ഭാരതത്തിന് അഭിമാനം !! വിശ്വമഹാഗുരുവിന് 'ലോക സമാധാന നേതാവ്' പുരസ്കാരം

ലോകവേദിയിൽ ഇന്ത്യയുടെ "വിശ്വഗുരു" എന്ന സ്ഥാനത്തിന് ഈ അംഗീകാരം അടിവരയിടുന്നു. 

ബോസ്റ്റൺ ഗ്ലോബൽ ഫോറം (BGF) & എ. ഐ. വേൾഡ് സൊസൈറ്റി (AIWS) എന്നിവ സംയുക്തമായാണ് പുരസ്കാരം സമ്മാനിച്ചത് .

2025 നവംബർ 3-ന് യുഎസിലെ മസാച്യുസെറ്റ്സിലുള്ള കേംബ്രിഡ്ജിലെ ഹാർവാർഡ് യൂണിവേഴ്സിറ്റി ഫാക്കൽറ്റി ക്ലബ്ബിൽ വെച്ചാണ് ചടങ്ങ് നടന്നത്.

 ധാർമ്മിക ധൈര്യം, ദീർഘവീക്ഷണമുള്ള ഭരണം, ആഗോള സമാധാനം എന്നീ മേഖലകളിൽ അസാധാരണമായ സംഭാവനകൾ നൽകുന്ന നേതാക്കൾക്കായി 2015-ൽ സ്ഥാപിച്ച ഈ പുരസ്‌കാരത്തിന്റെ പത്താം വാർഷികത്തിലാണ് ഗുരുദേവ് ശ്രീ ശ്രീ രവിശങ്കർജിയെ ആദരിച്ചത്.

 "സമാധാനം വാക്കുകളിലൂടെ മാത്രം വരില്ല; അത് പ്രവൃത്തിയായി മാറണം. സുരക്ഷയ്ക്കായി ധാരാളം ചെയ്യുന്നു, സമാധാനത്തിന് ശ്രദ്ധ നൽകുന്നത് വളരെ കുറവാണ്. സമാധാന നിർമ്മാണം അത്യന്താപേക്ഷിതമാണ്," എന്ന് അദ്ദേഹം തന്റെ പ്രസംഗത്തിൽ പറഞ്ഞു.

സമാധാന പാലകനായ ഗുരുജിആഗോള സമാധാനം, അനുരഞ്ജനം, മനുഷ്യസ്നേഹപരമായ നേതൃത്വം എന്നീ മേഖലകളിലെ ഗുരുദേവ് ശ്രീശ്രീരവിശങ്കർജിയുടെ ഇടപെടലുകളാണ് പുരസ്കാരത്തിന് അദ്ദേഹത്തെ അർഹനാക്കിയത്.

സംഘർഷ ഭൂമികളിൽകൊളംബിയ, ഇറാഖ്, ശ്രീലങ്ക, മ്യാൻമർ, വെനസ്വേല, കശ്മീർ തുടങ്ങിയ സംഘർഷഭരിതമായ പ്രദേശങ്ങളിൽ വ്യക്തിപരമായി ഇടപെടുകയും സംവാദത്തിലൂടെ പ്രശ്നങ്ങൾ പരിഹരിക്കാൻ സഹായിക്കുകയും ചെയ്തു.കൊളംബിയൻ സമാധാനംകൊളംബിയൻ സർക്കാരും FARC തീവ്രവാദ ഗ്രൂപ്പും തമ്മിലുള്ള 52 വർഷം നീണ്ട സായുധ സംഘർഷം അവസാനിപ്പിക്കുന്നതിൽ അദ്ദേഹത്തിൻ്റെ പങ്ക് നിർണായ കമായിരുന്നു.

കാശ്മീരിലെ ഇടപെടൽകാശ്മീർ താഴ്‌വരയിലെ ആയിരക്കണക്കിന് തീവ്രവാദികളെ അക്രമം ഉപേക്ഷിച്ച് സമൂഹത്തിലേക്ക് മടങ്ങാൻ അദ്ദേഹം പ്രേരിപ്പിച്ചു.

മാനവിക സേവനംആർട്ട് ഓഫ് ലിവിംഗ് ഫൗണ്ടേഷൻ വഴി 180 രാജ്യങ്ങളിൽ മാനസിക പിരിമുറുക്കം കുറയ്ക്കുന്നതിനുള്ള 'സുദർശന ക്രിയ' (SKY Breath Meditation) പോലുള്ള പരിശീലനങ്ങൾക്ക് നേതൃത്വം നൽകി.

ലോകമെമ്പാടുമുള്ള 8 ലക്ഷത്തിലധികം തടവുകാരെ ധ്യാനം, ശ്വസന പരിശീലനം എന്നിവയിലൂടെ പുനരധിവസിപ്പിക്കുന്നതിൽ ആർട്ട് ഓഫ് ലിവിംഗ് വലിയ പങ്ക് വഹിച്ചു.