ഹരിതാമൃതം: മണ്ണും മനുഷ്യനും വീണ്ടെടുക്കുന്ന ജൈവവിപ്ലവം

രാസരഹിത നെൽകൃഷി: സുസ്ഥിരമായ ഭാവിക്ക്

നെൽകൃഷിയിൽ രാസവളങ്ങൾ ഒഴിവാക്കി ജൈവരീതികൾ അവലംബിക്കേണ്ടത് അത്യാവശ്യമാണ്. ചാണകം, കമ്പോസ്റ്റ്, പച്ചിലവളം എന്നിവ ഉപയോഗിച്ച് മണ്ണൊരുക്കുന്നത് വഴി മണ്ണിന്റെ ആരോഗ്യം നിലനിർത്താം. പുതിയ തലമുറയെ നെൽകൃഷിയിലേക്ക് ആകർഷിക്കാൻ ആധുനിക യന്ത്രങ്ങൾക്കൊപ്പം തന്നെ 'വിഷമില്ലാത്ത അരി' എന്ന ബ്രാൻഡ് മൂല്യവും ഉയർത്തിക്കാട്ടണം. ജൈവ രീതിയിലുള്ള നെൽകൃഷി പരിസ്ഥിതിയെ സംരക്ഷിക്കുക മാത്രമല്ല, വരുംതലമുറയ്ക്ക് സുരക്ഷിതമായ ആഹാരം ഉറപ്പാക്കുകയും ചെയ്യുന്നു.

തവിട് കളയാത്ത അരിയുടെ മഹത്വം

നമ്മുടെ ഭക്ഷണശീലത്തിൽ വന്ന ഏറ്റവും വലിയ തെറ്റാണ് പോളിഷ് ചെയ്ത വെളുത്ത അരിയുടെ ഉപയോഗം. അരി വെളുപ്പിക്കുമ്പോൾ നാം യഥാർത്ഥത്തിൽ കളയുന്നത് അതിലെ വിലപ്പെട്ട പോഷകങ്ങളെയാണ്. തവിടിൽ ധാരാളമായി അടങ്ങിയിരിക്കുന്ന നാരിൻ്റെ (Fiber) സാന്നിധ്യം ദഹനം സുഗമമാക്കുകയും രക്തത്തിലെ പഞ്ചസാരയുടെ അളവ് നിയന്ത്രിക്കുകയും ചെയ്യുന്നു. വിറ്റാമിൻ ബി കോംപ്ലക്സ്, മഗ്നീഷ്യം, ഇരുമ്പ് തുടങ്ങിയ ജീവകങ്ങളും ധാതുക്കളും തവിടുള്ള അരിയിൽ സമൃദ്ധമാണ്. ഇത് ഹൃദയാരോഗ്യം മെച്ചപ്പെടുത്തുന്നതിനും ശരീരത്തിന്റെ പ്രതിരോധശേഷി വർദ്ധിപ്പിക്കുന്നതിനും സഹായിക്കുന്നു.

'ഭക്ഷ്യശ്രീ': ഒരു പുതിയ ഭക്ഷണസംസ്കാരത്തിന് തുടക്കം

"ശുദ്ധമായ ഭക്ഷണം ജന്മാവകാശം" എന്ന സന്ദേശവുമായി പ്രവർത്തിക്കുന്ന 'ഭക്ഷ്യശ്രീ' ബഹുജന സംഘടന ഈ രംഗത്ത് വലിയൊരു മാതൃകയാണ്. അഴിയൂർ പഞ്ചായത്തിലെ കല്ലാമല ഭാഗത്തും കോവ്ക്കൽ കടവിനു സമീപവും രാസവളങ്ങളും കീടനാശിനികളും പൂർണ്ണമായും ഒഴിവാക്കി ഭക്ഷ്യശ്രീ സംഘടനയുടെ നിയന്ത്രണത്തിൽ നടത്തുന്ന ജൈവ നേന്ത്രവാഴകൃഷിപ്രോത്സാഹനം ശ്രദ്ധേയമാണ്.

 ഇത്തരത്തിൽ വിളയിച്ചെടുക്കുന്ന ജൈവ നേന്ത്രക്കായകൾ ഉപയോഗിച്ച്, മായം കലരാത്ത ശുദ്ധമായ വെളിച്ചെണ്ണയിൽ ബനാന ചിപ്‌സ് നിർമ്മിക്കുന്നതിനായി 'കോവിലകം ഫുഡ് പ്രോഡക്‌ട്സ്' എന്ന സ്ഥാപനവും അഴിയൂരിൽ പ്രവർത്തനമാരംഭിച്ചിട്ടുണ്ട്. അഴിയൂർ പഞ്ചായത്ത്‌ കമ്യുണിറ്റി സൊസൈറ്റിയുടെയും സഹകരണത്തോടെ 

അശേഷം മായം കലരാതെ ശുദ്ധവും സുരക്ഷിതവുമായ രീതിയിൽ പ്രകൃതി ദത്തമായ വെളിച്ചെണ്ണയുടെ നിർമ്മാണ നിർവ്വഹണം നടത്തി സുരക്ഷിത ഭക്ഷ്യഉൽപ്പന്നങ്ങൾക്കായുള്ള അന്താരാഷട്ര അംഗീകാരവും ഗുണമേന്മയിൽ ഭാരത സർക്കാരിൻറെ അഗ് മാർക്ക് അംഗീകാരവും തുടർച്ചയായി നേടിയതിന് പുറമെ BSS ദേശീയപുര സ്കാരവും ലഭിച്ച മന്നൻ അഗ് മാർക്ക് ഗ്രേഡ് 1 വെളിച്ചെണ്ണയിലാണ് ബനാന ചിപ്സ് വറുത്തെടുക്കുന്നത്. കോവിലകം ഫുഡ് പ്രോഡക്‌സിൽ ബനാന ചിപ്സ് ഉണ്ടാക്കുന്നത് മന്നൻ വെളിച്ചെണ്ണയിൽ മാത്രം .പ്രിസർവേറ്റിവ്‌സ് ഒന്നുംതന്നെ ചേരുന്നുമില്ല .

സ്നേഹം പൊതിഞ്ഞ 'ജൈവ കലവറ'

വടകര കേന്ദ്രമായി പ്രവർത്തിക്കുന്ന മഹാത്മ സേവാ എഡ്യുക്കേഷണൽ & ചാരിറ്റബിൾ ട്രസ്റ്റിന് കീഴിലുള്ള ജൈവ കലവറ യുടെ മേൽനോട്ടത്തിൽ തയ്യാറാക്കുന്ന പൊതിച്ചോറ് വെറുമൊരു ഭക്ഷണമല്ല, മറിച്ച് ആരോഗ്യത്തിലേക്കുള്ള ഒരു തിരിച്ചുപോക്കാണ്.

എന്തുകൊണ്ട് ഭക്ഷ്യശ്രീയുടെ

പൊതിച്ചോറ് വേറിട്ടുനിൽക്കുന്നു?

തവിട് കളയാത്ത അരി: പോഷകങ്ങൾ നഷ്ടപ്പെടാത്ത, നാരുകളാൽ സമ്പന്നമായ പരമ്പരാഗത അരി.

ജൈവ പച്ചക്കറികൾ: രാസകീടനാശിനികൾ ഏൽക്കാത്ത ശുദ്ധമായ പച്ചക്കറികൾ മാത്രം.

മായമില്ലാത്ത വെളിച്ചെണ്ണ: തനതായ രുചിയും ആരോഗ്യവും ഉറപ്പുവരുത്താൻ അശേഷം മായം കലരാത്ത വെളിച്ചെണ്ണയിൽ പാചകം ചെയ്യുന്നു.

സ്വാഭാവികമായ രുചി: വാഴയിലയിൽ പൊതിഞ്ഞ ചോറ്, പച്ചക്കറി ഫ്രൈ, തേങ്ങാച്ചമ്മന്തി തുടങ്ങിയ നാടൻ വിഭവങ്ങൾ.

ഭക്ഷണം വിഷമാകുന്ന കാലത്ത്, ശുദ്ധമായത് വിളമ്പുക എന്നത് ഒരു സേവനമാണ്. മണ്ണ് മരിക്കാതിരിക്കാനും മനുഷ്യൻ രോഗിയാകാതിരിക്കാനും ജൈവകൃഷിയിലേക്ക് നാം മടങ്ങിയേ തീരൂ. വിയർപ്പിന്റെ ഗന്ധമുള്ള മണ്ണിൽ പൊന്ന് വിളയിക്കാൻ നമ്മുടെ യുവാക്കൾ മുന്നോട്ട് വരണം. നമുക്ക് കൈകോർക്കാം, ആരോഗ്യകരമായ ഒരു ഭക്ഷണസംസ്കാരത്തിനായി.

പ്രൊഫ. മാധവ് ഗാഡ്ഗിലിന്റെ ദേഹവിയോഗത്തിൽ വടകരയുടെ ആദരാഞ്ജലി 

വടകര :പരിസ്ഥിതി സംരക്ഷണത്തിനു വേണ്ടി ആത്മാർഥമായി പ്രവർത്തിച്ച, പശ്ചിമഘട്ടത്തിന്‍റെ സംരക്ഷകൻ എന്ന വിശേഷണത്തിലറിയപ്പെടുന്ന ഉത്തമ പ്രകൃതി സ്നേഹി, പ്രശസ്ത പരിസ്ഥിതി ശാസ്ത്രജ്ഞൻ പ്രൊഫ. മാധവ് ഗാഡ്ഗിലിന്റെ ദേഹവിയോഗത്തിൽ വടകരയുടെ ആദരാഞ്ജലി .

വടകര മുൻസിപ്പൽ പാർക്കിൽ നടന്ന അനുസ്‌മരണ ചടങ്ങിൽ മഹാത്മാ ദേശസേവ എഡ്യുക്കേഷണൽ &ചാരിറ്റബിൾ ട്രസ്റ്റ് ചെയർമാൻ ടി .ശ്രീനിവാസൻ അധ്യക്ഷത വഹിച്ചയോഗത്തിൽ ഹരിതാമൃതം ചെയർമാൻ പി. പി .ദാമോദരൻ ( റിട്ട .ഡിഡി ) ,മണലിൽ മോഹൻ .പി കെ പ്രകാശൻ തുടങ്ങി നിരവധി പ്രമുഖ വ്യക്തിത്വങ്ങൾ അനുസ്മരണച്ചടങ്ങിൽ സംസാരിച്ചു .