ശുചിത്വവും ജലശുദ്ധീകരണവും ഭക്ഷ്യശ്രീയുടെ മുഖ്യപദ്ധതിയാവണം:

ശുചിത്വവും ജലശുദ്ധീകരണവും ഭക്ഷ്യശ്രീയുടെ മുഖ്യപദ്ധതിയാവണം:

 :ഡോ. കെ.എം. സഈദ

 (സീനിയർ കൺസൾട്ടൻ്റ് പീഡിയാട്രീഷൻ

അൽഷറൂഖ് മെഡിക്കൽ സെൻ്റർ ,ഷാർജ ) 

ഷാർജ: കേരളത്തിലെ നഗരങ്ങളിലും ഗ്രാമങ്ങളിലും ശുചീകരണ പ്രവർത്തനങ്ങൾ ശക്തമാക്കേണ്ടതും ജലശുദ്ധീകരണത്തിന് കൂടുതൽ പ്രാധാന്യം നൽകേണ്ടതും അത്യാവശ്യമാണെന്ന് ഷാർജയിലെ അൽഷറൂഖ് മെഡിക്കൽ സെന്ററിലെ സീനിയർ കൺസൾട്ടന്റ് പീഡിയാട്രീഷൻ ഡോ. കെ.എം. സഈദ അഭിപ്രായപ്പെട്ടു.

'ശുദ്ധമായ ഭക്ഷണം ജന്മാവകാശമാണ്' എന്ന ലക്ഷ്യത്തോടെ വടകര ആസ്ഥാനമായി പ്രമുഖ ചരിത്രകാരനും കാലിക്കറ്റ് സർവ്വകലാശാലാ മുൻ വൈസ് ചാൻസലറുമായ ഡോ. കെ.കെ.എൻ. കുറുപ്പിന്റെ നേതൃത്വത്തിൽ ആരംഭിച്ച 'ഭക്ഷ്യശ്രീ' എന്ന സംഘടനയുടെ പ്രവർത്തനപദ്ധതികളിൽ ശുചീകരണവും ജലശുദ്ധീകരണവും ഉൾപ്പെടുത്തണമെന്ന് ഡോ. സഈദ നിർദ്ദേശിച്ചു.

ഷാർജാ അന്താരാഷ്ട്ര പുസ്തകോത്സവത്തിൽ പങ്കെടുക്കാനെത്തിയ ഡോ. കെ.കെ.എൻ. കുറുപ്പ് തന്റെ ക്ലിനിക്ക് സന്ദർശിച്ചപ്പോൾ അദ്ദേഹവുമായി നടത്തിയ സംഭാഷണത്തിലാണ് മലപ്പുറം തിരൂർ സ്വദേശിനിയായ ഡോ. സഈദ ഈ അഭിപ്രായം പങ്കുവെച്ചത്.