ബുക്കിംഗിന് വിളിക്കുക:

പൊതിച്ചോർ ആവശ്യമുള്ളവർ മുൻകൂട്ടി ബുക്ക് ചെയ്യേണ്ടതാണ്.

കരിമ്പനപ്പാലം: 8848900822, 9539157337

മുനിസിപ്പൽ പാർക്ക്: 9496285660, 9048772129

ഭക്ഷ്യകൃഷി സമ്മേളനം ഫെബ്രുവരി 14-ന്

ഭക്ഷ്യശ്രീയുടെ ആഭിമുഖ്യത്തിൽ ഫെബ്രുവരി 14-ന് വടകര ടൗൺഹാളിൽ വെച്ച് ഭക്ഷ്യകൃഷി സമ്മേളനവും ജൈവ നെൽ കർഷകരുടെ സംഗമവും നടക്കും.

ബുക്കിംഗിന് വിളിക്കുക:

പൊതിച്ചോർ ആവശ്യമുള്ളവർ മുൻകൂട്ടി ബുക്ക് ചെയ്യേണ്ടതാണ്.

കരിമ്പനപ്പാലം: 8848900822, 9539157337

മുനിസിപ്പൽ പാർക്ക്: 9496285660, 9048772129