ക്രാന്തദർശിയായ നെടുങ്ങാടി: വിസ്മരിക്കാൻ പാടില്ലാത്ത മഹാപുരുഷൻ : മീരാപ്രതാപ്

മലയാള സാഹിത്യത്തിലും സാമൂഹിക-വിദ്യാഭ്യാസ രംഗങ്ങളിലും അതുല്യമായ സംഭാവനകൾ നൽകിയ മഹാനായിരുന്നു ടി.എം. അപ്പുനെടുങ്ങാടി. അദ്ദേഹത്തിന്റെ 165-ാം ജന്മവാർഷികത്തോട നുബന്ധിച്ച്, ഒക്ടോബർ 11-ന് കോഴിക്കോട് പാളയത്തെ കാലിക്കറ്റ് മെട്രോ സൊസൈറ്റി ഹാളിൽ വെച്ച് ടി.എം. അപ്പുനെടുങ്ങാടി മെമ്മോറിയൽ ട്രസ്റ്റ് സംഘടിപ്പിച്ച അനുസ്മരണച്ചടങ്ങ് ശ്രദ്ധേയമായി.

മലയാള നോവൽ സാഹിത്യത്തിന് അടിത്തറ പാകിയ 'കുന്ദലത'യുടെ കർത്താവ് എന്ന നിലയിൽ മാത്രമല്ല, വിവിധ കർമ്മമേഖലകളിൽ അദ്ദേഹം കൈവരിച്ച നേട്ടങ്ങളെക്കുറിച്ചും ചടങ്ങിൽ ഗൗരവമായ ചർച്ചകൾ നടന്നു. ടി.എം. അപ്പുനെടുങ്ങാടി മെമ്മോറിയൽ ട്രസ്റ്റ് ചെയർമാൻ ശ്രീ ബാബുരാജിന്റെ അധ്യക്ഷതയിൽ ചേർന്ന സമ്മേളനം, മാതൃഭൂമി കോഴിക്കോട് ബ്യൂറോ ചീഫ് ശ്രീ കെ.കെ. അജിത് കുമാർ ഭദ്രദീപം തെളിയിച്ച് ഉദ്ഘാടനം ചെയ്തു.

ച്ചു.

മുഖ്യാതിഥിയായിരുന്ന അദ്ദേഹം, അപ്പുനെടുങ്ങാടിയുടെ സാഹിത്യ സംഭാവനകളെക്കുറിച്ചും വൈവിധ്യമാർന്ന കർമ്മമേഖലകളിലെ പ്രശസ്തമായ പ്രവർത്തനങ്ങളെക്കുറിച്ചും വിശദമായി സംസാരിച്ചു.

അനുസ്മരണച്ചടങ്ങിൽ ട്രസ്റ്റിന്റെ ക്ഷണം സ്വീകരിച്ച്

അപ്പുനെടുങ്ങാടിയുടെ പുത്രി വി.എം. പാർവതിയമ്മയുടെ പൗത്രിയും അവരുടെ ഭർത്താവ് അഡ്വ. പ്രതാപനും പങ്കെടുത്തു. മുത്തശ്ശൻ സമൂഹത്തിന്റെ വിവിധ മേഖലകളിൽ കാഴ്ചവെച്ച പ്രശംസനീയമായ പ്രവർത്തനങ്ങളെക്കുറിച്ചും അദ്ദേഹം ആരംഭിച്ച സംരംഭങ്ങളെക്കുറിച്ചും സംസാരിക്കാൻ പൗത്രിക്ക് അവസരം ലഭിച്ചു.

ഒരു മഹദ് വ്യക്തിയുടെ കുടുംബാംഗങ്ങൾ തന്നെ അദ്ദേഹത്തിന്റെ ഓർമ്മകൾക്ക് ദീപം കൊളുത്തിയത് ചടങ്ങിന് കൂടുതൽ വൈകാരികമായ ഔന്നത്യം നൽകി.

ട്രസ്റ്റിന്റെ ശ്ലാഘനീയമായ പ്രവർത്തനങ്ങൾ:

കോഴിക്കോട്ടെ ടി.എം. അപ്പുനെടുങ്ങാടി മെമ്മോറിയൽ ട്രസ്റ്റിന്റെ പ്രവർത്തനങ്ങൾ ഏറെ ശ്ലാഘനീയമാണ്. ആ മഹദ് വ്യക്തിയുടെ സാഹിത്യ- സാമൂഹിക- വിദ്യാഭ്യാസ മേഖലകളിലെ സംഭാവനകളെക്കുറിച്ച് വരും തലമുറകളെ ബോധവൽക്കരി

ക്കുന്നതിലും, അവർക്ക് പ്രചോദനവും പ്രോത്സാഹനവും നൽകുന്നതിലും ട്രസ്റ്റ് വലിയ പങ്ക് വഹിക്കുന്നു. വിവിധ കാരുണ്യപ്രവർത്തനങ്ങളുമായി മുന്നോട്ട് പോകാനും അവർ ശ്രദ്ധിക്കുന്നുണ്ട്.

ട്രസ്റ്റിന്റെ പ്രവർത്തനങ്ങൾക്ക് ചുക്കാൻ പിടിക്കുന്നവരാണ് ചെയർമാൻ ശ്രീ ബാബുരാജ്, മാനേജിംഗ് ട്രസ്റ്റി ശ്രീ ലക്ഷ്മീദാസ്, ശ്രീ ബാലമുരളി എന്നിവരും മറ്റ് ഭാരവാഹികളും അംഗങ്ങളും. വർഷങ്ങളായി അദ്ദേഹത്തിന്റെ കുടുംബാംഗങ്ങളും ഈ ഉദ്യമങ്ങളിൽ പങ്കുചേരുന്നുണ്ട്.

ചരിത്രത്തിൽ വിസ്മരിക്കാൻ പാടില്ലാത്ത വ്യക്തിത്വങ്ങളെ ഓർമ്മപ്പെടുത്താനും, അവരുടെ ദീർഘവീക്ഷണമുള്ള പ്രവർത്തനങ്ങൾ പുതിയ തലമുറയ്ക്ക് പ്രചോദനമാക്കാനുമുള്ള ഇത്തരം ശ്രമങ്ങൾ തീർച്ചയായും അഭിനന്ദനാർഹമാണ്.

ക്രന്തദർശിയായിരുന്ന ടി.എം. അപ്പുനെടുങ്ങാടിയുടെ ഓർമ്മകൾക്ക് മുന്നിൽ കൊച്ചുമകളുടെ പ്രണാമം സമർപ്പിച്ചുകൊണ്ട് അനുസ്മരണച്ചടങ്ങ് സമാപിച്ചു