ശുദ്ധഭക്ഷണം: ജന്മാവകാശം

ശുദ്ധഭക്ഷണം

ജന്മാവകാശം

:ദിവാകരൻ ചോമ്പാല 

ഓണസദ്യയുടെ സന്തോഷം, മീൻ ഇല്ലാതെ വടക്കേ മലബാറിൽ പൂർത്തിയാകില്ല.

എന്നാൽ ഇന്ന് വിപണിയിൽ മീൻ വാങ്ങുന്ന ജനങ്ങൾക്ക് ലഭിക്കുന്നത് തികച്ചും ആരോഗ്യഭീഷണിയാണ്. ഐസ് വിതറിയും വെള്ളത്തിൽ കുളിപ്പിച്ച് കിടത്തിയും പുതുമ തോന്നിപ്പിക്കുന്ന പഴകിയ മീനുകളും, അതിലും ഭീകരമായി ഫോർമാലിൻ ചേർത്ത മീനുകളും. ഈ അടുത്ത ദിവസം ചെമ്മീൻ വാങ്ങിയ ഒരു വീട്ടമ്മ  പറയുന്ന കഥകേട്ട് ഞെട്ടിപ്പോയി .ചെമ്മീൻ തൊലിപൊളിച്ചശേഷം അസാധ്യമായ കൈചൊറിച്ചലായിരു ന്നത്രെ അവരനുഭവിച്ചത്. 

എന്താവാം കാരണം ,ചെമ്മീൻ അലർജിയാണെന്ന് പറഞ്ഞൊഴിയാനെളുപ്പം.

സാധാരണക്കാരായ ജനങ്ങളുടെ ആരോഗ്യത്തെ കളിപ്പാവയാക്കി, ഭക്ഷണവിപണിയെ ചിലർ ലാഭത്തിൻ്റെ കച്ചവടക്കളമായി മാറ്റിയിരിക്കുകയാണ്.

ഭരണകൂടത്തിൻ്റെ മൗനം കുറ്റകൃത്യത്തിന് പിന്തുണ

ഈ അനാചാരങ്ങൾ നടക്കുന്നില്ലെന്ന് അധികാരികൾക്ക് അറിയില്ലേ?

അറിയുന്നു. എന്നാൽ ജനാരോഗ്യവുമായി നേരിട്ട് ബന്ധപ്പെട്ട വിഷയത്തിൽ പോലും സർക്കാരിന്റെ ഇടപെടൽ ശക്തമല്ലെന്നാണ് പരക്കെ പരാതി . ഇതിനു പക്ഷമില്ല കക്ഷിയില്ല .മനസാക്ഷിയുള്ളവരെല്ലാം ഒറ്റക്കെട്ടാണ് .വിൽക്കുന്നപാവം തൊഴിലാളികളും പാവങ്ങളാണ് .പരിശോധന മുകളിൽ നിന്നുതുടങ്ങനാം കതിരിൽ വളം വെച്ചിട്ട് കാര്യമില്ല

മീൻ പരിശോധനയ്ക്കായി നിയോഗിച്ച ഉദ്യോഗസ്ഥർ മാർക്കറ്റിൽ സ്ഥിരമായി എത്തണമെന്നത് നിയമമാണ്. എന്നാൽ പലരും അത് പേപ്പറിൽ മാത്രം നിറവേറ്റുന്നു.

 ജനങ്ങളെ വിഷം തീറ്റിക്കുമ്പോൾ മുഖം തിരിഞ്ഞു നിൽക്കുന്ന ഉദ്യാഗസ്ഥർ ആരായാലും അവർ പൊതുജനങ്ങളുടെ ശതുവാണ്‌ .നികൃഷ്ട ജന്മങ്ങളാണ് .

അത്രക്കാരെ സംരക്ഷിക്കുന്ന അഥവാ തണലിടം നൽകുന്ന അധികാരവർഗ്ഗ സംവിധാനത്തിന് എന്ത് പേരിടാം?

ഇത് അസാധുതയ്ക്കും അനാസ്ഥയ്ക്കും തുല്യം.

കുറ്റക്കാരെ വിടുതൽ നൽകുന്നത് കുറ്റമാണ്

വിപണിയിൽ പിടികൂടുന്ന ഫോർമാലിൻ കലർന്ന മീനുകളുടെ വാർത്തകൾ ഇടയ്ക്കു കേൾക്കാറുണ്ട്.

എന്നാൽ പിന്നീട് എന്ത് സംഭവിക്കുന്നു?

 കേസുകൾ ഇല്ലാതാവുന്നു, കുറ്റക്കാരെ വിട്ടയക്കുന്നു, കാര്യങ്ങൾ ജനങ്ങൾക്ക് മറന്നുപോകുന്നു .നിയമലംഘകർക്ക് കർശന ശിക്ഷ നൽകാതെ, പൊതുജനാരോഗ്യം രക്ഷിക്കാനാവില്ല.

ജനങ്ങളെ വിഷം തീറ്റിക്കുന്ന പ്രവണത

ഫോർമാലിൻ പോലുള്ള വിഷാംശങ്ങൾ മീനിലൂടെ ശരീരത്തിലേക്ക് കടന്നാൽ അതിന്റെ ഫലങ്ങൾ ഭയാനകമാണ്.

കരൾ, വൃക്ക, ശ്വാസകോശ സംബന്ധ പ്രശ്നങ്ങൾ മുതൽ ദീർഘകാലത്ത് കാൻസർ വരെ ജനങ്ങളെ ഭീഷണിപ്പെടുത്തുന്നു.

ചെറിയ ലാഭത്തിനായി പൊതുജനങ്ങളുടെ ആരോഗ്യവുമായി കളിയാടുന്ന പ്രവണത ഒരിക്കലും അംഗീകരിക്കാനാവില്ല.

കുറ്റവാളികളും നിരപരാധികളും

വിൽപ്പനക്കാരും നിരപരാധികളാണ് 

ചില ലാഭക്കൊതിയുള്ള കച്ചവടക്കാർ ഭക്ഷണത്തിൽ വിഷം ചേർത്ത് വിൽക്കുമ്പോൾ, പല ചെറുകിട വ്യാപാരികളും നിരപരാധികളാണ്. പുറത്തുനിന്ന് വരുന്ന മീനുകളിൽ മായം ചേർത്തിട്ടുണ്ടോ എന്ന് അവർക്ക് തിരിച്ചറിയാൻ സാധിക്കണമെന്നില്ല.

അതിനാൽ, ഈ പ്രശ്നത്തിന്റെ ഉത്തരവാദിത്തം പ്രധാനമായും നിയന്ത്രണ സംവിധാനങ്ങൾക്കാണ്.

സമൂഹത്തിന്റെ ശത്രുക്കളായ മായം ചേർക്കുന്നവരെ കണ്ടെത്തി ശിക്ഷിക്കാൻ ഭരണകൂടം പ്രതിജ്ഞാബദ്ധമായിരിക്കണം.

വിപണിയിലെ ചെറുകിട മീൻവ്യാപാരികൾ പലപ്പോഴും നിരപരാധികളാണ്. 

ഉത്തരവാദിത്വം പ്രധാനമായും നിയന്ത്രണ സംവിധാനത്തിന്റേത് തന്നെയാണ്.

നിയന്ത്രണ സംവിധാനങ്ങളുടെ ജാഗ്രത

ഭക്ഷ്യസുരക്ഷാ വിഭാഗം, ആരോഗ്യവകുപ്പ്, പ്രാദേശിക ഭരണകൂടങ്ങൾ – ഇവരുടെ പ്രവർത്തനം കടുത്ത ജാഗ്രതയോടെ മുന്നോട്ടുപോകേണ്ടതാണ്. വിപണിയിൽ സ്ഥിരമായ പരിശോധനകൾ, ലബോറട്ടറി പരിശോധനകൾ, നിയമലംഘകരെതിരെ ശക്തമായ നടപടി എന്നിവ അനിവാര്യം.

ജനങ്ങളെ വിഷം തീറ്റിക്കുന്നതിനോട് ഭരണകൂടം മിണ്ടാതിരിക്കരുത്.

ഇന്ന് മീനിലാണ് മായം, നാളെ പച്ചക്കറിയിലും പഴങ്ങളിലും. ചെറിയ ലാഭത്തിനായി ഭക്ഷണവസ്തുക്കൾ വിഷം കലർത്തുന്നവർ, സമൂഹത്തിൻ്റെ ശത്രുക്കൾ തന്നെയാണ്. ഭരണകൂടം അവരെ സംരക്ഷിക്കുന്നോ,ജനങ്ങളുടെ ഭാഗത്ത് നിന്ന് നിലകൊള്ളുന്നോ എന്നത് തെളിയിക്കേണ്ട സമയമാണിത്.

ശുദ്ധഭക്ഷണം: ജന്മാവകാശം

ശുദ്ധവും സുരക്ഷിതവുമായ ഭക്ഷണം ഒരോ പൗരന്റെയും ജന്മാവകാശം തന്നെയാണ്. അത് നിഷേധിക്കുന്നത് ഭരണഘടനാവിരുദ്ധമാണ്. ജനങ്ങളെ വിഷം തീറ്റിക്കുന്നവർക്കെതിരെ  ശക്തമായ നിയമനടപടിയും സാമൂഹിക പ്രതികരണവും ഉയരേണ്ട സമയമാണിത്.