അഴിയൂരിൽ സാന്ത്വന രംഗത്ത് വിപ്ലവം സൃഷ്ടിക്കണം.

അഴിയൂരിലെ നിർധനരായ രണ്ട് പേർക്ക് അഴിയൂർ കുട്ടം സൗഹൃദ കൂട്ടായ്മ നൽകുന്ന ശ്രവണ സഹായി വേദിയിൽ വെച്ച് എം.എൽ.എ. കൈമാറി. സാമൂഹിക സാംസ്കാരിക രാഷ്ട്രീയ രംഗത്തെ ഒരു പറ്റം ആളുകൾ ചേർന്നു രൂപീകരിച്ച അഴിയൂർ കൂട്ടം സൗഹൃദ കൂട്ടായ്മ അഴിയൂരിൽ നിരവധി സാന്ത്വന പ്രവർത്തനങ്ങൾക്ക് നേതൃത്വം വഹിച്ചു വരികയാണ്. അഴിയൂരിൽ സാന്ത്വന വിപ്ലവം പ്രാവർത്തികമാക്കാൻ അഴിയൂർകൂട്ടം സൗഹൃദ കൂട്ടായ്മക്ക് കഴിയുമെന്ന് ഉത്ഘാടന പ്രസംഗത്തിൽ എം.എൽ.എ. സൂചിപ്പിച്ചു.

ഗുരുതരമായ രോഗങ്ങളുള്ള വ്യക്തികളുടെ ജീവിതനിലവാരം ആയതിലൂടെ മെച്ചപ്പെടുത്താൻ കഴിയുമെന്നും മാനസികമായി അവരെ ഉയർത്തിക്കൊണ്ടുവരാൻ കഴിയുമെന്നും ഇത്തരം പ്രവർത്തനങ്ങൾ കൂട്ടായ്മക്ക് മുതൽക്കൂട്ടാകുമെന്നും എം.എൽ.എ കൂട്ടിച്ചേർത്തു.

കൂട്ടായ്മയുടെ സെക്രട്ടറി നവാസ് നെല്ലോളി സ്വാഗതം പറഞ്ഞ ചടങ്ങിൽ കൂട്ടായ്മയുടെ പ്രസിഡണ്ട് ടി.സി.രാമചന്ദ്രൻ അദ്ധ്യക്ഷം വഹിച്ചു.ശ്രീ. ശശിധരൻ തോട്ടത്തിൽ, പി.എം.അശോകൻ, ചെറിയ കോയ തങ്ങൾ, സെബാസ്റ്റ്യൻ മാസ്റ്റർ, കാസിം നെല്ലോളി, എ.വി.യൂസഫ്, പി.കെ കോയ മാസ്റ്റർ, മാലതി കൃഷ്ണൻ എന്നിവർ ആശംസകൾ നേർന്നു സംസാരിച്ചു.