മനസ്സുകൾ തമ്മിലുള്ള സ്നേഹത്തിൻ്റെ പുനഃസമാഗമം

മനസ്സുകൾ തമ്മിലുള്ള

സ്നേഹത്തിൻ്റെ 

പുനഃസമാഗമം

തലശ്ശേരി : അക്ഷരമുറ്റത്തെ ആൽമരച്ചുവട്ടിൽ, കാലം കഥ പറഞ്ഞ വഴികളിലൂടെ ഒരു തിരിഞ്ഞുനോട്ടം. 

അക്ഷരങ്ങൾ കൂട്ടിവായിച്ച് നാം നടന്നുതുടങ്ങിയ ആ പാതകൾ, സൗഹൃദത്തിന്റെ ചിറകുകൾക്ക് ബലം നൽകിയ ഇടനാഴികൾ, സ്വപ്നങ്ങൾക്ക് നിറം ചാർത്തിയ ക്ലാസ്സ്‌മുറികൾ...

എല്ലാം ഓർമ്മകളുടെ മധുരം പേറി കാത്തിരിക്കുന്നു. കാലത്തിന്റെ കുത്തൊഴുക്കിൽ പലവഴിക്കായി പിരിഞ്ഞുപോയ നമ്മൾ, വീണ്ടും ഒരേ പുഴയിലേക്ക് തിരിച്ചെത്തുകയാണ്. 

അതൊരു കേവല ഒത്തുചേരലല്ല, മറിച്ച് മനസ്സുകൾ തമ്മിലുള്ള സ്നേഹത്തിന്റെ പുനഃസമാഗമം കൂടിയാണ്.

ഓർമ്മകൾക്ക് പുതുജീവൻ നൽകാനും, ഹൃദയത്തിൽ നിന്ന് മാഞ്ഞുപോയ മുഖങ്ങളെ വീണ്ടും കാണാനും, നമ്മുടെ വേരുകളിലേക്ക് മടങ്ങാനും ഈ സംഗമം നമ്മെ ക്ഷണിക്കുന്നു.

അസ്തമിക്കാത്ത ആ സൗഹൃദത്തിന്റെ സൂര്യപ്രകാശം വീണ്ടും നമ്മെ തേടിയെത്തുമ്പോൾ, നഷ്ടപ്പെട്ടുപോയ ഇന്നലെകളെ നമുക്ക് ഒരുമിച്ചിരുന്ന് വീണ്ടെടുക്കാം.

പൂർവ്വ വിദ്യാർത്ഥി സംഗമം

തലശ്ശേരി Sacred Heart Girls High School ലെ 1979-80 SSLC ബാച്ചിന്റെ പൂർവ്വ വിദ്യാർത്ഥി സംഗമം വിവിധ കലാപരിപാടികളോടെ ആഘോഷിച്ചു. ദേശത്തിന്റെ പല ഭാഗങ്ങളിൽനിന്നുള്ളവരും പിന്നീട് നാനാതുറകളിൽ പ്രവർത്തിച്ചവരുമായ, അന്നത്തെ വിദ്യാർത്ഥിനികൾ 45 വർഷത്തിന് ശേഷം Hotel Navaratna Inn ൽ ഒത്തുചേർന്നു ഗതകാല സ്മരണകൾ അയവിറക്കി. അദ്ധ്യാപികമാരായ നിർമ്മല, ത്രേസ്യമ്മ എന്നിവർ ആശംസാഭാഷണം നടത്തി. മുൻഅദ്ധ്യാപികമാരായ രാധ, വിജയി, നിർമ്മല, ത്രേസ്യമ്മ, ഡെയ്സി, ജോളി, സിസ്റ്റർ സിസിലി എന്നിവരെ ആദരിച്ചു.